عشقت أوزعتي ❤️ (الجزء الثاني)

العزومة السعيدة 💥😂

(وحشتووني أوي أوي .. بصراحة الفوتس قليل أوي ف الرواية دي والكومنتس كمان بلاش تزعلوني بقى أنا أهو بنزل بارت جديد بناءً ع طلب أحد المتابعين ويارب يعجبكم وتحبوه وألاقي تفاعل جامد عليه)

©©في قصر مراد المنشاوي ...
#إستيقظت سهيلة الصغيرة من نومتها العميقة على ضربة قوية بحذاء والدتها ليسقط فوق رأسها يوقظها فإنتفضت من الفراش وسقطت على الأرض ...

سهيلة بتأوه ووجع :- اااااه يا دماغي ويا عضمي إللي إتكسر هو فيه بني آدمين بتصحي حد بالشكل ده أنا متجابة من الملجأ ولا إيه علشان بتبهدلوني كل يوم بالشكل المهين ده يا ماما يوووه بقى .

أسماء بعصبية وألقت الحذاء الآخر عليها :- مهو إنتي إللي غيبوبة ومش بتنامي زي البني آدمين أصلا منبه تليفونك إنتحر من كتر الرن وإنتي البعيدة مخمودة ومش عايزة تتنيلي ع عينك وتصحي خالص أعملك إيه مهو كان لازم أخليكي تفوقي وتغوري على شغلك وتشوفي إللي وراكي أبقى غلطانة ياروحمك .

سهيلة بغيظ ثم نهضت من مكانها :- ما أنا إتنيلت ع عيني وسمعته وقفلته ومش رايحة الشغل النهاردة أنا رايحة عند لوليتا وياغيز قصر إيجمان وهقضي اليوم هناك معاهم كله متقلقيش عليا .

أسماء برفعة حاجب وبرود :- يبقى رجلي على رجلك وهروح معاكي إشمعنى إنتي تروحي لوحدك بقى كده كده آدم ابن ياغيز ف الشركة وعند أبوكي يعني مش هتشوفيه طول ما إنتي هناك ريحي نفسك .

سهيلة بإرتباك وهي تجهز ملابسها :- يوووه وأنا مالي ومال آدم ابن أونكل ياغيز يعني يا ماما هـاا وبعدين أنا رايحة أقعد مع لوليتا الكبيرة شوية وأتعرف على العيلة بتاعتها بس مش أكتر .

أسماء بسخرية وحِدة :- على مامي برضو يا لولي أنا حفظاكي كويس وسمعتك إنتي وأبوكي إمبارح يعني بلاش تعملي الشويتين دول عليا فاهمة وإنجزي بقى وإلبسي بسرعة علشان هنروح سوا وهنرجع سوا .

سهيلة بتذمر وذهبت إلى المرحاض :- يووووه يوووه طيب هغور أتنيل ألبس ونروح سوا أما نشوف آخرتها إيه ف أم اليوم الغريب ده وحضرتك ماشالله جاهزة يا ماما أهو ومستنياني أصحى أديكي التمام .

أسماء بسخرية وهي ترتب الفراش مجددا :- أيوة أنا عملت كده ياختي وأنا كنت عارفة إنك إجازة النهاردة وعلشان كده صحيتك بطريقتي وإخلصي ف يومك .

^^إنتهت أسماء من توضيب الفراش ووجدت إبنتها الصغيرة خرجت من الحمام وهي تظبط هيئتها قبل الذهاب إلى قصر عائلة إيجمان^^

سهيلة بابتسامة وتدور حول نفسها :- إيه رأيك يا أم لوليتا حلو الفستان ده ولا لأ بس أنا حاسة ضهره ده عريان شوية ومفتوح ولا أنا بيتهيألي .

أسماء بصدمة وغيظ :- ياااااا نهااااررررككك مطييين الفستان ده دخل البيت إزاي ف وجود أبوكي هنا يلا إجري غيّري الفستان ده بسرعة إذا كنتي حابة تتنيلي تروحي من غير ما تسمعي كلمتين من أبوكي .