جابوها دفع للدار

مشهد 🤍

مشهد
ـــــــــــ★ــــــــــــــــ★
طبيت للبيت تلكتني امي من الباب غسلي ولج غسلي ايديج ووجهج وتعالي بسرعة.. ماعرفت شكو بس جن عدنا خطار وهوسة بالبراني.. غسلت وكعدت واني مافاهمة شي شافني وانعجبن بية صاحتلي مرة وسطانية هلا هلا تعاي يمي خل احبج.(ابوسج).. اجيت كعدت والله ماعرفت شنو جانوا يخططون..شوية وكامن جانوا من غير محافظة

كتلها يمة وين الغدا ميتة جوع كالت روحي للمطبخ هناك نتغدة اتغدينة وخلصنا كال ابوي يلا ولج حنيوة روحي لبيت اجدادج جيبي الحصة ظلت عدهم... رحت لخالي
خالي: ها خير حنيوة جايتني شتردين
حنيوة: خالي ابوي وداني يريد الحصة
خالي؛: روحي مالكم حصة من تجي اني اصيحلج
حنيوة.. رجعت لابوي كتلة ماينطيني نزل عليهم بالغلط وامي ساكتة اتعلمنة طبعها كتوم وبطينة وفطيرة
وتضحك اذا ابوي صار عصبي ويغلط هي ميتة ضحك اتعجب عليها بس اني مو مثلها انقهر و لسان وعرمة
ابوي يكعد الصبح تركضلة امي
ذاك الريوك الزين.. والقوري لازززم تحط فوكاه خاولي حتى يتهدر واذا مالكة خاولي يكلب الدنيا ويركع صينية الريوك ليغادي يوصلها..
امي شابعة شتايم من عندة من صباح الله واحنة ساكتين بس النفس ينسمع لان عصبيتة متنحمل
ابوي يصلي الصبح و ورة الصلاة يحط المسجل ويكعد يسمع سعد الحلي🤦‍♀️
ابوي الوحيد من اخوتة فقير وماعندة ولو نوصل ناكل خبز وماي. محد يدك بابنة من عمامي. ويشيل وينطينا لو نموت جوع وخوالي كذلك....
جانت اكو كاولية بعيد عنة يروح اخوي الجبير (سعيد) وشلة وياه بدون ميدري ابوي عربدة وركص ونسوان لحد ما اخوي طاحلة بوحدة شايفها من جان يدرس حبها من صدك واتزوجها غصب عن ابوي....
بس مابطل سوالف النسوان.. ومرتة خطية شابعة قهر.. هي. واختي الوسطانية( لماوي) ميتوالمن دومهن مكافش من الرؤؤس وبالأخير ياكلن كتلة معدلة بالحزام
وهاي حياتهن يومية. مكتولات
مرت سعيد خلفت بنية كلنا فرحنا بيها بس هي شالتها وانطتها لامها تربيها وظلت كل سنة تحبل وتجيب سطرتهم 7 ولد وكل هذا ماراضي سعيد عليها ويوميا كاتلها لان تغار ومترضة يطلع ويجي. وجه الصبح
لماوي آية من الجمال هو كلنا حلوين بس هي احلى وحدة بينا...
يحبها ابن خالتي وتحبةة جانو يلتقون بالسر بالكيعان (ارض العشاق انذاك) ورادو يتزوجون بس. ماصارت قسمتهم اخوي الجبير رافض رفض قطعي..

بيوم كاعدين كلنا ومانحس لماوي انكلبت شفتها زركة وطاحت علينا....

للحكاية بقية.... 💔💔