لسنا ألهة

مشهد رمضانى

ملك:يماما ارحميني من الصبح تنظيف مش ده كان للعيد بس .
عبير: رمضان شهر العيد أيام
ملك:يماما انتى ماشية بمبدأ إيهاب سلطان كل شوية لتكمل بغناء طالعة فى دماغى نروق شوية.
عبير:بكرة هنعزم خالتك والولاد وهيبقى عندنا ضيوف يقولول علينا ايه.
ملك:طبعا لازم ننظف تحت السرير عشان خالتو لو حبت تقعد فى الهواء تحت السرير شوية وننظف درج الثلاجة عشان لو حبت تقول للخيار حاجة.
عبير:النظافة من الإيمان نظفى وانتى ساكتة.
......... سبحان الله
صدفة:الناس كلها علقت زينة فى الشارع إلا كهنة المعبد اللى عندنا.
بيرى :الو يا مستر بيقولوا رمضان بكرة الكلام ده بجد.
المستر:اه سمعت.
بيرى:وبيقولوا رمضان للعبادة بقى فلو تلغى الدرس وادعيلك دعوة حلوة كدة .
بيرى بصدمة:انا بعد ١٤سنة خدمة فى ثانوى يتقفل فى وشى .
نهاد:متيجوا تحضروا معايا الفطار .
بيرى:اللى هو .
صدفة:انتى بتسألى أكيد محشى.
بيرى:هو كل سنة منغير السنة دى.
صدفة بإنفعال : انتى هتكفرى هذا ما وجدنا عليه آباءنا واجدادنا.
بيرى:عندك حق بكرة ١٠٠مليون حلة محشى كل الشعب أشترى بقدونس النهاردة.
نهاد:نتفق من دلوقتى كل يوم واحدة تعمل العصير وواحدة السحور انا مبقتش قادرة حتى مش هروح لعبير هتصل بيها تيجى هى.
بيرى:عجزتى يا نيدو .
نهاد:مين دى ده انا هكمل ١٩.
ليدخل مهند ويوسف وهما معهم زينة رمضان وفوانيس.
لتقفز كل من بيرى وصدفة لتأخذ كل واحدة الفانوس الخاص بها وهم يغنون.
بيرى وصدفة بغناء: افرحوا يبنات يلا وهيصوا رمضان اهو نور فوانيسه .
يوسف: البنات تفرح والولاد لا.
بيرى:اه الولاد لا شوفت فى الاغنية ولاد.
لينظر لها يوسف بغضب.
مهند:طيب مأحنا ممكن نغنى هاتوا الفوانيس يولاد هاتوا الفوانيس .
يوسف بفرحة :اه ومش هنلاعبكوا معانا.
صدفة بلا مبالاة:عادى خالص مش مشكلة احنا خلينا فى حلاوة التين والقمر الدين وكياس التقل وقراطيسه الله الله .
لتأتى نهاد:طيب ما ممكن نغنى رمضان فى مصر حاجة تانية والسر في التفاصيل.
ليكملوا جميعهم بغناء: رمضان فى مصر غير الدنياطعمه بطعم النيل فىكل حتة بنتمشى فوانيس وزينة فى الشارع صوت الاذان يدخل قلبك ونصلى تراويح فى الجامع .
بيرى بإندماج مع الأغنية:ونصلى تراويح فى الشارع.
صدفة:بتصليها فى الشارع كانت فى الجامع على أيامى .
بيرى:لا مرة شوفت ناس بتصليها جنب الجامع فى الشارع .
صدفة :لا مأحنا مش جايين نحكى مغامراتك وقصة حياتك احنا بنغنى الاغنية .
مهند:سيبيها يا صدفة وهى بتفهم يعنى طول عمرها ولا حاجة اصلا.
لتنفجر بيرى فيه:انا تعبت كل مرة تقلل منى انا المفروض أختك فتبقى حنين معايا مش كل شوية تقليل منى وإحباط وتهز ثقتى بنفسى لتذهب بدموع لغرفتها .
نهاد:ينفع كدة تزعل أختك قبل رمضان.
يوسف :اه بتزعل اختك في مولد النبى يرمضان.
مهند بتفأجأ:انا كنت بهزر اللى مدايقنى انى لما بتكلم جد بتأخذ الموضوع هزار ولما اهزر تقلبها دراما .
صدفة:طيب أدخل صالحها بقى ويلا نعلق زينة ونفرح.
مهند:حاضر.
ليذهب مهند ويطرق باب صدفة ليجده مفتوح فيدفعه مهند ليجد بيرى تغطى نفسها وتضع المخدة على وجهها ليذهب ويرفعها ولكن لا يجد بيرى فقط بعض المخدات .
مهند:بيرى يا بيرى بلاش حركات العيال القمرات دول وتعالى يلا بدل مقول بريأم ومندهش بيرى خالص يا بيرى فجأة ويجد صوت غريب من الدولاب ليذهب للخارج ينادى والدته ولكن لا يجد أحد بالشقة فجأة ويجد شبح مغطى بقماش ابيض يصرخ بوجهه ليرتعب مهند ويصبح وجهه احمر من الخوف ويصرخ وفجأة يجد الجميع يضحك .
بيرى بضحك: كل سنة وانتم طيبين ولا يقطعلنا عادة ولا يحرمنى منكم ولا يحرمكوا منى ويقدرنى على فعل الخير وعلى اذية الغير ورمضان مبارك عليك يا اخى العزيز .
مهند بصدمة:اخوكى بجد وينظر لنهاد هو مش فى شهادة الميلاد هى اختى. وانتى امى ليه كدة لى .
نهاد:بطل نكد وخليك فريش وفرافيش.
مهند:حرام عليكم قلبى وقع عند الجيران.
صدفة :لما اقوم اتصل بملك اقولها كل سنة وانتى طيبة.
تتصل صدفة بملك .
صدفة: السلام عليكم عاملة ايه يا قمر.
ملك: الحمد لله يا حبيبتي كل سنة وانتى طيبة.
صدفة بغيظ:ده انتى مستفزة  انا اللى متصلة .
ملك بضحك: خلاص اسفة كلاكيت تانى مرة .
صدفة:لا هى حلاوتها فى اول مرة المهم نيدو تعبانة تعالوا افطروا عندنا المرة دى.
ملك بزعل: يخسارة بعد كل للتتظيف ده. ده انا كنت منظفالكوا مكان جنب الجزر ايه قمر.
صدفة:معلش تعالى انا حطالك الصيفى تتطبيقيه معايا.
ملك:مستغلة اشوفك بكرة أن شاء الله .
صدفة: أن شاء الله سلام.
وبعد وقت وجاء وقت السحور .
كانوا يجلسوا جميعاً يتناولوا السحور وهم يشاهدون مسلسل مين قال الذى يعرض أولى حلقاته.
بيرى:قلبوا ونشوف هنتابع اى فى رمضان.
لترد صدفة:كل المسلسلات دى بتتعاد لكن رمضان واحد بس فى السنة ليه تضيعى وقته في مسلسلات وروايات ده غير ان عندك مذاكرة لو عايزة تتابعى اوى يعنى شوفى وقت السحور ابقى شوفى حاجة.
بيرى:ده على اساس أنك مش هتابعى بكار.
صدفة:هتابع طبعا.
نهاد: رمضان بيجرى والله طيارة ضيف خفيف ما سبحان الله.
مهند:لسة لسة يا نيدو مجاش وهتغنيلنا والله لسة بدرى.
بيرى:لا هتغنى:العيد فرحة .
نهاد:ده انتوا .
بعدما انتهوا من السحور ومنتظرين الفجر وكل واحد بجانبه زجاجة ماء وكليتهم فى غاية السعادة .
بيرى:من كام اسبوع بينسى يشرب يلا فاضل اصلا ٢٠دقيقة فاضل ١٥دقيقةفاضل .
ليقاطعها يوسف:ممكن تسكتى روح المنبه إللى جواكى.
بيرى:يلا محدش يشرب خلاص.
ليسمعوا جميعا اذان الفجر ليعلن عن اول أيام السنة.
كل سنة وأنتم طيبين وبخير.
لو عجبكم المشهد متنسوش الڤوت وتقولولى رأيكم.