السلام عليكم...
اني من هواياتي المطالعه وقراءة القصص والكتابه ..
واليوم كتبت الكم قصة جميلة جدآ تتكلم عن الوفاء،عن التضحية ...اتمنى ان تنال اعجبكم وأن اكون خفيفة الظل عليكم .......♡
___________________________
#_رسايل شوكك
((بقلم الكاتبة نبأ السلطان ))
يكول :
أحضنها بخجل مهيوب
واصفن منتظر ردها
تردلي بكلمة احضن حيل
اريد اضلوعي تمردها🖤
أميرة : جنت كاعده مثل كل مرة يم الشباك واشوف الناس الي تمر
وبوقت جان بالي شارد صاحتني امي حته اساعدها بتنظيف البيت
أم أميرة : تعاااااي جاي أميرة عاونيني بتنظيف البيت مكضيتها صفنات هسه يجي ابوج واخوتج من الشغل.
أميرة : اي يمة صار هسه اكمل الشغل
بديت انظف وارتب بلبيت وكملت كلشي
وركبت الغداء
وبعدها اجو ابوي واخوتي من الشغل
طبعا ابوي يشتغل نجار واخوتي ويا يشتغلون
يعني نجارة غرفة نوم العراس وهيج ..
ابو أميرة :يالله شلونجن يابة
ام أميرة : الله يساعدك هلا بيك تعيبان روح غسل وارتاح بين مانصب الغداء
ولجن أميرة نور دهر صابجن صبن غداه اجه ابوجن واخوتجن من لشغل .وينجن
أميرة: اي يمه حاضر
نور : يمه شبيج صوتج واصل سابع جار
ام أميرة: خايبات ومرض صبن
علي اخو أميرة: هايمه شلونجن
ام أميرة: هله يبعد طوايفي هله يمه
موسى : يابة مو متنا شوكت تصبولنا الغداء
أميرة: اي اي كملت يلة تعالوا
واجتمعوا جميع العائلة على السفرة وبلشوا ياكلون
وأثناء ما جميع مشغول وياكل
ابو أميرة: ان شاءالله العصر تحضروا كلكم معزومين بيت صديقي ابو اسماعيل
ام أميرة: ان شاء الله خايبات تحضرن من وكت كون بس نكول ياله تكومن خوش فشله من الوادم
أميرة ونور : اي يمه
كملوا غداهم ولمن الصحون وخضنهن البنات
وصبن استكاين الجاي وودنهن ...
ام أميرة: اناملي سويعه وكعدني خوش يمة
أميرة: اي يمة صار ادللي
نور :واخيرا راح نطلع من البيت اشوفن حبيب كلبي صادق
أميرة: ولج خايبة شجاج ماشايفه اسكتي لا يسمعونج اخوتج ابوج
نور : ولج شبيج اميرتي غير احبنه
الله هيج ونزوج انه ويا
أميرة: ان شاءالله حبيبة قلبي
نور : يمن فدوة اروحلج
أميرة: راح اروح انهد امي هيه كالت ساعه وكعدني
