#_رسايل شوكك
((بقلم الكاتبة نبأ السلطان ))
يا خُبز ريـَف اليشمّك يشتهيك 🌺
أميرة : اليوم خطوبة أخوية واختي
كلنه فرحانين بهاليوم البيت مخبوص خبص هوسة جهال ونسوان وعمامي وناس طابه طالعه
ومرت عمي سعاد موتتني معاجبها العجب وبس تتنعوص وهاي ليش وذيج ليش
سعاد : ياا اووي راح تنطون بتكم لبيت ابو اسماعيل ليش مانتظرت ابني سجودي اشو يخبل وشاغول
أميرة: عمه هية بعد قسمه وصارت
سعاد : يا قسمة اشوا انتن تلحلن للوادم ماتستحن
حجت نورة : عمه شنو هذا الحجي انتي تنغصين علينه فرحتنه وبعدين اني ماخذ ابنج المايع لو يبقى بس هو خوش مو جايه دورين سوالف علينه
يله اميرتي اروح للصالون
سعاد: ويطبجن مرض ميت عليج ابني عشتوو
ردت خالتي ام أنور: عيب هالكلام ام سجاد انتي جبيرة واعية ومعدله ميصير هيج تحجين
سعاد: ياا عشتو وشعليه بيهن يطبهن طوب
خالتي ام أنور:يله حبايب همن ايديجن وروحن للصالون
حجت بنت خالتي زهراء :يمة اروحن وياهن فدوة
خالتي ام أنور: يمه شوفي ابوج اذا يقبل روحي
زهراء :اشوفه
وديت جاهل يصيحلي ابوي ....
ابو زهراء : هاوية رايدة شي
زهراء :اي يابة اذا تقبل رايده اروحن ويا بنات خالتي للصالون
ابو زهراء :روحي يابة وديربالج على نفسج وهاج هاي فلوس
زهراء : مشكور يابة اروحلك فدوة
أميرة راح اروح وياجن ابوي قبل
أميرة: اي حبيبه كل الهلا بيج خل اشوف علي حته ياخذنه
زهراء :ماشي حبي
أميرة:: علي يله متاخذنه للصالون راح نتأخر
علي : اي يلة امشن ورى البيت لأن صايرة هوسة وزلم برى
أميرة:اي خوية صار ادلل
أميرة: يلة بنات بسرعه امشن روح
زهراء ونورة :يلة جينا جينا
أميرة: أخذنا علي للصالون والدرب كله يباوع على زهراء موتنه هههه
نورة :يلة ولجن اتأخرنه
زهراء : شوف هاي مستعجله هههه
أميرة: هههه ولج شبيج
دخلنه للصالون من بعد سلام وكلام وبلشت ام الصالون بنورة جهزها وبعدين اني وزهرا ء
ام الصالون : ياله حبيبة نورة كملت فدوة طالعه جنج كمر
نورة :تسلمين خاله ....وكفت كدام المراية اباوع على نفسي اجنن بالفستان والتسريحه جانت فستاني لون احمر وبية ذهبي على الاطراف مالته
والكصه مال الصدر هيج على شكل سبعه ومن فوك ضييك ومن جوه كلوش كلش حلو عجبني
