ဘယ်ကစလို့

Unicode

​ရန်ကုန်တက္ကသိုလ် မျက်နှာစာတစ်ခုရဲ့ ​ရှေ့၌ လူအများ စုရုံးကာ ရန်ပွဲတစ်ခုကို ရပ်ကြည့်​နေကြသည်။ ဝင်လည်းမဆွဲရဲကြ။

တိတိကျကျ​ပြောရလျှင် အမျိုးသားနှစ်ဦး၏ရန်ပွဲ...

တစ်ဖက်သတ်ဆန်​သော ရိုက်နှက်မှု...

လူမြင်ကွင်း၌အထိုးအနှက်ခံ​နေရ​သောသူမှာ အများ​​လေးစားရ​သောဆရာတစ်ဦးဖြစ်ပါသတဲ့...

"ပြန်ထ​လေ နိုင်​ဇော်လတ်
အခုကျ အဲ့စကားမ​ပြောရဲ​တော့ပြန်ဘူးလား
မင်းသိပ်ချစ်တဲ့ ​သောက်အလုပ်ကို မသွားရဲ​တော့​အောင် ငါလုပ်​ပေးမလို့ "

တစ်ဖက်လူက မည်သို့မှမတုံ့ပြန်နိုင်ခင် သူကလက်ဦးမှုယူလိုက်သည်။ တစ်​ယောက်စ နှစ်​ယောက်စ ရပ်မကြည့်နိုင်​တော့ဘဲဖျန်​ဖြေဖို့ဝင်လာ​တော့ ထိုလူ့အသံက သူတို့အာရုံအားဖြိုခွဲလိုက်သည်။

"ကိုယ့် ​သောက်လုပ်မဟုတ်တာဝင်မပါကြနဲ့
ဒါ လင်မယားရန်ဖြစ်​နေတာ...
ဟက်...
မင်းတို့မသိဘူးမလား မင်းတို့ရဲ့ကြီးမြတ်လှစွာ​သောဆရာက တကယ်​တော့ ငါ့ရဲ့..."

​ဒေါသကြီး​သော လူ၏ ကန်ချက်ကို ထပ်မံခံစားဖို့ အင်အားမရှိ​တော့သူအမျိုးသားကရုတ်တရက်သူ့ဆီကျလာ​သောထိုလူ့​ခြေ​ထောက်ကိုဖမ်းဆုပ်ကာ တွန်းထုတ်လိုက်သည်။

တန်ဖိုးကြီး ဘွတ်ဖိနပ်ကသူ့အားအကြိမ်များစွာ ကန်​​ကျောက်ခဲ့ပုံရသည်။​သွေးစတချို့ပင်ကပ်ငြိလို့

"မင်းမှာ ငါ့ကို တားဖို့ ဘာအခွင့်မှ မရှိ​တော့ဘူး"

(​မောင်)

'​မောင်' ဟူသည် အိမ်​ထောင်သက်၈နှစ်၊ ချစ်သူသက်၄နှစ်လုံး ထိုလူ့အားသူ့ဘက်က​ခေါ်ခဲ့​သော နာမ်စားသာ...

ထိုစဥ် မည်သူကဖုန်းဆက်တိုင်လိုက်တယ်မသိ။ရုတ်ချည်း ရဲကားတချို့​ရောက်လာသည်။ဆရာ နိုင်​ဇော်လတ်မျက်နှာ​ပေါ် ကျ​ရောက်မည့်လက်သီးတချို့ကို ဖမ်းချုပ်​ခေါ်​ဆောင်သွားကြသည်။ ဌာနဆိုင်ရာပါ​​မောက္ခနှင့်ဆရာ၊ဆရာမတချို့က နိုင်​ဇော်လတ်အား ​ဆေးရုံပို့ဖို့စီစဥ်ကြသည်။