الوعد والرحيل. الجزء الثالث

الفصل. 13

الفصل.    13

يجلس اسلام في الكافيه.
دخلت نانا وسلمت وجلست
نانا:- ايه الاخبار يا اسلام لسه مالقوش حماده
اسلام:- لسه والله يا استاذه
نانا بحزن:- ياحرام تلاقي الجماعه هناك حالتهم صعبه
اسلام وقد اغرورقت عيناه:- والله يا استاذه علي ابوه بيموت من جواه. بس قدام الناس واقف علي رجله وماسك نفسه،
وامه ياعيني دمعتها مابتنشفش من علي خدها ليل نهار
والحجه فاطمه تعبت ومحجوزه في المستشفي
واسد اكتر حد تعبان فيهم. واكتر حد صعبان عليا. 
نانا:- ياااااه. ربنا يعديها علي خير ويصبرهم
اسلام:- كنت عايز فلوس علشان العمال.
نانا:- عمال ايه هو مش الشغل وقف لعند ما اسد يرجع؟
اسلام:- لا طبعا الشغل مستمر
واسد بعتني علشان اباشر العمال
نانا في ذهول:-انت بتتكلم جد
اسلام:- بكره  عدي عليا في الموقع وشوفي الشغل بنفسك
نانا:- مصدقاك والله بس مبهوره. معقول انتو في الظروف دي وبرضك ماسبتوش المشروع
اسلام:- اسد ابن عمي.  وحدانا في الصعيد عموما.
عندنا مقوله بتقول" وعد الحر دين"
طالما وعد.  مافيش غير ارادة ربنا تقدر تمنعه من تنفيذ وعده
نانا:- طيب ممكن تتصل لي علي اسد

اخرج اسلام هاتفه واتصل علي اسد
واعطي الهاتف ل نانا
والتي استأذنت اسلام. وخرجت تحدثه علي انفراد

رد اسد:-ايوا يا اسلام ايه الاخبار
نانا:- ازيك يا اسد عامل ايه
اسد:- نانا،،،.    الحمد لله بخير
نانا:- البقيه في حياتك شد حيلك
اسد:- سبحان من له الدوام
نانا:- لسه مافيش اخبار عن حماده
اسد:- ادينا بندور وربنا يسهل
نانا:-متشكره ليك جدا انك وبرغم ظروفك دي. الا انك بتساعدنا. 
اسد:- اولا الظروف دي امر ربنا. مالناش يد فيه
وثانيا انا مش بساعدكم
انا بحاول ارد جزء من جمايل والدك
وفي الاول والاخر احنا فيه بينا عيش وملح. ودا اقوي عندنا من صلة القرابه
نانا:- انا عرفت انك بتبذل مجهود كبير ومش بتنام كويس ولا بتاكل وده مش كويس علشان صحتك يا اسد
اسد بحده:- اسلام عندك اهو هيباشر الشغل اتواصلي معاه ولو عزتو حاجه كلموني يلا مع السلامه

نانا:-استني بس
اسد:- ايه تاني
نانا:- فيه حاجه مهمه هقلك عليها واوعدك مش هدايقك تاني
اسد؛- خير
نانا:- ابن رجل اعمال هنا اسمه هاني
متصاحب علي ماسا وامجد
وفيه حد سمعهم بيتفقو علينا.
وهو اللي ورط شريف في المشروع ده
وبيعمل اي شي علشان مانسلمش المشروع في وقته
وعايزني ابيع المصنع. ويدي ادارته ل ماسا وامجد
وكمان بيدور في ملفك علي اي سابقه علشان يبعدك الفتره دي عن تنفيذ المشروع
وكمان علي صله ب حسين ابن عمك وبيوصله اخبارك اول بأول
واسفه يا استاذ اني ضايقتك،باي
اسد:- استني،. الو.   الو.  الو. 
اغلقت نانا الهاتف واعطته ل اسلام وهي تبكي.
واعطت اسلام شيك.
وانصرفت.   

........
سلطان ذهب الي اسد عن النيل اثناء بحثه
واخبره ان فاطمه تريده
فتوجه اسد مسرعا نحو المستشفي
ودخل غرفة فاطمه
واقترب منها وقبل راسها. ويدها
وقرّب اذنه من فمها
فهمست له:- شفت حماده بينادي عليك ويبكي.
وفيه حاجه ماسكه فيه. باين ماكينة ري
وفوق منها زرع اصفر ناشف
اسد:- شدي حيلك ياما. دانتي مؤمنه بالله
خلي ايمانك بالله يزيل الحزن ده.
فاطمه:- روحني داري يا اسد
اسد:- ارتاحي وباذن الله اول ما صحتك تتحسن هنروح دارنا
فاطمه:- انا بقيت كويسه كلم الدكتور وروحني