တီ. တီ . တီတီ
နှိုးစက်သံကြောင့် ခါရာနိုးလာခဲ့ရသည်။ဒီနေ့မေ
မေ ကျွန်တော်ကိုသွားထားတာတစ်နှစ်ပြည့်ပြီ။ဖေဖေကတော့ကျွန်တော်လေးနှစ်သားလောက်မှာ ဆုံးသွားခဲ့သည်။အခုချိန်မှာ ကျွန်တော်တစ်
ယောက်တည်းသာကျန်တော့သည်။ခဏအကြာ တံခါးခေါက်သံကြောင့် ခါရာတွေးလက်စများကို ခေါင်းရမ်းကာအတွေးများလွင့်ထုတ်လိုက်သည်။
ဒေါက် ဒေါက်
"သား ခါရာ နိုးပြီလား။အောက်မှာ သမီးနွေ
ရောက် နေပြီကွယ်"
ဒေါ်လေးကြည်အသံကြောင့် ခါရာတံခါးသွား
ဖွင့်ကာ..
"ဒေါ်လေးကြည်သားခနနေဆင်းခဲ့မယ်လို့ပြောလိုက်ပါ"
ဒေါ်လေးကြည်ဆိုတာခါရာငယ်ငယ်ကတည်းက ခါရာ့ကိုထိန်းပေးခဲ့သူ ယုံကြည်ရတဲ့လူဆိုရင် လည်းမမှား ။ခါရာ မရှိတဲ့အချိန်ဆို ဒီအိမ်ကြီးရဲ့ သော့ကိုလည်း ဒေါ်လေးကြည်ကိုဘဲ အပ်ထား ရသည်။အိမ်မှာလူ များများမရှိပါ။ကျွန်တော် ရယ်၊ဒေါ်လေးကြည်ရယ်၊ အိမ်အကူဒေါ် လေးတူမ မိစာ၊သုံးယောက်သာရှိသည်
နွေဆိုတာ ကျွန်တော့်သူငယ်ချင်း နွေဦးငယ်။မေမေ သဘောကျရတဲ့မိန်းကလေးပေါ့။ကျွန်တော်ပြင်ဆင်ပြီး အောက်ရောက်တော့ သာလိကာမက...
"ခါရာ နင်ကလဲကြာလိုက်တာ ငါရောက် နေတာကြာပြီ။ အန်တီမြတ်ကို သွားတွေ့ရ အောင်။ပြီးရင် ငါ့ကိုဈေးပါလိုက်ပို့နော်. "
နွေဆိုတာအဲ့လိုပင်။စကားအရမ်းများလွန်းတယ်
စကားနည်းတဲ့ကျွန်တော်နဲ့ ဘယ်လိုသူ ငယ်ချင်း ဖြစ်လာမှန်း စဉ်းစားမတတ်။
"ကဲပါ နွေရယ် သွားရအောင် နင့်စကားကို နားထောင်နေရင် နေပူသွားလိမ့်မယ်"လို့ပြောပြီး ခါရာအပြင် ထွက်ခဲ့လိုက်သည်။မေမေ့ကိုသွားတွေ့ရအုံးမယ်။
**************
"ရှင်းသစ်ရောင်ဖြာ! "
ဦးနေရောင်တစ်ယောက် မနက်ကmeeting ရှိလို့အစောကြီးထသွားကာ ကုမ္ပဏီရောက်ပြီး meeting စရုံဘဲကြံရွယ်ကာရှိသေး စခန်းရောက် နေပြီးဖြစ်သော သားဖြစ်သူကို သွားထုတ်ပေး ရသည်။နောက်လဆို အသက်က23 ပြည့်တော့ မယ်။အလုပ်ကိုရေရေရာရာမလုပ်။ မိတဆိုးလေး မို့ အလိုလိုက်တာဒင်းက ကျောင်းပြီးကတည်းက အဖေကိုအလုပ်မကူသင့်အပြင် သူ့အရှုပ်တွေပါ ဒိုင်ခံဖြေရှင်းပေးနေရသည်။အခုလဲ ဧည့်ခန်းထဲ မှာ မိန့်မိန့်ကြီး သူမဟုတ်သလိုထိုင်နေသည်။
