و إتقابِلنَا 🤍

صدفه .

- يا لهوى ، انتِ يبنتى اصحى ..
-الو يا عمرو يا ابنى الحقنى انا عملت حادثه وكلمت الإسعاف ورايحين على مستشفى الامل
=حاضر يا امى أهدى انا  جايلك اهو ، متخافيش
....................... "فى المستشفى "
-ايوه يا دكتور طمنى عليها هى كويسه ؟
= للاسف الخبطه كانت قويه فى الجمجمة وللاسف أدت إلى فقدان ذاكره مؤقت ولكن جسديا سليمه يدوب بعض الخدوش بس
-لا اله الا الله ،طيب هى فاقت  ،ممكن ادخلها ؟
=ايوه ممكن تدخلى بس يريت متتعرضش لاى ضغط علشان ممكن يؤدى لغيبوبه
-تمام شكراً ليك يا دكتور
=العفو عن اذنك
................'فى أحد النوادى الليليه '
=فى اى يا شوق ، البت مجتش لى ؟
-بس متفكرنيش دى حرقت دمى وقلبت الدنيا علشان قولت لها تنزل معايا بس
=بتهزرى ، هنسوق العوج ولا اى ، زين باشا طالبها بالاسم وعجباه واحنا مينفعش نتاخر عليه انت عارفه ممكن يجي يعمل فينا اى ؟
-خلاص لما يجي هكلمه انا ياحازم
=مستعجله اوى اهو وصله اهو يلا نروح له
-زين باشا منور المكان كله
+عارف ، الطلب جاهز ولا لا ؟
=هو اصل ..اصل
'بعصبيه '+اصل اى يا زفت ما تنطق ولا لسه بتتعلم الكلام
'بخوف '=هنطق يباشا هى مجتش
'بعصبيه 'يعنى اى هو انت مبقتش نافع فالشغلانه ولا ايه ؟
-خليك معايا يا زين باشا وانا هفهمك ، حازم هات حاجه للباشا ييشربها
+فهمينى يا ست شوق أما نشوف اخرتها
-بص يباشا البنت لما قولت لها انها هتنزل معايا قلبت الدنيا وهربت وانا لو عليا اجبها لتحت رجليك يباشا بس انا ملحقتش اجبهالك  ، بس هدورلك عليها واجبهالك من تحت الارض بس روق انت يباشا
+ماشى يا شوق أما نشوف اخرتها
-عن سؤال يباشا لو مش هدايقك
+انجزى مش فاضيلك
-هو انت عرفتها منين ، اصل انا عمرى ما اتكلمت عن بنت جوزى ولا جبتها هنا
+رغم انك متستحقيش تعرفى بس هقولك ، انا علشان شخصية معروفة فى مجال الديكور الكليه طلبتنى انى اعملهم ديكور مناقشة وشوفتها ودخلت دماغى ، "بشده ونظرات شيطانيه مرعبه " وانا اللى يدخل دماغى يجيلى فاهمه ؟
'بخوف '-طبعا يباشا فاهمه والله هجبهالك
=تحب اجبلك واحده تانيه يباشا على ما نلاقيها ؟
+لا وانا ماشى وعايز اعرف انكم لقيتوها قريب فاهمين ؟؟
...........................فى أحد الفيلات "
-بابى ، بابى يوووه  اصحى
=صحيت اهو فى اى يا وردتى ؟
-'بتزمر 'مش هصحيك تانى ابدا ابدا
=لى بس يوردتى يرضيكى حد غيرك يصحينى طيب ؟
-ايوه علشان كده مش هلحق افطى  وهتاخى على المديسه ، والمس هتقول عليا نوتى
=لا خالص يلا ننزل نفطر ، هى الساعه كام ؟
-الساعه ٧ ييضيك كده ؟
=هتتاخرى على المدرسه اللى هى الساعه 8 ونص ، واحنا اصلا الساعه 7لسه وردتى انت بتقعدى مع رهف كتير صح ؟
-ايوه علطول بقعد معاها
=مهو واضح يا حبيبتي ، طب يلا صحى رهوفه على ما اجهز
-حاضى بايي
بعد 15دقيقه ، وكلهم عالفطار
-بابي انت هتوصلنى صح ؟
=من عنيا يا وردتى
الام 'بقليل من الشده ' + كفاية كده متخلهاش تتعود تقولك بابى ، دى اختك ، وانا محبش أن ابن ليله يبتقال عليه ابو بنتى
='بجمود' يريت تحفظى حدودك يا فرحه هانم ومتنسيش نفسك ، وواعرفى أن ورده ورهف اخواتى ويقولوا اللى نفسهم فيه ، ولاخر مره هقولها لك متجبيش سيره امى تانى
+انت ازاى تكلمنى كده
='بعصبيه' انا اتكلم براحتى وبالطريقة اللى احبها ، واعرفى أن وجودك هنا لسه بعد موت والدى علشان خاطر ورد ورهف وبلاش تخلينى ازعلك فاهمه ؟