LANY - THICK AND THIN
UNICODE
"ရွက်ကြွယ်တောထဲ၀ယ် လေပွေသည် မဖိတ်ခေါ်ပဲ တိုက်ခတ်၏ ။ လွင့်လာသည်ကား အဖြူရောင် နှလုံးသားတစ်စုံ...."
###
နီညိုရောင် ဆံနွယ်တွေထဲ တိုး၀င်လာတဲ့ စတင်ရာ နှုတ်ခေါင်းဖျားလေးကြောင့် လူငယ်ဟာ ကြည်နူးစွာ ရယ်ရွှင်မှုဖြင့် အဆုံးသတ်တယ် ။တလွင်လွင်ထွက်ပေါ်လာတဲ့ ရယ်သံတွေ လွှမ်းမိုးနေတဲ့ ပတ်၀န်းကျင်၀ယ် နီညိုရောင် ဆံနွယ်ကောက်တွေကြားထဲ နစ်၀င်နေတဲ့ အမျိုးသားတစ်ယောက်ဟာလည်း ပါးချိုင့်တွေ ပေါ်သည်ထိ ပြုံးရယ်နေလေရဲ့ ။
" ကိုယ့် အမျိုးသားလေးက သဘောကျနေတာပဲ "
ဧက အနည်းငယ်ကျယ်တဲ့ သူပိုင်သည့် မြေကွက်ထဲမှာ စီစီရီရီ စိုက်ထားသော မေပယ်လ်ပင်တွေ...
အဲ့ဒီအပင်တွေရဲ့ အောက်မှာက သူရယ် သူ့တစ်ယောက်တည်းသောရယ် ။ ပြီးတော့ စန္ဒယားတစ်လုံးရယ်....ဆောင်းဦးမို့ ရဲရဲနီနေသော မေပယ်လ်ရွက်တွေက တစ်ယောက်တည်းသောနှင့် ပနံသင့်စွာ...
အနီရောင်တွေ ဖြတ်ပြေးနေသည့် နှာခေါင်းလုံးလုံးလေးနှင့် ပါးမို့လေးနှစ်ဖက်က သူ့ကို အသည်းယားစေသည် ။
" ချမ်းနေပြီမလား
အိမ်ပြန်ရအောင်လေ "ဒီအမည်မဲ့ တောအုပ်ငယ်လေးကို သဘောကျသည့် တစ်ယောက်တည်းသောက နှာခေါင်းရှုံ့ခြင်းဖြင့် သူ့အကြံပေးမှုကို နင်းချေပစ်သည် ။
" ခင်ဗျားဘာသာ ခင်ဗျားပြန်ပါဗျာ "
" ဟောဗျာ ဒါ ကိုယ်ပိုင်တဲ့ နေရာလေ အမျိုးသားလေးရဲ့ "
မျက်စောင်းထိုးခြင်းအမှုကို မပြုတတ်သည့် သူ့တစ်ယောက်တည်းသောက ဘယ်လို ဆိုးနွဲ့ရမည်ကို မသိသဖြင့် အခက်တွေ့နေပုံပင် ။
အသည်းယားလှချည်ရဲ့....
" ပြီးရောဗျာ ပြန်မယ် "
ချစ်သူသက်တမ်း တစ်နှစ်ကျော်သည့်တိုင် စိတ်ဆိုးစိတ်ကောက်ခြင်းကို မပြုတတ်သေးသည့် ချစ်စရာ မြတ်နိုးစရာတွေနဲ့ ထွေးပွေ့ထားချင်စရာကောင်းလှတဲ့ ကောင်လေးရယ်ပါ ။
YOU ARE READING
𝗗𝗲𝗰𝗶𝗱𝘂𝗼𝘂𝘀 || 훈선 ||
Romanceစိမ်းညို့ရောင် ရွက်ကြွေတောထဲ၀ယ် ကြွေလွင့်နေတဲ့ မြတ်နိုးမှု အပိုင်းအစရယ်... လေပွေရယ်...