كفيفة البصر واعمى القلب

البارت 23

ملك
فتت عيني جعفر گاعد يم راسي عالكرسي
ومدنك لازم راسه ... وعيونه مدمعه
... جعفررر ،،،، باوعلي وخززرررني نظرة عمري
بحياتي مراح انساها
غمضت عيوني لحضه خطر ببالي كل الي
سوا بيه ... ضليت أبجي وأشهگ
واحس الشهگه تنكسر
ببلعوومي
لشووي باوعلي صاح  .. گال :
... عليمن تبجين ،،، على طيااااح حظظظج عللليمن
شكم مرررة اكلج انتبببهي على نفسج يعني
لوما الوووولد جابج ،،،، للمستشفى
جان انتي هسه شصاير بيييج

شكم مرررة گايلچ اكلللي ،،، تريگي الصبح
الى متى أحجي وياااج مللللك تعبت
والله تعبت

* ضليت صافنه على حجية ،، شنو معقولة تخربطت والسايق جابني
لا لا مكال سايق ،،، گال ولد اسمعه يحجي وبالي
يجيب ويودي اي انا شفت جواد
سوالي شي ... لااا لاا هوا ماسووالي شي
غمضت عيني واعصر بذاكرتي اريد
اذكر
اي مسوالي شي ابتعد ... ابتعد مني گلي
جرة بوش اعتبريها حتى تجوزين
مني
فتحت عيني والدمعه تلالي بعيني ،،، تلقائياً بچيت
كمل رزالته ويگلي
مو حتى ادويتج وأبرج دااجيبهن الج ،،، ولج موبس ارجع اسأل على دوواج واوصيج وليله
قبل لتنامين ياهو اليضرربج بزندج
يعني هيه بس هل ٥ساعات
متعرفين تنتبهين  على نفسج بيهن بس ٥ ،، خمسه
ضليت اباوعله وساكته ،،، شجاي يحجي
احس الخضه والخووفه بعدها
بجسمي والرعشه مراحت
.... جعفر شصار ؟!
.... لاگيج جووواد حفيد حجي رااضي واگعه وهوا
متلاحگلچ وجايبه ... خلف الله عالولد
أتصل بينه
... شنوووو ؟؟!
ضل يخزر بيه .. نزلت راسي عافني وگام
امي يمي ،،، گالت : ،،، لاتزعلين اخوج خايف عليج
يمه ومناه انتي تاخرتي ضل باله عليح
ضليت ابجي ... ،،، ...  على كيفج يمه
اجت الممرضه .. قاست السكر وطلعت غمضت
عيني واريد اذكر كل الي صار
گتله ،، الله يخليك لااااء .. مااهتملي
سحبني من خصري ذب القميص
بقيت بالبدي التحت القميص وجوا الفانيلا
رديت لزمت إيدة ،،،،  دفعهااا ومااهتملي معرف
شلون نطقت ،،،، اخير شي گتله :
... اخير شي الله يخليك علويه اناا بروح امك
بغلاة اختك عليييك ،، عوووفني
يمكن هاي اخير كلمة ،،،،  أذكرها ...
وبعدها .... فتحت عيني بعدها بالمستشفى
گبالي جعفر ..

اخذني جعفر للبيت واني بعدها يومين مداومت
لليوم الثالث داومت ... وعقلي يودي
ويجيب
صارت أسيل گدامي ... باوعتلي ودارت وجهه
واني همين منطيتها أيي أهتمام
گعدت بالكافتريا وأحس عقلي يودي ويجيب
من بعيد لمحت جواد
بس الغريب حتى مباوعلي ،،، فاتني ومعبرني
ولاسوا حركه من حركات الشقاوة
مالته ولااي شي
راح گعد يم جماعتة ،،، مگدرت  أسوووي شي احس
لساني تخيط ... احت نور هيه السحلتني
سكل للمحاظرة
اريد ارجع احجي وياه ،،، مداافتهم ؟!
معقوولة فكني ... هدني .. بعد ميتقررب
شنو هذا سكووته وهدوئه
هدوء قبل العاصفه ،،، لو شنوو ؟!!!
مرت بعدها الأيام ... وهوا تصرفاته جداً طبيعيه
طبعاً هوا متقدم قبلي بالمرحله الرابعه
بس يجي لمرحلتنه لأن ماشاء الله صويحباته
كلهن بهل مرحلة ،، ويانه أخته أسيل
انما اني أسيل لااعرفها ولاتعرفني ،،، يمكن كرهتني
بسبب الصار ويااخوها ورزاله جدها بس
اني شخصياً مااشيللها بداخلي اي
مشاعر حقد او صغينه
مرت الأيام سريعة بمرورها بطيئه باأحداثها بيوم
شفتها گاعده ولازمه بطنها ،، بالنهاية بالزاويه
اخير شي ،،،  وتعصر بوجهه
لحضه قلقت عليها .... رحت بصفها كتلها :
... أسيل ،،، باوعتلي ودارت وجهه
... بيج شي محتاجه شي
نزلت وجهه وكالت : رووحي مااريد شي
... شبيج بس فهميني ؟؟؟
.... ملللك امشي
شكلها موطبيعي الظاهر هاي ماخذه عناد اخووها
گعدت يمها گتلها
... وها أها وهاي گاعده على گلبج
دارت وجهه وأبتسمت
شاورتها
... وجهج اصفر عليج ال
هزت راسها ايي
... ليش داومتي أذا تعبانه
... اليوم امتحان مااكدر اغيب
درت وجهي وبسمرتها
.... مو علساس انتي حفيدة العميد عشتو
..... ههههههههه خوش تشمرين
... والله شايفه روحج ذاك اليوم على شوي
خشمج يدگ بالسگف
.... جدي ما يتماهل وياي انا عكس جواد
.... اي مو شاف جواد لانفع ولادفع
علق اماله بيج
..... هههههههه مااعرف ليش تكرهينه أصلاً
جواد كلش حنين وفقير بس هوا
اعصاب وعنده سوالف البنات
.... البنات الي شوه سمعتهن
.... هنه يلطشن بي هوا معليه ملك
.... يعني هوا مايطيهن مجال ويصاحبهن
... ملك
.... أسيل أنتي بنيه واني بنيه ماابرئلچ
التمشي وياه بس اخوج ماعنده
غيررة ولاتزعلين هالمرة
احجيها بوجهج
موبظهرج