The Voyage | Jungkook Centric | Completed

9th voyage

Jungkook's POV

"කූ පපාට ආයේ යන්න වෙනවා. "

"මොකක්ද කිව්වේ?ආයේ යන්න වෙනවා.? ඔයා කියන්නේ අවුරුදු ගාණකට පස්සේ ඇවිත් ආයේ යන්න වෙනවා කියලද පපා?"

"කූ ඒ කතා කරේ ප්‍රසිඩන්ට්. පපාට ඉන්ටනැශනල්-"

"එපා. එපා පපා. එපා. මට ඕවා කියන්න එපා. ඔයා හැමදාම ඇවිල්ලා ගියා. ගිය පාරත්  ගියා, ඊට කලින් පාරත් ගියා, ඊටත් කලින් පාරත් ගියා. ගිය පාර මම පපාව දකින්නෙවත් නැතුව පපා ගිහින් තිබ්බේ. අවුරුදු ගාණකට පස්සේ ඇවිල්ලා පපා දැන් කියනවා ආයේ යන්න ඕනේ කියලා. මම හිතුවා පපා මේ වැකේශන් එකටවත් මාත් එක්ක ඉදියි කියලා. පපා ඒ ඉන්නෙත් නෑ. පපාට මම නැතුව ඉන්න පුලුවන් උනාට මට පපා නැතුව ඉන්න බෑ. අන්ක්ල් යුන්ගි එයාගේ වර්ල්ඩ් ටුවර් නතර කරලා ජිමින්ගේ එක්සෑම් ඉවර උනාම එයා එක්ක වෙලාව ගත කරනවා..අන්ක්ල් හෝසොක් කොච්චර සැර උනත් එයා ටේයුන් එක්ක හැම වෙලේම ඉන්නවා. පපා විතරයි මගේ ලග නැත්තේ. පපාට විතරයි මගේ ලග ඉන්නේ බැරි තරම් වැඩ තියෙන්නේ. මට පාලුයි පපා. මට හරිම පාලුයි. ජිමින් ටේයුන් හිටියත් මට හරි පාලුයි. මිසීස් කැමිලියා එක්ක මේ තනි මම වෙනුවෙන් ගෙදර තව මිනිස්සු 27ක් හිටියත් මට පාලුයි. ඒ කාටවත් පපා වෙන්න බෑ. අන්ක්ල් යුන්ගි මාව එයාලා එක්ක එක්කන් ගියාට , අන්ක්ල් හෝසෝක් මටත් එක්ක කෑම හැදුවට ඒ කාටවත් මට මගේ පපා වෙන්න බෑ. මට ඕනේ පපා එක්ක ඉන්න. මට එයාලව ඕනේ නෑ..මට ඕනේ ඔයා විතරයි පපා. මට ඕනේ ඔයා විතරයි. මට වෙන කවුරුවත් ඕනේ නෑ. මට ඕනේ ඔයා විතරමයි."

"ඒත් කූ මම කියන දේ අහන්න. මේක-"

"එපා. එපා. මොකුත් කියන්න එපා. ඔයා කොරියාවේ හොදම කැප්ටන් කියලා නම තිබ්බට වැඩක් නෑ  ඔයාට බැරි උනා ඔයාගේ ලමයට හොද පපා කෙනෙක් වෙන්න."

මගේ හිතේ තිබ්බ ඔක්කොම දේවල් මම කෑ ගහලා කියලා මගේ කාමරේට දුවගෙන ආවේ කදූලු ඔහේ වැටෙනකොට. පපා මගේ පස්සෙන් එනවා කියල දන්න හන්දම මම රූම් එකේ දොර ලොක් කරලා එතනම බිම වාඩි වෙලා දොරට පිට තියාගෙන එලියට ඇහෙන්නේ නැති වෙන්න අඩන්න හැදුවත් මගේ ඉකිය හැමෝමට ඇහෙන්න තරම් සද්දෙන් ඇහුනා. පපා ටිකවෙලාවක් යනකොට දොර ලගට වෙලා දොරට තට්ටු කරනකොට මම මගේ අත් දෙකෙන්ම කට වහ ගත්තේ පපාට මම අඩන සද්දේ ඇහෙන්න දෙන්නේ නැති වෙන්න.

"කූ. "

"අහන්න බනී. පපාට.... පපාට බෑ කියන්න විදිහක් නෑ ඒකට."

"යන්න. ඔයා යන්න. ඔයා ඕනේ තැනක යන්න. ගිහින් අවුරුදු ගාණක් බැරි නම් හැමදාටම හරි එන්නේ නැතුව ඉන්න. මට ඔයාව එපා "

"ක්-කූ මේ අහන්න. .පපාට ඇතුලට ඇවිත් කතා කරන්න දොර අරින්න. අ-අපි මේක කතා කරලා විසදගමු. "

"ඕනේ නෑ. "

මම වාඩි වෙලා හිටපු තැනින් නැගිටලා ඇදට ඇවිත් මගේ හෙඩ් සෙට් එක දාගෙන ඇදේ නිදාගත්තේ පපා කියන දේවල් ඇහෙන්න එපා කියලා හිතාගෙන. අඩන එක කොච්චර නවත්තන්න හැදුවත් මගෙ ඇස් මට ද්‍රෝහි උනේ මුලු රැයක්ම මට අඩන්න සලස්සවලා. හොදටම අඩලා මට අන්තිමට පාන්දර කීයටද මන්දා නින්ද යනකොට මම හීනෙන් වගේ දැක්කා පපා වගේ කෙනෙක් ඇවිල්ලා මට ශීට් එකක් පොරවනවා.