"මං සර් ගැන වැරදියට හිතන්නෙ නෑ.. අනික මං ටේව හොඳටම දන්නවා. ටේ කවදාවත් කෙනෙක්ට එයාගෙ සම්පූර්ණ අවධානය දීලා නෑ.. කෙනෙක් ගැන හොයලා බලලා නෑ.. කාටවත් ඇහුම්කන් දුන්නු කෙනෙකුත් නෙවෙයි එයා. ඒත් ටේ සර්ට කීකරුයි.. සර් ගැන කෙයාර් කරනවා.. මං හිතන්නෙ ටේ සර්ට කැමතියි."
ජිමින් කියද්දි ජන්ග්කුක් ලොකු හුස්මක් අරන් ජිමින් දිහා බැලුවා.
"ඒත් මට.. මට බයයි ජිමින්.. ටේ.. ටේහ්යුන්ග් මට එහෙම මුකුත් කියලා නෑ.. මං.. එයාට.. කැ..කැමතියි.. මං දන්නවා ඒක වැරැද්දක්... ඒත් මං එයාට ගොඩක් කැමතියි..." ජිමින් ඉස්සරහදි දැනුනු සමීප බවත් එක්ක ජන්ග්කුක් පළවෙනි වතාවට එයාගෙ හැඟීම් ගැන පිටකෙනෙක්ට කිව්වා. ජන්ග්කුක් අඩුගානෙ ලීසා, යුන්ගි දෙන්නා එක්කවත් එයාගෙ හිතේ ටේහ්යුන්ග් ගැන තියෙන හැඟීම් ගැන කතාකරලා නෑ.
"හ්ම්.. මට තේරෙනවා සර්.. අපිට කෙනෙක්ට කැමති හිතෙන්නෙ ඉබේමයි. ඒක වලක්වගන්න අපිට බෑ. කොච්චර නොගැලපුනත්.. කොච්චර ලොකු වැරැද්දක් උනත්.. කෙනෙක්ට කැමති හිතෙන එක ඇත්තටම ඉබේම වෙන දෙයක්. ඒක අපිට නවත්තගන්න අමාරුයි." ජිමින් ජන්ග්කුක්ගෙ අත මිරිකන ගමන් කියද්දි ජන්ග්කුක් ඔලුව උස්සලා ඒ මූණ දිහා බැලුවා.
"ඔ..ඔයා යුන්ගි හ්යුන්ග්ට කැමතියිද?" ජන්ග්කුක් එකපාරටම අහද්දි ජිමින් ගැස්සිලා ගියා.
"ම...මං දන්නෙ නෑ ජන්ග්කුක් සර්.. යුන්ගි සර් ඉස්සරහ මට අමුතු හැඟීමක් දැනෙනවා තමයි. ඒත් මං පුළුවන් උපරිමයෙන් මගෙ හැඟීම් හංඟගන්න උත්සාහ කරනවා."
"ඒත් ඇයි ඒ??"
"මොකද.. ඒක නොගැලපෙන අවිනීත ක්රියාවක් නිසා."
"ඒත් මට දැනෙන විදිහට යුන්ගි හ්යුන්ග් ඔයාට ගොඩක් කැමතියි."
"හ්ම්ම්.. මටත් ඒක එහෙමයි කියලා හිතෙනවා.. ඒත් සර්.. මට බයයි.. සර්ට තේරෙනවනෙ මාව." ජිමින් අහද්දි ජන්ග්කුක් ඔලුව වැනුවා. මොකද ඒ දෙන්නම ඉන්නෙ එකම විදිහෙ ප්රශ්නෙක පැටලිලා. එයාලා ආදරය කරන්නෙ සමාජ සම්මතයට අනුව වැරදි අයට. ඒත් ඉතින්.. හැඟීම්..., හිත්වල හැඟීම් ඇතිවෙන්නෙ ඉබේම. ඒ හැඟීම් නවත්තගන්න එක කට්ටිය කියන තරම් පහසු කාර්යයක් නෙවෙයි.
YOU ARE READING
Forbidden Love [ Taekook ] ✔️
Fanfiction//නපුරු සෙල්ලක්කාර ශිෂ්යයෙක් නිසා සිය ජීවිතයම වෙනස් කරගත් අහිංසක ගුරුවරයෙකුගේ කතාව// Started : 2022-03-20 Finished : 2022-05-13 ⚠️️ All names, places and organizations in this story are fictitious. The story has nothing to do with real life charact...