ورد كرم لتخليني اكرهك
كرم يبو اموت وره حبج انه
ورد كرم ليش جذبت عليه هذيج الليله
كرم لان شفتج لحيتي استخطيتج
ورد استخطاء غير نوع اخذتني والصبح مثل الجلبه رميتني كلي ياستخطاء هذا استخطاء لو ردت تاخذ التريده براسي لك انته استغليت حبي الك
كرم التريدتسمنه سمي يلا نامي
ورد رحت نمت كعدت الصبح مالكيته رايح للفلوجه يتسوك لرمضان اي يطول رحت لميت غراضي وخليتهن بالجنطه وبدلت ولبست شال و رداء وخليتله رساله كتبتله
كرم اني راح اروح راح اخلص من عذابك الي انته متحبني ودوم تهيني اني مو كلبه عندك صح ابوي غلط وياكم وغلط غلطه يمكن تادي بالموت وقتل نفس بس الحمد الله اخوك مامات واخذت بثاره ومنو وكع بيها لا بيها ولا عليها اني الوكعت واني عمري مائذيتك يادوب شفتك مره لمن جنت راجعه من المدرسه لمن جنت واكف يم ابوي گلبت الورقه وكملت كتابه ومره لمن راد ابوي يبيعني واصير رخيصه ومن ذاك الان تعاقبني واني مالي اي ذنب اني انسان مو حيوان واريد اعيش حياتي تتهنه بحياتك كرم اني طالعه منها خليت الورقه عالسرير وخليت فوگاها تثگاله تامتطير ورحت للباب فتحته وطلعت ورديته ورايه طلعت المنطقه و ضليت امشي الى ان وصلت الشارع العام زلمه شافني امشي وكال يمه وين رايده كلتله عمو رايده على شارع 17 وبالفعل وصلني هوه هم جان عنده شغل هناك بوقتها جذب مو عالسوك بس شسوي طلعت من السوك ورحت عالشارع واجرت تكسي بعد ساعه وصلت اهلي امي فرحت من شافتني وماسولفتلها بعد شويه دك الجهاز مالتها شفته كرم كلتلها يمه فدوه كليله مو هنا امي باوعتلي بنضره تسائل وتعجب
الام الو
كرم هلا عمه
الام هلا وليدي
كرم عمه ورد يمج
ورد اشوف ماما باوعتلي جانت فاتحه سبيك ار اشرتلها لا
الام لا بيها شي بنيتي وين راحت
كرم لا عمه يمكن رايحه لاهلي
الام اي يمه شوفها
ورد امي سدت خط وبلشت رحمه الله الاسئله والرزايل هتا طگيت انفجرت سولفتلها كل شي صار ويايه ماخليت شي ماگلتله
الام هيج صاير بيج واني مادري واني مفكره عشتي حياتج و الحمد الله بعد عذاب واحمد الله وانتي متعذبه يمه ليش ماگلتيلي
ورد يوم شگلج انتي بياحال بس والله تعبت بعد ماتحمل اهانه بضرب بخيانه ويراسل ويتامر يكول جاريه مو زوجه عنده تعبت والله تعبت 😭
الام كافي يمه كافي
كرم رحت للفلوجه جان عندي غراض اشتريهن ومنا هم اتسوگ لرمضان رجعت هلكان تعب البيت هادء فتت للمطبخ هاي ماكو رحت للبيت ماكو كمت اناديه متجاوب كلت اكيد نايمه رحت للغرفه لكيت ورقه عالسرير محطوط عليها شيشه صبغ اخذت الورغه مكتوب رياله وصل الدم لراسي خابرت امها تكول ماجت لعد وين راحت كلت لامها راحت لبيت اهلي علمود لا تخاف وين تروحين مني يورد الزمج الزمج بس بسيطه طلعت لبيتنه كلت يجوز نوجوده هم ماكو رحت لبيت امها يجوز وصلت بعد ماخابرت دكيت الباب فتحت الباب امها
كرم سلام عليكم عمه
الام وعليكم السلام تفضل ادخل
كرم زاد فضلج اذا ورد موجوده صيحيها
الام يمه ورد زوجج اجه
ورد قفلت الباب عليه ومارديت
الام ورد
ورد يمه فدوه كليله انهزمت
الام تعرفين بيه ماجذب
ورد ماريد ارجع وياه اكيد حاي ياخذني
الام لا مياخذج مو بكيفه
ورد بعدج متعرفي
كرم راحت انها سويه ورجعت تكول ناتقبل تجي تسمحيلي اروح عليها
الام اي بس ممنوع تاخذها وياك
كرم يصير خير عمه / رحت للباب لكيته مسدود/. افتحي الباب
ورد شتريد مني ماكافي روح منا مارحع
كرم گلت افتحي الباااااااب
ورد مافتح
كرم راح اكسره ومن اكسره اكسر الباقي منه على راسك
الام لا هيج وياها يمه خطيه
كرم عمه زوجتي وانه حر
الام بس هم هاي بنتي
كرم يصير خير
الام ياخير وانته معيشها بعذاب
كرم گليلها تفتح المهجوم
ورد مافتح
كرم راح اطشر راسج افتحي
ورد فتحت الباب واول مافتحته ضربني راشدي على عيني و الله شاغت روحي من الوجع بعد اريد اتنفس ماكو اصيح والصوت مايطلع هيه هضمه على وجع الراشدي على القهر على خوف والله مادري شوصف شعوري جرني من اذني الضالم ووداني للسياره وامي تحلف بيه ماياذيني واني مالي لازم بس مايسمع جاب ملابسي وشخط السياره وبس وصلنه جرني من ايدي ذبني بالصاله ودك كتل حار شلون وبشنو ماتركني اله دماني بوقتها تمنيت ملك الموت بروح بس مايجي بس عالمسعدين شكد صعب الشعور عليه انو شخص تحبه مامعتبرك شي مهم بحياته معتبرك فد خدام او شي يهينه يكرها يخدم بيه على كيفه يخليك تتمنه الموت بس متلاگي جرني من شعري وگال
كرم بيش اكتلج گليلي شسوي بيج النوب بس گولي
ورد بصوت ناصي /اذبحني وخلص مني
كرم هم عليها
ورد عاف راسي و انطخيت بالكاع دموعي لحالهن كامن ينزلن والله جان شكلي يكسر خاطر الصخر كمت ورما خلصت مناحه المعاتب وي رب العباد والسؤال غسلت وحهي عيني صايره حمره والمحجر مالتها ازرگ فتت لغرفه نمت بوقتها رجعت الضهر ماكعدت للثنتين بليل جسمي يون عليه من الكتل /يالله اني شمسويه جواك تاهيج تعاقبني ليش هيج يصير ويايه والله مالي ذنب بكلشي ليش يعاملني هيج ليش يريدني اكرهه كوه كوه 😭كمت غسلت واحاول اتهرب من ملشي بس الكه روحي ببطن القهر وين ماروح ملاحكني ضليت كاعده للفجر اذن رحت صليت وطلعت قران وكعدت اقرا هوه اجه صله كلت بگلبي لو تكسب بيه اجر وماتضربني والله لا صوم ولا صلاه گبل للجنه تروح گمت من شفته اجه باوعتله يباوعلي كن ندمان بالسواه بوجهي باوعتله بنضره بارده ورحت لزم ايدي ون ماباوعله كلتله /شتريد
كرم احجي بادب ويايه
ورد حلضر امر خدمه حضرة الضابط كرم
كرم لا روحي نامي
ورد رحت هليت القران بمكانه طبعا كرم من لزم ايدي لزمها من الدشداشه فما لغه الوضوء لذلك ماعليه ذنب لن خليت القران بايدي صفطت المصلايه و رحت خليت راسي عالمخده شويه واجه سبح او اليوم يداوم خل انطي ملابسه قبل لا يكوم يحجي كمت انطيتهيا ورحت سويتله الريوگ صبيتله واجه خليت الشاي بستكان وخليته بالصينيه ردت اروح لزم طرف الدشداشه ماتي /نعم امر خدمه
كرم اكعدي تريكي ويايه
ورد كعدت تريكت وياه مالي نفس اكل بس عن لسانه ضليت اكل بهدوء وهوه هم ماحجه شي خنگتني العبره گلت الحمد الله وگمت للغرفه انفجرت بالبجي احس روحي دقيقه وره دقيقه انسحن اكثر رفعت اديه للسمه كلتله يالله صبرت و ماكفرت ولا مليت من اختبارك هذا واذا عاتبتك فعتاب طفل يتوسل بامه يارب قرب الفرج واخذ روحي لن بعد ماتحمل انضرب الباب قوي شلعت والله كلت اجه ملك الموت وكف على راسي جر اذني
