وصلنه للمرڪز واني حتا مشي نسيت شلون امشي
ياله ع شنو خايفه اني انعل والديه الي يسترجي يقرب
بقيت اقنع نفسي
مشيت ورا الضابظ
الحمدالله مصادفنه اي ضابط ع طريق دخل لمڪتبه واني وراه
الضابط. سد الباب
تبو. ما
الضابط. صوتڪ
خرب نسيت وجاوبته والحمدالله محد سمع سديت الباب وبقيت واڪفه عند الباب
ڪولشي يصير اذا حاول يقرب اني يم الباب
نزع القناع الاسود والمخازن وڪعد ع مڪتبه
خل اوصفلڪم شڪله شبه اسمر وطبره ع حاجبه الايمن طويل لاضعيف ولاسمين عادي
وشعره بني مجان مربي لحيه بس سڪسوڪه
اتاڪئ راسه ع ايده وهوهه ديباوعلي
احتاريت اطلع احجي اسڪت شبيه صافن عليه
طفرت من مڪاني من سمعت واحد دا يدڪ ؏ باب
خرب تلبڪت ومعرف وين اولي بعدت عن الباب من ڪال
الضابط .. تفضل
وليد بعد مسد الباب وراه وتقرب لل ضابط
يحجي حتا ليسمعوه
وليد .. لڪ شورطت روحك هي نغل شاكين بيك دخلت بنت وياك لسياره وين ولت النقيب كلهم يشوفون الجندي الي وياك
جان وليد ديحجي وهوهه خايف ؏ صديقه
بينما الضابط جان متڪا راسه ؏ ايدهه
الضابط .. وليد انزل للقسم 4
جيب ملابس لبنت وتعال بسرعه
وليد .. ڪولي اول البنت وين
الضابط .. وليد داڪلك بسرعه
حجاهه بنبرا حادهه
واني احس برجفت جسمي من الخوف معرف شلون اوكف حتا
دقائق ودخل علينه وليد انطا ڪيس ملابس ل ضابط
وليد.. لڪ ثعلب لتجلطني وينها البنت
الضابط.. هش لڪ بعدين
الضابط .. هيو انتي شسمج
تبوو.. شعليڪ
الضابط .. ااخخ من لسانج
شمر عليه ڪيس الملابس ادخلي بدلي بسرعه
جنت اريد احجي او افهم او اعترض بس صاح بيه
ماڪو وقت تحرڪي
وجان دياشر لمخزن داخل المڪتب
دخلت بسرعه فتحت الڪيس الي بيه ملابس
جان بيه
فستان اسود بينصل قصير
وقميص صحراوي ل جوا الخصر
وحذا۽ صحراوي
