🍂Bitter & Sweet 🍂|| Jikook [Ongoing]

පාකින් ලොට් එක

"ඔහොම නවතිනවා.. කොහෙද දුවන්නෙ.. ? කිව්වම අහල නවතිනව ළමයො...!"

ඔලුවෙ ඉදන් කකුල් දෙකට යනකන්ම කලු පාටින්ම ඇද ගත්තු ටිකක් විතර වැදගත් පෙනුමක් තියෙන ඒත් වයසක මනුස්සයෙක් බෝතල් අඩි දෙකක් විතර ලොකු කණ්නාඩි දෙකකුත් දාගෙන පාකින් ලොට් එකට කලබලෙන් වගේ ආවෙ පාකින් ලොට් එකෙ කොනේ හොර ගල් අහුල අහුල ඉන්නව දැකපු පොඩි කෙලි බට්ටක් දැකපු නිසා...

දවස ගානෙම තමන්ගෙ ඇස් වලට වැලි ගහල පාකින් ලොට් එකට පනින පොඩි කොල්ලන්ගෙන් නම් කිසිම අඩුවක් මේ මැදි වයසෙ අහින්සක මනුස්සයට නම් තිබුණෙ නෑ.. මේ නහින දෙහින කාලේ එහෙට මෙහෙට දුවන.. තත්පරයක් යන්නත් කලින් අරෙහෙන් මතුවෙලා මෙහෙන් නැතිවෙලා යන පොඩි උන්ගෙ මල වදේ නම් වයසක දෝයොන්ට හිසදරයක් වෙලා තිබ්බෙ..

ඒත් ඉතින් එයා මොනව කරන්නද.. එයාගෙ යන්ග් මාස්ටර් හැම දේම එයාටම බාර දෙන එක වෙලාවකට වදයක් උනත් ඒ දේවල් කියන්න නම් නාකි දෝයොන්ග්ට නම් හිතේ හයියක් තිබ්බෙ නැ...

"ඔහොම ඉන්නවා.. හොර කෙල්ල..."

නහය දිගේ බේරිලා පහලට වැටෙන්න යන බෝතල් අඩි කණ්ණාඩියත් අතින් හදාගෙනම දෝයොන්ග් පාකින් ලොට් එකෙ එහා කොනේ ඉදලා මෙහා කොනට යනකන්ම බෙරිහන් දුන්නා...

එයාට දැන් වද දෙන්න වදකාර කොල්ලො රොත්තක් මදිවට හුරුතල් කෙල්ලෙකුත් එකතු වෙලා..!!

"ඒයි කෙල්ල.. ඔව්.. ඔව් ඔහෙට තමයි කිව්වෙ..."

දෝයොන් එයාගෙ බකල් කකුලත් නොන්ඩි ගහගෙන පුලුවන් උපරිම වේගෙන් ඇවිදින්න ගත්තෙ ඒ හුරුතල් කෙල්ල පුදුමෙන් වගේ බලන් ඉන්න එක ගැන වත් හිතන්නෙ නැතුව .

"අනෙ අම්මප දැන් හැදෙන උන්.. "

වයසක දෝයොන්ග් එයාගෙ බකල් කකුලටත් පොට්ට ඇස් දෙකටත්  සාප කරමින් ඉස්සරහට අඩි දෙක තුනක් ඇවිත් ටිකක් විතර පහත් වෙලා බකල් කකුලත් අල්ලන්  හුස්ම ඇද ඇද හති දාන්න ගත්තා.. ඒ එක්කම පුරුද්දට වගේ එයාගෙ බෝතල් අඩි කණ්ණාඩි දෙකත් සූස් ගාල ලිස්සල ගිහින් නාකි දෝයොන්ගෙ කබල් නහය උඩ රැදුනාම නාකි දෝයොන්ග් කලේ ඒකටත් රවපු එක..