اريج لا إله الا الله محمد الرسول الله انتي عندك ورم في المخ ..بقت تتلفت ومصدومه وعامله فيها قويه وهي لا ..كلنا بقينا نبكي ونعزي وهدى اصلا غمرت ..وهي بتعاين لينا بي نظرات يخواني انا في المرحله الاخيره .. ! حالتي حرجه .. ! حا اموت ..!مسكت يدها اريج نحن بنبكي عشان ما عايزن يحصل ليك اي مكروه .. انت كويسه وعملنا عمليات كتار ذي حقتك .. ماتخافي وخليك قويه .. ونحن معاك وربنا معاك ..متوترين شديد وبقينا ماقادرين نحك راسنا من التفكير قلت ليهم انا ماشا ارتاح ..مشيت قفلت الباب ساعتين ببكي لمن عيوني ورمو شديد ..اتصلت لي الفريق وريته وقالو يعملوها بكره من الصباح .. الصباح جا وماف زول نام ولاحاول يغمض ..مشيت اتجهزت وطبعنا كلنا من البيت موصياهم انهم مايبكو .. عشان ماتتعب انا اصلا ماكنت عارفه مسكت دموعي كيف .. لحدي ماهي اتخدرت ماسكه يدي قوي .. العمليه بدت وانا اصلا ماشايفه حاجه من الدموع .. قاومت ومشيت بقيت بنتساعد لحدي ماطلعنا ..وديناها العنايه المركزه وبقينا قاعدين بره ..- يدكتوره تعالي المريضه بتنده عليك حمدت ربنا وجريت جري شنطتي وقعت والتلفون ولا رفعتهم بس مشيت .. اريج: ارجوان تومتي وين انتي !! انا تعبانه شديد وجسمي واجعني جمبك جمبك يقلبي .. ايوا طبيعي وحمدلله على السلامه اريج: خليك جمبي حاضر بقيت بقرا ليها قرآن بعدينك الباقين جو بس ماكانت واعيه بيهم بقو قاعدين واخيرا راح التوتر والخوف .. مشينا كلنا صلينا نور ماجات صلت وانا لاحظت ليها مره تصلي مره لا .. بعد انتهينا ناديتها على جمبه نور انا من الاول قلت ليك انتي اختي وانا بوريك الغلط الانتي عامله عشان تصلحي صح !!؟نور: ايوا انتي لي مابتصلي !! نور انتي زوله كبيره وعارفه انو ' الصلاه عماد الدين ومن تركها فقد كفر ' وعارفه انو اول مايحاسب عليه العبد يوم القيامه هي الصلاه صح !!؟ نور: (بي بكاء) عارفه يا ارجوان بس ماعارفه بقيت بكسل زمان اول ما الاذان يأذن بصلي ..يلا انت اول ماتسمعي الاذان تلعني الشيطان وتقومي تصلي .. ماف حاجه حا تتسهل عليك من غير صلاه .. وانا عايزه ليك الحاجه السمحه نور: شكرا انا بالجد بحبك وانا كمان امشي صلي اسي وتعالي عشان نطلب اكل ...اريج الحمدلله حالتها بقت كويسه وكل الفريق كانو معاي بس انا ماخده منهم موقف لسه جاتني دكتوره صحبتي من الفريق .. اسمها مروه مروه: ارجوان انتي زعلانه مالك الموضوع دا انتهى صح ؟!مروه خليه كلو انتو طريقه بكاكم خوفتني واصلا الموضوع مايستاهل + اسي اتخيلي لو اهل المريض شافوكم بتبكو كدا حيفكرو شنو .. اذا اقتنعو انو كويس اسي وحصل ليه حاجه بعد فتره يدخلو سين وجيم انا مازعلانه منكم زعلانه من تصرفكم ..مروه: حقك علينا ونحنا بس عشان مبسوطين وفخورين بيك .. ارجوان: شكرا شكرا مابتقصروا حصل خير ...عملو لي اريج كل الفحوصات ومن الصباح طلعونا كنا معتنين بيها شديد .. ونهاي ما مقصرين منها .. مشيت رقدت وكنت بتزكر في الماضي الاليم تحديدا يوم تخريجي .. يوم مافارقتني نهائي ..الكل مبسوط مع اهلهم واخوانهم .. كنت مبتسمه ابتسامه مكسوره وكلها حزن .. كنت اول وحده اتزاع .. قالو اسمي وماكنت مختاره اي غنيه طلعت معاي اريج .. وتقول لي ماتخافي ما تومتك معاك .. كنت بتبسم لحدي ماوصلت المنصه بقيت ببكي وحاضناني وباكيه معاي .. الموقف دا أثر في ناس كتيره شديد وفي بعضهم بكو معانا .. شلت شهادتي وسلمت على الدكاتره ومشيت قعدت في زوايه وابكي .. مسخت على اريج تخريجها .. لمن جا دور اريج طلعت معاها وفرحت شديد حسيتني ماخريجه .. حسيتني من الاهل وجيت استلم معاها .. انا كان نفسي تجي معاي ماما سوسن بس كان عندها عرس بت اختها ..بعدها طوالي ابتدت حياتي السعيده ذي ماقلت ليكم ودوني قطر قعد فيها فتره كويسه ..قطع خيالي لممن سمعت صوت صريخ قوي جداجريت لمن وقعت في السلم قمت وجريت مشيت على الغرفه الفيها اريج لقيتها برضو مخلوعه من الكواريك .. متخيلين لمن تقع وذي كراعك اتفصلت ولا شنو ماعارفه وتكون ماحاسي بيها من الالم بس دا الكنت حاسه ..جريت تاني مشيت لقيت نور مجروحه في يدها والدم في كل حته .. وهي تصرخ بي هستيريا نور: وااي يدي قطعوها لي ماقادره احرك يدي ونحن نعاين وماقدرين نعمل شي من الصدمه سااعدوني ياناس انا ح اموت والله ..شويه جو السكيورتي ما اتناقشت معاهم طلعناها العربيه وهي كانت شبه مغمه عليها ادوها قزازتبن دم وخيطو ليها الجرحه 8 غرز ..سوسن: دا شنو البحصل دا يبناتي عين العدو والله يامي حاجه غريبه نور لمن صحت الحمدلله ماكنت حاسه بي شيء بس تبكي وتكورك كل شويه تقول لي شال منك حاجه جا سألك نور احكي حصل شنو نور: انا في المطبخ بشرب في مويه وبكب لي في عصير شفت ضل وراي عاينت لقيتو شايل سكين انا خفت لمن قلبي حسيته وقف ويقول لي ارجوان وين ح اكتلها الليله قمت جريت قفلت الباب بتاع السلم ورميت المفتاح عشان مايدخل ليك ويقتلك حسب ماقال قام جرحني بي السكين ( مش في كل نهايه سلم بكون في باب !؟ بس داك هو )ارجوان: احي ي قلبي بقيت حاضناها وببكي شكرا ليك نور: معقوله انتي مش اختي دا واجبي ..حسيت انو عندي كنز قيم شديد ارجوان: ❤️ طيب ينور بجي اسي طلعت لي السكيورتي بره يتبع...
