بقلم/لينه محمد
في مكان من اجمل الاماكن في مصر و هي الاسكندريه و في شقه متوسطه كانت تودع الشخص الاخير بجمله: في حياتك الباقيه
لتغلق بعدها الباب و تنهار في البكاء لتقترب منها صديقتها المقربه لتقول لها بصوت حنون: استهدي بالله يا ابتسام دا قداء الله و قدره يعني انا اللي هقلك
ابتسام ببكاء: مش قادره مني انتي اكتر واحده عارفه بابا كان بالنسبالي ايه كان السند و الاخ و الاب انا اعمل ايه من غيره انا و ماما انا مش معترضه علي قدر ربنا بس انا خايفه من اللي جاي
مني: و تخافي ليه يا روحي انا جمبك اهو و عمري ما هبعد عنك و طنط حنان الحمد لله كويس و محصلهاش حاجه انتي تعبه نفسك ليه
ابتسام بحسره: مش دي المشكله المشكله في اعمامي اللي هينهشو في لحمي بعد موت ابويا انتي عارفه انهم طمعين و مش هيسبونا في حالنا
مني: انا نسيت الموضوع ده طيب هتعملي ايه
ابتسام: مش عارفه بفكر ابيع الشقه دي و اسافر انا و ماما بس مش هاين عليا دي الشقه اللي اتربيت فيها و كبرت و الذكرى الباقيه من بابا
مني: مش لازم تبعيها سبيها مقفوله و خلاص
ابتسام: و اما اعمامي يجو ويلقوها فاضيه و من غير مالك اول حاجه هيعملوها انهم يبعوها
مني: لا غلطانه مفيش شخص ساذج اوي كده عشان يشتري شقه من غير عقد تمليك يعني اخره انهم يأجروها و كده ضمتي انها بين ايدك
ابتسام:ايوه فعلا يبقي توكلنا علي الله بس بعد ما اسافر هروح فين ولا اعمل ايه خطر اني اسحب حاجه من البنك حاليا قبل فتح الوصيه و كمان مينفعش اسحب بعد ما اسافر عشان كده ممكن يعرفو مكاني
مني: طب بصي الفكره دي انا هديكي الفلوس اللي انتي عايزها
ابتسام: ايه اللي انتي بتقولي ده انتي عارفه اني مستحيل اوافق
مني: يا ستي اهدي كده و ابقي رجعيهملي
ابتسام: ازاي
مني: يا ربي صبرني انتي مالك النهارده دا انتي اللي كنتي بتفكري مش انا
ابتسام: مني انا تعبانه فعلا فخلصي
مني: تمام مش انتي يا ستي كليه السن اشتغلي
ابتسام: ايوه بس انا لسه متخرجتش
مني: ازاي و انتي اخر سنه و النتيجه قربت تطلع
ابتسام: ايوه بس النتيجه لسه مطلعتش
مني: حتي و لو انتي بسم الله ماشاء الله متفوقه في قسمك و بتتكلمي الماني كويس و في مليون شركه عايزه حد بيتكلم الماني كويس
ابتسام: عندك حق يبقي لازم اجهز للسفر من دلوقتي بس في مشكله؟
مني: ايه هي
ابتسام: انا هسافر فين
مني: القاهره
ابتسام: ايه..
~~~~~~~~~~~~~~~♡
في احد شركات الاستيراد و التصدير في القاهره
يدخل فجأه اللي المكتب صارخا: انا رجعت يا شركه كئيبه
لينظر له الشخص الجالس علي المقعد بفزع اولا ثم يتحول لسعاده: اهلا اهلا باللي قعد اسبوعين في فرنسا
ليعانقو بعضهم البعض ثم يرد الاخر بـ: طب تسدق كانت نقصاك و الله يا غالي طول ما انا قاعد و كل ما اشوف بنت اقول فينك كانت نقصاك يا واد يا رائد
رائد: بعد الكلام ده اتأكدت انك كداب
..: مين انا دا انا حتي حبيبك
رائد بخبث: بقي زياد بيه بنفسه يبقي قدامه عود فرنساوي و يفكر بيا يا راجل
زياد: طب تسدق قفشتني بس احب اقلك اني استفدت حاجه من هناك كمان عارف ايه هي
رائد: ايه
زياد: عايز اجوز
رائد: نعم يا خويا
زياد: يعني انت عاجبك صاحبك المتبعتر في كل حته ده انت عارف و انا في فرنسا كانو بيلموني كل شويه من تحت رجل بنت شكل
رائد: هو انا مش عايز احبطك بس ده مش عايز جواز
زياد بترقب: اما ايه
رائد: دا عايز قيام ليل
زياد: قيام ليل ازاي
رائد: يعني خلي امك تقيم الليل كده و تدعيلك ربنا يتوب عليك عشان هي معرفتش تربيك
زياد: تؤتؤتؤتؤ غلط انت مفهمتنيش بردو
رائد: ليه ان شاءالله اشجيني
زياد: بص دي بقا انا هتجوز و اخليها تقيم الليل هيا عشان امي عندها خشونه في الربه و كده ضربنا عصفورين بحجر واحد
رائد: هههههه لا مش قادر انتي بتهزر صح
زياد: انت بتضحك ليه
رائد: مش اما واحده تقبلك اصلا
زياد: علي فكره انا البنات بتقف طوابير قدامي بس انا اللي برفض
رائد: لا يا راجل
زياد: اه والله حتي بصي ليشير الي النافذة التي خلف رائد ليأتي رائد ليدير راسه لكن يمنعه صوت زياد: لااااا ايه يا عم البرستيج...اا. قصدي الحسد
رائد: عيب عليك يا راجل بقي انا احسدك
زياد: لا طبعا انت عمرك بس انا بقول انك تشوف شغلك بدل ما تضيع وقتك في حجات تافه زي دي
رائد: وقتي اهم من مستقبل اخويا
زياد: يا عم و انت مالك و مال مستقبلي ما يولع انا نفسي مش مهتم اساسا بص انت تشوف شغلك و انا هروح اغير و ارتاح من السفر و اكل اصل بعيد عنك فرنسا مفيهاش غير عيش و جبنه
ليخرج زياد بينما رائد يضحك علي كلامه
♛♕♛♕♛♕♛♕♛♕♛♕♛♕♛♕
في منزل ابتسام
ابتسام: ايه و انا اروح القاهره اعمل ايه هناك
مني: بصي يا ستي انتي تيجى تعيشي في الشقه اللي جنبنا
ابتسام: ازاي
مني: الشقه اللي جنبنا كانت معروضه للايجار وبسعر كويس تقدري عليه ويا ستي ما تقلقيش اول شهر او اثنين لحد ما تقدري تشتغلي و تدبري الفلوس انا اللي هدفع ما تقلقيش بقى
ابتسام: و انتي ايه اللي هيوديكي القاهره
مني: انتي نسيتي ان بابا شغله اتنقل القاهره و اسبوع و مسافرين اساسا
ابتسام: تمام
لتربت مني علي يدها و تكمل حديثها بـ: انا هكلم بابا يكلملك صاحب الشقه و انتي روحي اطمني علي طنط حنان
لتبتسم لها و تعانقها فهي اختها قبل ان تكون صديقتها و تذهب لترى والدتها التي كانت تجلس و تقرا في المصحف و هي منهمره في البكاء
لتجلس ابتسام بجانبها و تواسيها: ماما انا عارفه انك زعلانه علي بابا اوى بس احنا لازم نفكر في المستقبل
لتغلق حنان المصحف ثم تقولها: انتي اللي بتقولي الكلام ده يا ابتسام دا ابوكي لسه ميت
ابتسام: مش قصدي يا ماما انتي عارفه انا بحب بابا قد ايه بس احنا لازم نمشي دلوقتي
حنان: نمشي نروح فين
ابتسام: نسافر يا ماما
حنان: انا مستحيل اتحرك من هنا علي الاقل قبل الاربعين
ابتسام: يا ماما يا حبيبتي انا عايزه انك تفهميني احنا لازم نمشي عشان اعمامي اول ما يعرفو بخبر موت بابا هيجيو عشان الورث
و انا و انتي هنتبهدل عشان كده انا قررت اننا نسافر للقاهره و نأجر شقه لينا نقعد فيها و اشتغل بالكليه بتاعتي
و بعد انتهاء كلامها تنظر لوالدتها فترى الحزن لتقول لها: انا عارفه انو يهون عليكي تسيبي البيت قبل الاربعين بس لازم نحضر شنطتنا دلوقتي قبل ما حد من اعمامي يجي لتحرك لها حنان راسها بالموافقه و تخرج ابتسام بعد تقبيل جبين و يد والدتها و تدخل الي غرفتها و تنظر الي صوره والدها لتمسك بها و تقول : احنا اتبهدلنا من بعدك يا بابا انا مش عارفه ايه الناس دول اللي ينهشو في ولاد اخوهم و هو لسه جتتو مبردتش ربنا ييسر لنا الحال انا اول مره احس اني من غير سند من غير ضهر ربنا يرحمك يا بابا و تسقط دمعه علي الصوره
لتبدأ معها بدايه جديده لم تكن في الحسبان..
أنت تقرأ
ابتسامتي
Fanfictionتَبتسمينَ فَ يَفقدُ الليلُ وعيَهُ و يكَّتُمُ القمرُ تَنهُّدهُ و يسقطُ من السماءِ نجمٌ المراهقهُ إعجابه يا فتاه،، عندما يأتي الليل،، انظري الي السماء و ابتسمي~فالقمر يشتهي ان يجد نصفه الاخر! ْ
