فصليه صكر اليتيمه

PART(6)
صكر..رجعنا للبيت طبينا امي بس شافتها حطت ايدها عكلبها.

ام صكر..عزززه شبييها البنييه شعملتلها.

صكر..دفعتها ووكعت عجربايه وراسها ندك نفتح طعنتين خيطو الها والشيخ كلتله باجر يجي.

ام صكر..عزه العزاك شبيك انته ويا البنيه.

صكر..عفتهم طلعت كسرت الباب سديته قوي وذبيت روحي عجربايه ميت تعب ومحسيت غير الشمس على عيوني ردت اكوم راسي يوجعني.

قمر.. مثل مقريتو نفتح راسي طعنتين خيطو الي ورجعنا للبيت شافتني امه كلش خافت عليه والشيخ باجر يجي المهم راح هوه وامي صعدتني لغرفه شمس طبيت وهيه جانت كاعده اجت ركض حضنتني وحضنتوها.

شمس..خو ما يوجعج شي.

قمر..لاحياتي،اني كلت هيج علمود ميضل بالهم واني راسي يريد ينفجر طلعت امي من الغرفه شويه اني وشمس سولفنه ونمنا كعدت على ضربه باوعت هم هوووه.هاا.

صكر.كعدت بل 6:00 بدلت ملابس الضباط ورحت لغرفت شموسه شفت الفصليه نايمه ضربتها على ايدها هيه فزت.هاا ووجعاا كومي نجبي عمليلي ريوك.

قمر..افففف كاايمه.

صكر.شوو ضاايجه.

قمر..هاااا لاا م،م،ماضايجه.

صكر..على بالي يلا بسرعه لاتاخريني.

قمر..دطلع من يمه شفت سلاحه بقيت صافنه.

صكر..و وجع شبيج.

قمر..الواحد ميصفن،كلت هيج وشردت للحمام كبل قفلته.

صكر..اني الج،مخبله شويه وطلعت راسها دور اكو احد بلغرفه شافتني كبل سدته،ولج يله.

قمر..يي مو اني غشيمه مالك علمود اطلع وتضربني.

صكر..بلعباس اكسر الباب عرااسج طلعيي.

قمر..طلعت اركض وصلت يم الباب،ش،ش،شتحب تاكل.

صكر..كمت ردت اطلع شو هاي رجعت لوره وخايفه،حضريلي اكل مثل العالم يعني بعقلج شتحضريلي.

قمر..يعني كيمر وكشطه وطحينيه ول.

صكر..ولجج وانيي ليشش دوخيني ويااج روحيي حضريي تاخرتت.

قمر..يي اوو شكد يصييح،ونزلت اركض للمطبخ داحضر خلصت حطيت الجاي علنار واجا الولد.

صكر..بل 11:00 حضري نفسج اجيب الشيخ وياي يعقدلنا.

قمر..بس ماريد،بصوت شبه مسموع.

صكر..لا خطيه اني اريد ازوج وحده كحبه مثلج مو.

قمر..محجيت شي صار الجاي حطيته يمه ودطلع عاط.

صكر..مصبييين.

قمر.عود ماعندك ايد،بصوت ممسموع.

صكر..شكلتي لجج.

قمر..كلت تدلل،رحت صبيتله من وره خشمي.

صكر..شو صبين من وره خشمج هاا.

قمر..اللللله واكبرررر شكددد يطللع حجج،نسيت روحي كبل حطيت ايدي على حلكي باوعت عليه معصب يممه اني كبل شردت لغرفه شمس ردت اقفل الباب بس ملحكت حسيته ندفع.