ورده في الخراب

البارت الخامس

هلو شلونكم اليوم تكملة البارت اتمنى تعجبكم القصة
===================================

ظليت صافنه على منظر ريتاج وهيا نايمه متخطية بالحاف انكسر كلبي عليها ليش هل بنية ما عاشت نفس الاوادم وي امها وابها اخوانها عمامها سندها الحقيقي ليش خلو الغرب تتكفل بيها ليش شمروها هاي الشمرة بس الظروف تحكم وتحطم البشر ماكو بشر يذب ظناه وما يتاذه رحت شلتها نومتها بــفراشها وطفيت الضوه ورحت نمت اليوم صارت هواي اشياء وتعبت بس حطيت راسي نمت كعدت الساعة ب 6 ونفس الروتين لبست الزي العسكري ونزلت اول ما شافتني امي دمعت

- ها ماما شكو
- ذكرتيني بابوج واخوج
- ماما حبيبتي شنو هل دموع عليمن البجي المفروض تفتخرين
- عليمن اتفخر ولج تردين ترحين نفس ابوج واخوج
- هسة ليش تفاولين علي يا امي وين مو هاي المدرسة بعد ربع ساعة
- هل مرة ربع ساعة وره ست اشهر راح ترحين اميال وساعات
- يلا ماما الله وياج راح اروح
- يي ييي روحي

طلعت من البيت وصعت تكسي ورحت للمدرسة سلمت على سرى والبنات وره شوي ربده التدريب تدريب بسيط اول شي مثل الجري لمسافات قصيرة لو عمليات الاستعداد كملنا والله تعبت رجعت للبيت هلكانه

- السلام عليكم
- مامييي
-عليكم السلام
- هلا حبيبي شلونج
- ذينه سنو سريلي ( شنو اشتريتيلي)
- كُلشي تحبي يلا تعي ندخل
- يلا يلا ياييي

ولو هيه مو بنتي واني ماني مجبوره اربيها بس حبيتها حسيت روحي مسؤله عنها رحنا اني وياها انطيتها العلاگه الي اشتريتها الها وصعدت سبحت وبدلت ملابس مريحه هلكانه تعب شوي واجت ريتاج واني امشطة بشعري

- مامي بيبي تكول تعالي تغدي
- اي حبيبي هسه جيت
- تمام
نزلت ورا مالفيت شعري علمود اشسورة مابيه حيل
تغدينا چان. مركه بانيه ولو شتاء بس امي تجمد البانيه
صعدت وريتاج راحت تباوع تلفزيون
رحت نمت بس حطيت راسي غفيت
كعدت الساعة ب 4 كمت غسلت ونزلت لكيت ريتاج نايمة

- رتوو مامي كومي
- همممم
- كومي ماما كومي
- ها مامي نعسانه
- خل نروح نلعب بالحديقة
- ييي يلا يلا

رحنا نلعب بالحديقة وجان الجو حلو
ومال واحد يلعب بيها

هيه راحت تلعب واني كعدت اتصل على البنات و اخر شي اتصلت على سرى وجاي احجي وياها اجت ريتاج

- مامي شوفي
- لحضة ولج انتي مزوجه
- لا
- لعد منو تكلج مامي
- احم بنتي
- لحضة بنتج يعني انتي منفصلة لو ارمله
- لا
- لعد مو شيبتي راسي
- اتبنيتها
- ليش
- ضروف
- لحضة حلو عاد لا
- حجيت باندفاع. تخبل تخبل
- ممم حمستيني دزيلي صوره
- تمام لحضة
دزيتلها الصورة
- ولج لاتكليلي هاي مو بنتي باع شلون تشبهج تخبل ما شاء الله

- هوا اني تبنيتها لان تشبهني
- خوش اني امشي واتبنا ياهو يشبهني دكولي بنتي وفضيها

- لا والله سرى اكو وحده تستعار من بتها لو بنتي چان كلت بنتي بس لان انتي مو غريبة فكتاج مو بنتي
- امم ولو ما اقتنعت بس امشيها الج
سوبفنا شوي وسديتا منها واني بيا خوفا وين راح يوديني الدهر وين يا محافظة شكد ما اتنى اطلع واثبت نفسي شكد ما خايفة اعوف امي صار غروب ورحت ل ريتاج

- يلا ماما ريتاج حبيبتي كومي صار مغرب
- لا مامي بليززز خليني
-لا شوفي صار مغرب امشي نصلي
- يايي نصلي راحت ركض ما عبالك توا هية ما تقبل رحنا توضينا وصلينا وجاي احفظها سوره الفاتحه كملنا ورحنا نسوي عشا سوينا نواشف مقليات و زلاطه ومقبلات
تعشينا و اني غسلت اماعين رحنا اني وماما نتفرج على التلفزيون ورتوو تلعب يمنا سالتني ماما

- اكول هسة كملتي شنو راح يصير بعد
- شوفي ماما كتلج راح يسحبون قرعة وراح يطلع اسمي
- يي وشنو
- يي ومن هسة ماما حتى اذا طلع بالموصل لو بسوريا هم اروح
- انجبي شنو ترحين
- والله العظيم ماما ابليكم بنفسي والقران اكتل روحي اذا ما اروح اني درست كل هاي الدراسة والتمرينات وبعدين تكولين ماترحين لو تكعديني بالبيت
- ليش بالبيت داومي بالمستشفى
- اني لو احب جان صرت ممرضة مو اروح هذا القسم
- عود الله كريم
- نشوف ماما نشوف

ظلينا نتفرج على الفلم واني لو ما اخاف على امي تزلع جان رحت صعدت فوك. بس ماردتها تضوج كملنا الفلم
بــ9 رحت الريتاج

- يلا ما ما رتوجه خل نروح ننام
- لا مامي بليززز خليني ابقى هنا
- لا يلا كومي علمود اقرالج قصة
- كالت بضجر ماشيي
صعدنا فوك و بديت اقرالها قصة بياض الثلج
ورة نص ساعه يلا نامت تعبتني

ر حت ونمت وبالي الف حسبه باجر يتحدد مصيري وين اعوف بنتي وامي لو اضل يمهم ما ادري لل3 اني ما نايمه من كثر التفكير نمت واني ماادري شنو منتظرني باجر
كعدت الصبح صبحت على ماما و تريكت صعدت سبحت وبدلت ابست تنورة سوده بف و بدي اسود ساده بدون نقش ولبست جاكيت كابوي وحجاب كريمي و جنطة كريميه وحذا كريمي  نزلت وودعت امي اجرت تكسي

وصلت للمدرسة على بعد ساعات قليلة راح يكون مصيري
رحت سلمت على سرى والبنات هم جانن اكثر مني خايفات

- راح اموت من الخوف
- حتى اني
- تخيلن يطلع بالموصل
- يما
- احنا الردنا هذا الشي
- يي صحيح
وبعض النقاشات من الخوف والقلق والتوتر دك جرس يعلن عن التوجه الى القاعة لااعلان الاسماء كل الي موجودين توترهم مو اقل مني ناده هواي واكو الموصل واكو بابل واكو الدوانية واكو ديالى واكو تكريت واكو كركوك هواي هواي اطشرو واكو هم ببغداد اخر شي وصل دور ريحانة محمد هنا اني شجعت نفسي وكمت وهنا جانت الصدمه مكان ماكنت اتوقع انو راح اروحله

ريحانه.محمد محافظة ........

نلتقي في البارت القادم في حفظ الله ورعايته

# الكاتبة ريمه المنصوري

مع الف سلامه

.
.
تابعني

علقوو

صوتووو

فضلا وليس أمرا

!!!!!!!!!!!!¡!!!!!!!!¡!!!!!!!¡!!!!!!!!¡!¡!!!!!¡!¡!!!!!!!!!!¡!!¡!!!!!¡!!!¡!!¡!

الشعررر

يرد حيطان يا روحي يردها
الهجر وغدت ولا احد يردها
ايامك ذيج لو الله يردها
احج بيته بكثر ما خنت بيه

،،،،،،،

صبرت هواي شصبر بعد ::::::::لاميت
الطيور براسي حته عشوش :::لاميت
صرت  لاني  بجفاكم  عدل ::::لاميت
انوح...ولامحب...ينشد...عليه🥀💔

اعذروني البارت قصير بس اوعدكم ببارت طويل ان شاء الله 888 كلمه ♥️