وما ذنب قَلبي

نص مستقبلي

لست امرأه تُنسى انا التي يقُال عنها :
مّرت وهذا الأثر .
_______________________

طالعين سفرة وملتهية وية اهلي والأقارب وفرحانين بلمتنة كل عيد احنة هيج نلتم ونطلع سفرات وكل عائلة تجيب اكلهة وياهة وانصُبة مرة وحدة علة سفرة وحدة احلا شي بالعيد هية هاي لمتنة ولو اني مو حيل اجتماعية بس وية اهلي، شايلة بأيدي علاليك المواعين سفري الي صبينة بيهة دا اذبهة بالحاوية القريبة علينة واجة اوس ابن عمي شايل وراية طبعآ هوة ابيتهم الخاشوگة اذا يعثر بيهة ميشيلهة من الگاع بس شافني كمت واجة بوراية ذبيتهة ومشيت بسرعة لبابا حتى ميحجي وياية ويلَمحلي عل حُب لان ما اطيقة انوب مو يعترفلي بحبة وصلت لابوية وكتلة
_بابا انة راح اطلع قبلكم تعبت
_ صبري بنيتي نكمل ونطلع طلعة وحدة
_ بابا حتى اروح على خالة اشواق تنتضرني دا نروح للصالون نختار لوكات آلهة ونتفق وية الكوافيرة حبيبي بابا تتأخرون انتو
_ ماشي بنيتي روحي بس انتبهي زين بالسياقة
_ ماشي حبيبي باي سلمت عليهم وطلعت بسيارتي متوجهة لبيت جدو ل ام الشوش خالة اشوق شغلت المسجل وطلعت اغنية لهيثم يوسف' أضعف كدامك بس انتة ' وادندن وياهة اليشوفني يكول عاشگة ومنتهية ما يدرون اني شايلة هاي الفكرة من راسي واني دا اسوق دك موبايلي خالة اشوق رديت عليهة تبجي فزيت اصيح شبيج وخففت سرعة رأسن ما حسيت نفسي آلة نخضيت خض والسيارة اندفعت بقوة وكع مني الموبايل وانرطمت بالستيرين علة راسي ورة دقيقة اجة شخص فتح باب السيارة ويصيح :
_ بيج شي صارلج شي
دايخة واحس اني بغير عالم رفع راسي شافني نص مفتحة ورجعني عل كرسي التمو الناس داير سيارتي وهذة بعدة يمي اسمع يكول
_يي نعم عل شارع العام بمنطقة - - - قرب - - - بسرعة
نداريت آلة وكتلة
_مابية شي لا تتصل بالاسعاف
_شلون ما بيج شي اني اعتذر بس الصوج منج انتي وكفتي رأسن وبنص شارع واني اعرف بهاي الأمور
_فتحت عيني زين وكتلة اعرف الصوج بية مايحتاج تكلي
_كومي وياية أوديج للمستشفى
_مايحتاج راح اخابر والدي واخذ تكسي واروح للمستشفى
_لا تعاندين شوفي نفسج كوة مفتحة
_مرديتلة كمت لزمني من زندي لان ردت اوكع نداريت علي وركزت شفتة لابس عسكري ونجمتين على كتفة وخرت ايدة ومشيت خطوتين ردت اوكع لزمني ومشاني غصب لسيارتة متأذية من كدام بس مو حيل نفس سيارتي همستلة :
_موبايلي ادك على بابا عفية سد الباب الي من يمي وراح لسيارتي وما اتذكر شصار بعدين غير لمن وصلنة المستشفى مخليني على السدية والممرضة تسألة تكلة زوجتك المريضة
_يي نعم زوجتي
__________________________________
هاي اول قصة الي اكتبهة وطبعآ القصة حقيقية اذا شفت اكو دعم وتشجيع الي اكمل تنزيل القصة
اتمنىٰ منكم تشجعوني وتصوتون دوسو عل النجمة وكلولي بالتعليقات اذا تريدون اكمل وأبدى انزل بارتات لو الغي هاي الفكرة من راسي اختكم
زمرد البياتي ❤️