كنتُ أراقبك من بعيد فلا جرأة لديّ لِ أقترب مالم أجد مبررا لذلك
أتابع غيابك لحظة بلحظة.. وأتلصص على الأحاديث التي يذكر بها اسمك
ثم أن لاشيء أقسى من الخيبة حين تكتشف أن أحدهم
تفصلك عنه بضع خطوات لكنها بمثابة أميال طويلة لا منتهية.. لا أمل بطيّها أبدا.
أطرق رأسي وأخبئك بين أضلعي وأدعو لك الله أن تكون بخير فقد طال غيابك
ثم أني ألتقيك فَ تحيطني بقبضة لامبالاتك، تتجاهل حاجتي الملحة إليك فَ أتسلق قضبان غيابك وأبحث عنك في ظلمة الليل ووسط زحمة النهار فتترك لي صمتك المطبق يأكل خيوط حديث كان يجمعنا ذات صدفة.. فَ يُنهي آخر ما أتمسّك به لأصل إليك
دوسر
_______________________
لينا..
واكفة و موبايل بابا بعدة يدك مسجل عل رقم اسم دوسر منو هذا اول مرة اسمع هل اسم بابا ما جابة بطاري نهائي يجوز ويا بالشغل خلصت الدكة وحطيت الجبن عل طاولة رحت للتلفزيون شغلتة على قرآن يتغيير جو البيت ورة شوي طلع بابا من الحمام شايل الخاولي ينشف بوجهة كمل وخلا عل كرسي التخم البصالة هاي عادتة وبعدين اني ارجع اعلكة تقدم للطاولة سحب الكرسي وكعد :
_ايييي اليوم شنو هل دلال مأبدعة بالريوك لولو
_لعد شعبالك عيني ريوك تركي اصلي اليوم
_ديلة صبيلي جاي خلي اكل جبن
_ادلل حبيبي، صبيتلة وكتلة
بابا دك موبايلك مرتين ترة
_ماشي من اكمل اتصل ما شفتي منو
_رقم مسجلة دوسر ما عرفتة؟
_ها يي يي
_منو هذة بابا
_هذا الضابط الي دعمك بسيارتة
_هاااا كلتهة ورفعت حواجبي ثنينهم
_يي، مو كتلج باليل انطاني بطاقتة علمود السيارة من تكمل ينطيني خبر
_يي كتلي
_مبين حيل خوش زلمة
_يي
سكتنة وكمل ريوك وراح يبدل ورجعلي اسويلة البزم بردن القميص كملتة آلة لبس سترتة وسألني
_تريدين تروحين لبت جدج على خالتج
_لا مالي خلك طلعة
_براحتج خاف تضوجين وحدج ما ارجع لل 7 المغرب
_لا شعندي خليني اليوم بالبيت، رجع دك موبايلة رد
_الو، يا اهلآ
الحمد للّٰه، انتة اشلونك
يي ها يي صحيح
لا جيبة لنفس العنوان
يي يي نفس البيت
اني مو متواجد بالشغل
ان شاء الله، سكت شوي وكال
جزاك الله خير
ثيمالا
سدة وندارلي هذة نفس الولد رجع دك علية
_منو
_دوسر الضابط الي دعمج
_شبي
_يكول موبايلهة بالسيارة راح يجيكم صاحبي يجيبة
_ها
_يي بنيتي بس يدك الباب طلعي اخذي، وقفلي الباب زين
_تمام بابا
_يلة محتاجة شي
_سلامتك حبيبي
_يلة مع السلامة
_الله وياك
_طلع وسديت الباب ورا واستلمت البيت والمطبخ كنس ومسح وغسل كملت الجوة وطلعت على الطرمة غسلتهة ورشيت الحديقة ومن خلصت فتت سبحت وبدلت سرحت شعري ورشيت سبلاش آلة وشلتة بگتر نزلت جوة كعدت عل تخم اكلب بالتلفزيون ضجت ماكو شي اتفرج علي باوعت للساعة ب عشرة ونص بعد وكت عل غدة وهوة اني بس وحدي اوووف شهل ضوجة دك جرس البيت يا الله وأخيرآ اجة موبايلي التهي بي طلعت صحت
_منووو
_انة دوسر جبت الغراض بلا زحمة ممكن تاخذيهة
_اعقدت حاجبي مو كال صاحبي شو اجة هوة
_فتحت الباب ومديت راسي باوعتلة ناطيني ضهرة ويباوع لي گدام لابس زية العسكري
عفوآ أخوية من كلتهة ندارلي
_السلام عليكم
_وعليكم السلام تفضل أخوية
_هاي غراض بالسيارة،
مدلي ايدة جنطتي وموبايلي
_يي شكرآ اخذتهة منة ردت افوت كال
_شلون صرتي
_باوعتلة الحمد للّٰه تمام
_الحمد لله على السلامة
_الله يسلمك
_السيارة باكر تكمل ان شاء الله
_ماشي انطاك العافية
_بالعافية يابة، بس جبتلج الغراض لان يگول الموبايل يدك بداخل السيارة
_تمام تعبناك
_لا يول يابة ماكو تعب
_شكرآ
_ادللو..
سديت الباب وفتت يالله شبية ارتبكت اذا هوة يخوف يسوي قلقل من يباوع عل واحد الله يساعد المجرمين على هل عيون
كعدت بالصالة خليت جنطتي بصفي وفتحت الموبايل حيييل هاي المدرسات شكد داكين وثنين راسليلي رسايل يتحمدولي بالسلامة شكعد عيب، دكيت على كل وحدة واعتذرت كتلهم موبايلي مجان يمي تحمدولي بالسلامة وسديت الخط من آخر وحدة رحت للمطبخ اسويلي شي اكلة جعت من الريوك و تعبت من الشغل فتحت الثلاجة وبلشت الحيرة يمكن اخذتلي نص ساعة نوبة افتح الثلاجة نوبة المجمدة ومحتارة شسوي صفيت اخر شي على اكلة بحثتهة عل نت بيهة صدر دجاج وبتيتة وياهه خضار سويتهة وكملت كعدت اتغدة كملت غسلت الماعين وصعدت لغرفتي مددت ورأسن غفيت لان كاعدة من الصبح فزيت على صوت موبايلي اوس يدك مسجلتة اوس ابن عمي رديتلة
_الو
_ها لينا شونج
_تمام الحمد انتة شونك
_بخير اسأل عليج
_تمام
_شلون صرتي
_ما بية شي الحمد للّٰه
_دومج يا ربي
سكتنة ورة شوي جر نفس وكالي
_اكو هواي حجي اريد احجي الج
_خير ان شاء
_عود نطلع ونحجي
_مالي خلگ طلعة هسة
_ها
_يي
_براحتج هسة عبالي احجي وياج كبل لا اطلع لتركيا عندي شغل واطول
_احجيلي هسة
_مو مال عل موبايل احجي
_ها كلتهة واعرف عن شنو يريد يحجي
سكت شوي وكال
_ لينا
_ها
_احبج وأريدج
_سكتت
_من انتي وصغيرة احبج
_ضليت ساكتة سترسل بالحجي
لينا متصورين شكد احبج من انتي عمرج ٨ سنوات واني وياج وياج مع انو اني اكبر منج بس جنت اشوفج مثل اللعبة واني اهتم بيج اضوج اذا احد حجة وياج واذا احد ضايقج هاي الله الكاتبهة علي، سكت شوي وكالي
ما تحجين
_ساكتة اني ماكو اي رد
_كبرتي وكبر حبج شوي شوي شلت گلبي وخليتج بكاعة، بس الله يدري بية شكد احبج
_اوس
_يآ نفسة وروحة وكلبة وحياتة انتي
_اوس عفيييية
_شنو لينا والله احبج والحسين والعباس ميت بيج
_اوس ما ادري شنو اكلك
_لا تكولين كولشي بس وافقي بية
سكتنة ثنينة كتلة :
_بس اني معتبرتك مثل أخوية
_بس اني مو اخوج اني ابن عمج
_اوس عفية
_شبيح لينا
_اني اعتذر ما مفكرة ولا ١٪ ولا بيوم من الايام انو اني وياك تربطنة هيج علاقة طول عمري معتبرتك اخ ويشهد علية ربي مصرفت تصرف يلفت انتباهك علمود تحبني
قاطعني
_ادرررري ادرررري والله اعرف مايحتاج تكوليلي اصلآ اني احبج لان انتي على طبيعتج احب تصرفاتج حبيت داخلج الطيب گبل كلشي
_اوس عفية والله ما أكدر
_لينا اني مسافر باجر واني منتضرج فكري بية ولا تلغيني من تفكيرج وعلى راحتج عايفج ايمتة ما ترديلي خبر منتضرج عسا ما طولين ٧ سنين ماشي
_ساكتة ما رديتلة
_رايح اني مع السلامه
_الله وياك
سديتة منة ارجف يالله شسوي هذة من كل عقلة يحبني شسوي واني ما مفكرة بي بهل طريقة طول عمري محسبتة اخ شسوي يا ربي، قررت يجي بابا واحجيلة لان ما اضم على شي اني
شفت الساعة ب ٦ نزلت جوة بلشت اسوي عشة واني تفكيري شلون افتح الموضوع وية بابا كملت التبسي والفتوش ومو حاسة على نفسي سويت لبن وعصرت برتقال سويتة عصير صارت با ٧ وعشر دقايق وبابا لحد هسة ما اجة انتضرتة علما اجة استقبلتة وصبيت عشة اكلنة غسلت الماعين و صبيت جاي ورحت يمة قدمتلة آخذة ورحت كعدت مقابيلة يشرب ويتفرج عل تلفزيون صارت الساعة ب ٩ واني لحد هسة محاجية ويا استحي عبالك مسوية شي ورة نص ساعة كالي
_رايح انام
_بعد وكت
_تعبت بالدوام اليوم حبيبتي وجسمي تعبان
_تمام حبيبي اخذ راحتك
_تصبحين على خير
_وانتة بخير
عافني بابا وفات لغرفتة ينام ضليت وحدي فكرة توديني وفكرة جيبني لي ١٢ وصعدت نمت مرت الايام و اوس سافر صارلة ٦ ايام مسافر واني مفتحت الموضوع وية بابا كولش مستحية منة
خابرتة العصر هوة بالدوام الساعة ب 5 كلت اطلع ضايجة انطيتة خبر وطلعت برة البيت شفت سيارتي مركونة مصلحة وراجعة احسن من قبل ، قبل كم يوم جابة الي دعمني وحلف ما ياخذ فلوسة ما شفتة اني طلعلة بابا طلعت وقفلت الباب مريت على مريم صديقتي وجيرانة احنة أصدقاء من الطفولة بس مو لحد احجيلهة أسراري اني بس وية خالتي اشواق وهسة هية ملتهية وية خطيبهة طلعنة للكورنيش كعدنة شوي شربنة عصير وطلعنة للسوك شترينة كم غرض ودك عليهة ابوهة جايهة امهة متخربطة والمستشفى رحت وياهة طلع مرتفع عدهة الضغط خطية ضليت يمهم شوي وتحمدتلة بالسلامة وطلعت امشي بس وحدي ضليت ساعة اتمشة عبالك اكو طاقة سلبية بية ودا اطلعها بلمشي وكفت يم محل بي مري شفت نفسي وأخذت كم صورة يمهة رحت يم شخص يبيع كص اخذت لفة وكعدت اكل كملتهة رحت غسلت ايدي شوي وانداريت انتبهت نفس الشخص من اخذت صورة جان وراية هسة هم هنا مشبهة علي بس وين طلعت من هل مكان وضليت امشي ومن اكو مجال اندار اشوفة بس بحجة غير علمود لا ينتبه واشوفة بعدة وراية يمشي
شسالفة رحت لغير مكان هم بعدة كمت امشي سريع خفت حيل انداريت بعدة اووف يربي هذا شبي انوب لابس مناضر سود ولابس اسود عزا بعيني شيريد واخذتهة دك مشي للشركة مالت بابا ساعة ونص مشيت تكسرت تكسر واخاف اخذ تكسي خاف متفقين يخطفوني هيج فكرت
فتت جوة وباوعت دورتة ماكو ردت التفت والمحة من بعيد عزاااا فتت جوة وصعدت لبابا ركض ردت افتح الباب مقفولة الباب عزا هاي شكو اليوم دكيت على بابا ردلي
_الو
_هاي وينك
_شكو شبيج بنيتي
_باب مكتبك مقفول ليش
_قبل شوي طلعت بنيتي الساعة ب ٧ ليش خو ما بيج شي
_لا بس مريتلك
_بعدج بالمكتب
_يي
_ضلي راجعليج
_انتضرك
سديتة من بابا ورحت باوعت من شباك الممر يمة بعدة هذة عيشني رعب الأفلام الاكشن لمحني من الشباك وخرت عزا شنو هذة
مرت ربع ساعة ودك بابا علية كلي تعاليلي اني جوة بالسيارة نزلت ركض ورحت ويا بابا انداريت ادورة ماكو رايح يمكن وصلنة للبيت واني بعد بية الخوفة بدلت ورحت للمطبخ سويت عشة گليت كبب وزلاطة وبتيتة فنكر تعشينة غسلت الماعين وكعدت يم بابا لل ١١ وكلمن راح لغرفتة شلت موبايل انزل الصورة الي اخذتهة اليوم ستوري دخلت عليهة شفتهة ردت اطلع انتبهت للولد الي لاحكني مبين بالصورة قربت علي والله مشبهة علي بس لابس مناضر وعندة لحية منو انتة اخذتلي صفنة وراهة عرفتة عززززا والله هذا هوة الضابط نفسة الدعمني
دوسر
بس شعندة لاحكني؟
وشيريد مني؟!
يتبع
زمرد البياتي ❤️
أنت تقرأ
وما ذنب قَلبي
عاطفيةرماديه انا بين طهارة الابيض وكبرياء الاسود انا كقطرت المطر في سقوطي انبت نبات جديد بعد انكساري ليحيىٰ من بعدي على شكل صبارة قوية لا يمكنك لمسها.
