🥀🍂!.
----------------------------
روايه:-
وجه نظر
--------------------------------------------------------------
الحلقه الاولى 🥀🍂!.
------------------------🥀رواياتي🥀---------------------------
----------------------"فتاة عادل" 🥀🍂!.---------------------
رهف: رغد رغد نوضي هيا صبح
رغد: باااااهي
رهف ضربتها ع ظهرها: تي نوووضي
رغد: اي ماااااماااااا قولي لـ رهف
اسماء: رهف فوتيها توه انوضلها
رهف: حااضر
بدر: وين الكلبه اختك
رهف: مزالت راقده
اسماء: رااااغغغغغددددد
بدر سكر وذانه: تي وذني
رهف دايره نص اطول منها وتاكل وتهدرز: الحمد الله يلي قاعده معاكم
بدر: كيف تاكلي ومتسمنيش بس
رهف: خمسة في عيونك يا وخيي 😒
بدر: باهي مقلنا شي رااه
اسماء تنادي: رااااغد نوووضي وقت
رغد طلعت: صباح الخير
اسماء: صباح النوورر
رهف: ماما وين هدى
رغد: اي صح وينها
اسماء: نزلت تساعد في عماتك
رهف: علاش انشاء الله
اسماء: ولد عمك وسااام بيروح اليوم
رغد لمعت عيونها: صح امتى بيوصل وساام
اسماء: قالو ع العصر وعيت جدك دايرين عشاء
رهف: وعمتي تعيط ع الصبح الله لا يربحها
اسماء: عيب يا فرخه تحشمي
بدر: والله صدقت فيها يقول تسمع فينا
رهف: اي اكيده تقول يا بنات رمزي انزلن ساعدني
بدر: اي ما تبو شي😂😂😂
رغد ورهف: لا سلامتك
اسماء: لا سلامتك رد بالك ع روحك سلم وليدي
بدر باسها ع راسها: حاضر يا غاليه...وطلع
اسماء: في امان الله
اسماء ناضت من كرسيها: اسمعي يا فرخه انتي وياها مانبيش اي شكوى عليكن
رهف: طول عمري هاديه شوفي رغد
اسماء: لا هاديه بنتي.. واستدعاء ولي الامر يلي له ثلاث اسابيع ومزال ما قلتي حاجه
رهف تشرب في الشاهي شرقت: اي استدعاء يا مراه
رغد تضحك: واااااه
اسماء مسكت رغد من وذنها: وانتي توا تشوفي ع المكياج
رغد: اااي ماما وذني معااد انديره خلااص
اسماء: خمس دقايق نطلع نبي نلقى سفره الفطور مغسوله ولابسات قداامي
رهف دايره بيبي فيس: ماما عيب عليك 🥺
رغد: اي ماما
اسماء: باهي البسن بسرعه ونلقى ذره مكياج ميصيرش خير
رغد مش عاجبها: به
لبسن زي الثانويه ورهف وقفت قدام المرايه
رهف: تعالي رغد ديري من هوا
رغد تلف في وشاحها: شنو
رهف فكتلها الوشاح: نحي الخرا وديري منه واقي شمس وفيه كريم اساس وديري بودره وثبتيه بالمثبت
رغد ادير منه: وماما
رهف: قوليلها واقي شمس وكان خربت الوضع.... مسكت شنطه صغيره وحطت فيها اساسيات المكياج ومرايه صغيره..... هكي نصلحوه الوضع
رغد ضحكت: تحفه اختي
رهف بغرور: اكيده حتني بنت رمزي
اسماء من الدروج: هيا يا فرخه انتي وياها
رغد تلبس في الوشاح: امك خلوقها اليوم في حكيه
رهف ضحكت بصوت عالي: اي
اسماء: رهف شن قتلك ع ضحكت الرقاصات انا
رهف: هيا نزلنا
اسماء بتفنيصه: ترا فسختك انتي وياها
رغد: ها مافيش شي
اسماء: ترا تعالي قربي مني
رغد بتوتر مشتلها: مش دايره شي شوفي
اسماء بتركيز: اركبي. رههههف
طلال: اي شن درتيله
رهف: مسكته عجنته ع بعضه ومسحت بيه ارضيه المدرسه
طلال: قويه بنت عمي
رهف: اي صقع عليك
رهف نفجعت من امها: ءءنعم ماما
اسماء: تعاالي نشوف خلقتك
طلال يضحك: صار وااعره
رهف: نننن ننن 😒
قربت من اسماء: نعم
اسماء: اوقفي قدامي وين وافقه بعيد
رهف: هيا ماما صقع
اسماء تفنص فيها: اركبي
------------------------🥀رواياتي🥀---------------------------
----------------------"فتاة عادل" 🥀🍂!.---------------------
اي اكيد عرفتونا توا
انا رهف توميتي رغد او تؤامي مش مهم مواليد 2003 نقروا ثالثه ثنوي ااي كبرنا 😌 نحن اصغر افرااد العيله انا ورغد نسخه بعض في الصوت والشكل والطول والوزن والملامح الفرق الوحيد رغد عندها نمش واني معنديش ، واني عندي شامه في يدي ورغد لاا
شعري كل يوم لون مش محدد وطويل ورغد شعرها طويل واسود نفس عيونااا واسعات وسود حواجبنا ورموشنا كثاف عندنا نقره الزين وشفايفنا صغار ومنفوخات
قصيرات وعود وبشرتنا بيضه وصاافيه نحن بنات مستهترات ع الاخر وجهه نظرنا للحياه ضحك ولعب
وجو اطلع طول
•لكن هل اتغير وجهت نظرهن ولا تقعد زي ماهي؟؟؟.
عندنا اختنا اكبر مناا هدى مواليد 99م تقرا صيدله وتشتغل في صيدليه وتعطي في خصوصي بيضه نفس نقشنا غير هيا عيونها عسليات وعندها غمازات شعرها طويل ودبدوبه شويه بنت هاديه وتزيدو تعرفوها مع الحلقات
وعندنا اخ واااحد تعرفوه بددر مواليد 95م قااري محماه ويشتغل في مكتب مع صاحبه ومره كويس ومره باارد هو الحق يوقف مع الشي الصح وطيب وحنون لكن وقت الجد جد و البصاره عندها وقت
نقشه ع الاسود عيونه واسعات وسود عنده غمازه في خده اليسار ونقره الزين طويل وعرييزز 😌
خويا طرف ولااا
الموووهيييم
ماما اسماء مواليد 77 مديره قسم شؤون الطلبه الحمد الله مش في مدرستنا الحمد الله 🥺
وووواعره لللنم
بابا رمزي متوفي
نسكنو مع عيت جدي اهل بابا توا اتعرفو عليهم في الحلقات الجاااايه
----------------------------------------
هدى: عميمه كملت تنظيف
غزاله: تمام حبيبي استريحي شويه عشان تجيبي معااي الصالون
هدى: حااضر
سامر: اهلين هدى شن الجو
هدى تشرب في اميه: اهلين تمام وانت
سامر سحب كرسي وقمعز: دوومها انشاء الله...اي شن دايره في الجامعه
غزاله: هدوش وينك حبيبتي
هدى جايه تبي تطلع: نعم عميمه....اهو مزالي سمسترين ع التخرج
سامر مسك يدها وابستم: شدي روحك بنيتي نبيك احسن صيدلانيه
هدى تحشمت ابتسمتله و طللعت
رغد ماسكه رهف واديرله في مكياج: قوليلي
رهف: شنو
رغد: منو احمد
رهف: واحد متعرفه عليه
رغد: عارفته واحد متعرفه عليه مالا واحد تحكي معاه وخلاص من هوا قصدي
رهف: متاع المقصف
رغد: يا عار مالقيتي الا هذا
رهف ضحكت: خيره
رغد: لوزه مزلطه
رهف: المووهيم هيا يا خرا بسرعه
رغد: ها كملت
رهف شافت لي روحها لقتها دايرتلها مسكره واحمر خدود وروج هادي ولمعه وهيا دايره نفس الشي
رهف تلفونها رن: نرد عليه ونجيك اطلعي انتي
رغد: تمام مطوليش
