روايه احببتها رغم انتقامي لها ♥️
الجزء الثلاثون والأخير
جيه أحمد وهو زعلان
سيف/ مالك يااحمد زعلان ليه انت مش فرحان أن ساره هتتجوز
أحمد بزعل طفولي/ اشمعنا هي تتجوز وانا لاء
ضحك الكل على كلامه
سيف بضحك/ اختار انت العروسه وانا هجوزها ليك علطول
أحمد/ انا عايز اتجوز اللي هناك دي
شاور أحمد علي كايلا بنت صاحب سيف
أحمد/البت دي قمر اوي يا سيف انا عايز اتجوزها
انفجر سيف من الضحك
نور بضحك/ يابني فكر في مذكرتك مش تفكر في الجواز
أحمد بزعل/ مليش دعوه انا عايز اتجوزها
سيف/ خلاص متزعلش تعالى معايا
نور/رايح فين يا مجنون
سيف بضحك/ استني هتشوفي
راح سيف عند صاحبه سلم عليه الأول وكده
همس احمد جنب ودنه/ يلا يا سيف انت لسه هتسلم عليه خش في الموضوع علطول
ضحك سيف جامد على كلام أحمد
سيف بضحك/ بقولك يا مصطفى ينفع كايلا تقعد مع احمد شويه
مصطفى بضحك/ ماشي يا عم خليهم يفرحو شويه
اخد سيف كايلا وقعد معاها بعيد
(عايزه اقولك يا أحمد ليك مستقبل باااهر 😂😂)
جيه وقت كتب الكتاب
كان سيف وكيل ساره
سمعت ساره الجمله المشهوره " بارك الله لكما وبارك عليكما وجمعا بينكما في خير"
كانت مبسوطه جدا فاقت من شرودها على حضن مراد لها
مراد/ مبروك يا احلى واجمل ساره في الدنيا كلها
ساره بعشق/مبروك علينا يا حبيبي مكنتش عايزه اقولك الكلام ده غير وانت جوزي انا بحبك جدا يا مراد انت اول واخر حب في حياتي عمر قلبي ما هيدق لحد غيرك يا حبيبي
مراد من فرحته حضن ساره ولف بيها
صقف الكل ليهم وبداو يباركو ليهم
رهف بمرح/ مبروك يا مرات اخويا خش في حضن اخوك يا فواااز
ضحكت ساره على هزار رهف وحضنو بعض
رهف بمرح/دا احنا هنعمل كوكتيل عظيم
مراد بغضب مصطنع/ يابت روحي سيبيني مع مراتي شويه
رهف/خلاص مشينا اهو اوعدنا ياااارب
✨✨✨✨✨✨✨✨
أحمد/ابقى تعالى هنا كتير يا كايلا
كايلا/ ماشي هبقا اجي كتير عشان اقعد معاك
أحمد/ يلا نرقص معاهم
كايلا/ يلا
كان الكل مبسوط وفرحان خلصت الحفله والكل مشي
سيف بمرح/ راحه فين يا ساره لسه الاحتفال بتاعنا مخلصتش
ساره بعدم فهم/ اللي هو ازاي يعني
سيف/ دا احنا هنغني ونرقص وهنخربهاا
ساره بفرحه/ اشطاااا
شغلو اغاني تاني ورقصو تاني
كانت ساره مبسوطه خالص ورقصت معاهم كتير وجابو مديحه رقصت معاهم وسعاد كمان ونور كانت مبسوطه وبترقص معاهم
سيف بمرح/ ياجماعه الرقص مش كده
الكل/ امال ازاي
سيف/ كده
رقص معاهم سيف وهو مبسوط جدا وسطهم فضلو وقت كتير بيرقصو مع بعض وبيغنو مع الاغنيه وملك وأحمد كانو بيرقصو معاهم كان جو عائلي جميل جدا
أحمد بغضب/ مش كنت تجيب كايلا معانا
سيف بهزار وهو ماسكه من قفاه/ ياض اسكت بقا ياض وانا في سنك كان طموحي المذاكره واكون شاطر مش شبهك طموحك الجواز والصياعه
أحمد بضحك/ يا عم مفيش احلي من الجواز والاستقرار
سيف بصدمه/ انتو كنتو بتعلموه اي الواد عندو ٨ سنين وبيفكر في الاستقرار والجواز
سعاد/ سيب الواد يفرح شويه
سيف/ غور ورايا وانا اوريك الصياعه اللي على حق
صقف أحمد وقال بمرح
أحمد/ اشطا عليك يا شاغلهم 😂😂
سيف بقله حيره/ أمشي يا آخره صبري
طلع كل واحد على أوضته بعد الهيصه اللي عملوها في البيت
✨✨✨✨✨✨✨✨
سيف/ اليوم النهارده كان جميل
نور/ فعلا كان يوم تحفه
قام سيف اخد نور
سيف/ تعالى هنا كده يا بت وانت حلوه كده
نور/ يا سلاام
سيف/ اه والله قمرر حته شوفي
التهم سيف شفتاها بشغف كبير
وذابو في بحور عشقهم
✨✨✨✨✨✨✨✨
كان سيف بيروح مع نور علطول الدكتوره وحبه ليها بيتضاعف واتاكد انو ميقضرش يعيش من غيرها هي الحاجه الوحيده الحلوه في حياته ونور بتحاول تنسى اللي حصلها اصل مش معقول في يوم وليله هنتسي كل اللي حصلها كده بس هي حبت سيف جدا وهي مش حابه انها تفتكر اللي حصلها تاني وسيف إنسان كويس وهي بتحبه جدا جدا ومنظره ضيفهم التالت بفارغ الصبر لأن البيبي ده هو اللي هيقضر ينسيها الماضي
ومراد رجع شغله عشان اخد اجازه كتيره وكل يوم حبه لساره بيزيد كل يوم بيتاكد انو اختار البنت صح
✨✨✨✨✨✨✨✨✨✨✨
والايام جريت والنهارده فرح ساره ومراد كانو كلهم محتاسين كلهم عايزين يجهزو بسرعه مديحه هي اللي كانت بتلبس أحمد وملك ونور كانت بتجهز نفسها وسيف كان بيشوف القاعه وكل حاجه جاهزه ولا لاء
(كانت نور لابسه فستان بيبي بلو منفوش عشان بطنها متكنش باينه وكانت لابسه طرحه نفس لون الفستان وتاج رقيق يليق على الطرحه وميكب خفيف جدا)
طبعا أحمد لابس بدله عشان يروح يشقط البنات 😂😂
وملك لابسه فستان منفوش قصير
نور / يلا يا ماما عشان سيف جاي يأخذنا
مديحه / انا وسعاد خلصنا يا نور
جهزو كلهم وكانو في انتظار سيف
دخل سيف وانبهر من جمال وحلاوه نور
سيف بغمزه/ قوليلي بس يا ماما هما الحوامل بيحلوه ولا اي
سعاد بفرحه/ هي طول عمرها حلوه يابني
سيف/ والنبي قمر
نور / يلا يا عم روميو هنتاخر لولا أن رهف مع ساره انا كنت مشيت من بدري
انتظروني في البارت التلاتين الجزء التاني ♥️
بقلمي الاء عوض
