أول نفس❤️+18

الجزء الثاني

حور ...نزل حمزه صوره اول منزل انطيته اعجاب وتعليق وردلي حسيت بأحساس فضيع حسيت كلبي راد يوكف من الفرحه معقوله هيج احبه
طبعا اداوم وبان ملاحضه عليه هواي اصفن ومتغيره عليها
حمزه...كضيت كم يوم يم اهلي بس اشتاقيت لبغداد وحياة بغداد رجعت لدوامي وحياتي الطبيعيه اخلص دوامي واطلع ويه اصدقائي رجال سنكل حياته طبيعيه طلعت بالليل ويه جماعتي  ونضحك ونسولف
حور...قررت اليوم ادخل خاص واحجي وياه دزيتله مرحبا شلونك...مر يومين ومارد على المسج مالتي
بان...شبيج حور احجيلي اني اختج مو صديقتج حجيت لحور واني ماكدرت اسكت من البجي اسكتي حور هسه الكالج اني حل
حور...حالتي حيل بدت تتعب حسيت هو عايش بكل لحضه وياي
بان ...حور كومي لكيتلج حل
حور...اكو واحد يخابر بهل وقت
بان.. اي اني كومي عندي خطه اول مينزل صوره علقيله تعليق مستفز وراح يرد عليج وانتي ردي عليه اوك
حور ...عجبتني خطه بان وانتضرته ينزل صوره وكتبتله همزين موجود سناب يعدل الوجوه ههههه شوي ورد عليه لاا الحمدلله احنه حلوين من الله
حمزه...نزلت صوره وره ثواني اجاني تعليق مستفز هاي شبيهة ثول الي والله ثول
حور...رديت عليه مبين سناب تره
حمزه...دزيتلهة خاص صورتي بدون تعديل كتلهة شوفي حلوو من الله
حور...دخل خاص ومتت ودز صورته رديت عليه ما شاء الله صدك حلوو😁وضحكت
حمزه... مادري ليش دخلت عليهة خاص يمكن لان دوام وضوجه ودنيه ظهر وملل هم
حور ...بعد محجيت شي ضل بس ينزل شي اعلقله وهو يرد واني هم من انزل يعلقلي وتغيرت نفسيتي وصرت انتضر شوكت ينزل بوست ومره نزل صوره حادث سياره استغليت الموقف ودخلت خاص وسألت عليه ورد بسرعة وضلينه نحجي واخذتنه السوالف لصبح وماحسيت بالوقت نهائيا
حمزه...دخلت البنيه عليه وجنت كاعد على النت وجاوبتهة واخذتنه السوالف لصبح السوالف وياهة حلوه عبالك مال جهال من تحجي هههه
حور...حجينه هواي بس من حجينه ماكو شي انطيته حقيقة خفت لاا اسمي ولاا عمري ولاا اي شي ماعرف ليش خفت وهمزين مانطيت كلشي صدك طلع الي ويانه اخوه عززا جان نفضحت
حمزه ...رجعت تعبان من الدوام نمت وطلعت ويه جماعتي رجعت مادري ضوجه كلت خلي احجي ويه هاي البنيه كالت اسمهة هند
حور ..دخل حمزه عليه بالانستا
حمزه ...شلونج هند اخبارج مختفيه صار يومين ان شاء الله بخير
حور...طبعا وره شوي رديت جنت اساعد ماما الحمدلله اني بخير وانت شلونك اخبارك واخذتنه السوالف وحجالي عن نفسه واهله شوي بس هو كلش ثكيل بالكوه يطلع الحجي
حمزه ..اني اروح انام تعبان عود نكمل سوالف غير مره
حور...او هند اوك تصبح على خير
حمزه..وانتي من اهله
خور...ضلينه نحجي فتره شهر تقريبا وصرنه يوميه نحجي لازم وطلب يشوفني وهنا جانت الصدمه خفت كلش ماعرف ليش
حمزه...صار شهر نحجي طلبت اشوفها حسيتهة خافت او رتبكت واني حتى صورتهة ماطلبت ماحب هل سوالف بس حبيت اشوفها لان حلوه سوالفهة حبيت اشوف هل شخص على الحقيقة ومجان بداخلي اي شي تجاهة موزين لان مبينه فطيره وكلشي متعرف بهل حياة
حور...حسيته ضاج من كتله لااا وقلل حجي كلت لبان مقبلت اشوفه حتى كالتلي هواي عايشه امال وياه وهو متعرفي ويجوز كلشي جذب يحجي ومن ولد هل وكت ضجت من حجت عليه هيج رجعت لبيت وكتله اني موافقه اشوفك باجر الظهر بكذا وقت اني احبه واخاف اخسره
حمزه...شفتهة دازه رساله وكاتبه موافقه وكاتبه الوقت والعنوان مارديت بس كتبت اوك ودازه رقمهة لان اني مجان عندي رقمهة
حور ...كلت لماما راح اتاخر بالمعهد عندي محاضره وطبعا كعدت يمكن 4 ساعات اجهز روحي ومن رحت لمعهد كلت لبان بالرغم مقبلت بس ساعدتني اعدل روحي واخذت تكسي ورحت لمطعم الي كتله عليه هو كلش قريب على المعهد بعد شارع بس من التوتر مابيه امشي كعدت انتضره واحس كلبي راح يوكف بحيث من اجه النادل يسألني شنو اطلب جفلت من الخوف طلبت كهوه وبس
حمزه..بدلت وكشخت اروح اشوفهة المكان قريب على معهد اخويه علي طبيت دكيت عليهة سمعت رن جهاز بينه كاعده على الطاوله تقربت كتلهة مرحبا هند موو جاوبت نعم
حور...دخل لان جانت عيني متفارك مدخل المطعم ودك عليه وتقرب وكالي هند كتله نعم اجه يغمى عليه ماعرف ليش
حمزه ..كعدت بنيه طفله عبالك سمره بس حلوه شعرهه حلوو مرتبه حلو منسقه الالوان بس مرتبكه الى درجه بحيث مارفعت راسهة واذا ترفع راسهة متباوع بعيوني
حور...متت معقوله هو كدامي واحله من الصور بالحقيقة وصوته يجنن خشن رجولي ومن يحجي يبتسم شوي يبوو يموت
حمزه...شنو مجوعانه انتي نطلب غده ااني جوعان
حور ..اوك نطلب وطلبنه الاكل
حمزه....تحجي بالكوه وكل شوي موكعه شي من شده الارتباك بس شكلهة حلوو يضحك عبالك طفله صغيره
حور...وبهل وقت يصير شي مامتوقعته ابد يجي اخوه علي
علي ..شفت حمزه كاعد ويه وحده واركز هاي حور معقوله حور كلش فقيره ومؤدبه شجابهة على حمزه رحت سلمت عليهم
حور ..اتقرب واجه سلم علينه وصدمني من كال هلو حمزه
حمزه...محسيت غير علي سلم علينه كتله شجابك هنا
علي ...خلصت دوام وكلت اجي اخذ اكل منا لان قريب على المعهد مالتي وباوعت على حور وسلمت عليهة شلونج حور
حمزه....من كالت شلونج حور نصدمت وباوعت عليهة هي اجتي تخرب يعني مو اسمهة هند
حور ...من كال اسمي باوع حمزه عليه بنضره عزززا كتله زينه الحمدلله
علي ..شلونج بالامتحان
حور....زينه الحمدلله
علي ...يله اني اترخص خلي طلبي اخذه اصدقائي ينتضروني
حمزه...اوك اخويه دربالك على نفسك
علي ..اوك اخوي
حور...وجان يندار عليه ويبدي ياكل بهدوء وكال اي ست حور كملي شنو جنتي تحجين
حمزه...راح علي وبالكوه لزمت اعصابي اني بكد قطف الجكاره كالتي تضحك عليه لاا والله جنهة سويج سيارتي تجذب عليه لاا واني حلو اسمج وجميل بديت اكل ورفعت راسي وكتله اي ست حور هي مصدومه مثل الثوله
حور ....اني اني اسفه بس خفت اكلك الحقيقة خفت يعرفني اخوك والحمدلله مو عرفني شافني هم بديت احجيله من اول وجديد كلشي
حمزه ...بدت تحجي الحمدلله كلشي اعرفه عليهة صار شهر جذب اياا كطف جكاره تمشيهن عليه شهر اكل وداخلي يفور كل متكمل حجي
حور...اني احجي وهو ياكل مارفع راسه غير بس كم مره كملت وهو ضل ساكت طلع جكاره يدخن ويباوع عليه
حمزه...طلعت جكاره واباوع عليهة كتلهة شنو زعطوط كدامج مثلا باعي لو اريد شي منج تره اخذه واني الممنون مو مسويتلي هل حركات متريديني اعرف منو انتي الانثى الغامضه مسويه روحج تره اكدر اعرف كلشي عليج فهمتي لو لااا
حور ...من حجه وياي هيج وكالي الانثى الغامضه صدك نزلت دموعي وماكدرت كتله اني اسفه وكمت بسرعة
خابرت بان وكتلهة انتضرج بمكان بعيد شوي عن المعهد وجتي وضلت تهدء بيه
حمزه ..طلعت بسرعه وتبجي شنو هل زعطوطه دفعت الفلوس وطلعت
حور...رجعت لبيت ضليت بس ابجي وسبوع ميدز شي واني استحي ادز شي وكمت من اشوف علي احاول ادير وجهي من الفشله
حمزه...اختفيت بشغلي جانت اكو عصابه لزمناهة وتحقيق حتى منزلت لبيت ولاا نمت هل سبوع