وصصللوا بيت عبدالله دخلوا كلهم
محمد اول مادخل ع طول راح فوق شاف عبدالله نايم:باااااابباااااا
عبدالله نش من نومه استغرب انه في حد يناديه بابًا وشافه محمد حضنه ع طول : هلا هلا حبيبي هلا بحبيب باباته
محمد: اييي ميثثثث يووو توماتث
عبدالله ابتسم له وباسه ع راسه :ههههه اممموااح تنام عند باباتك هاااا
محمد ع طول انسدح عدال عبدالله ونام عبدالله لاحظ انه محمد تعبان حط ايده ع يبهته شاف مافيه حراره لكن بعده ويهه يوحي انه تعبان تم حاضننه فتره طويله وعقبها قرر ينزل لأنه استغرب بوجود محمد نزل تحت شاف الريم وشهد ومشاعل
شهد حبت تنتهز الفرصه وتتدلع عند عبدالله:فديييتتت اخويه الي توه نااااششش شهالبيجامه الحلوه منو شارلك اياهااا هااا حبيبي ليكون الي كنت بتاخذها
الريم ماعبرتها طنشتها: تعرفين شو مشاعل مب شي الدلع الماصخ وانتي من فوقج لين تحتج مصفره جنج من التلتابيز
شهد :تقولج احلام الشامسي تبي عدوك يحتتتررر ألبسله اسسففررر
الريم سوا نفسها تكح : لوسمحتوا اختكم ف اي عصر عايشه
عبدالله استانس يوم شافها تسولف مع شهد :ههههه قبل كل كلمه نفس الثانيه اليوم مناقر هههه
الريم ماسوتله سالفه وراحت صوب سهيل اقعد وعبدالله حط ايده ع رقبته وعرف انها ماتبا تشوفه ولاشي
الريم عند سهيل قعدت وحطت ريل على ريل: اففف تعرف شو سهيل
سهيل: هلا طال عمرج
الريم: احسني كنت وايد ف المانيا هنيه ناس شايفه عمرها مثل هذا الي مسمي نفسه زوجي والثانيه اخته الي تكون زوجة اخويه ع اساس يعني السوسه هاذي دلوعه ييععع ماطيق هالاشكال
سهيل:هههههههه هم عيال عمي
الريم: ههههههههه للاسف طلعوا عيال عمك الله يعينك الصراحه
الا ويدق الجرس بدخول اختهم حصه وكان عندها شنطة كبيره كلها ملابس
خوانها انصدموا انها يايبه اغراضها
شهد مسكتها : ليكون قصدج بهاشي
حصه نزلت راسها: هيهه اسففه
شهد: تستهبليييننننننن تبين ابويه يودينا ف داهيه اتمنى تستهبلين
حصه قامت تصيح سمعها سهيل وطلع من الغرفه وقعدت الريم بروحها ف الغرفه قالت يمكن عندهم شي خاص انا مايخصني
دخل سهيل عليهم وشاف بنت عمه حصه الي اول مره يشوفها
حصه قامت تصيححح : لااا تلوموني ابويه حرمني من كل شي حياتنا صارت ولاشي ثلاث سنين محرومه من دراستي المفروض احين مستجده ف الجامعه اخذ امتحانات هالكورس لكن عشت ف ظلم ياخواني ف ظلم امي صار كل همها شكلها وزينتها ماتوقف عزايم. كل يوم عزيمه ولا ابويه ابويه كله ف الدوام وهمه بس لفلوس ينقص درهم عذب الموظفين الي عنده واخويه زايد اخخخخ ياخويه ابويه ضيعه ضيعه اعتدى على بنت عمي شعيل وخذها بالغصب لكن تتحسبون ابويه عداها على خير خلاها ماتشوف الدنيا من عقبها ماشفناها لا نعرف هي حيه ميته ماندري عنها وعمي شعيل صار يعادي ابويه ولا جنهم خوان وزوجته صارت تسوي وايد اشياء من ورا عمي عشان رضى ابويه ويزيدها فلوس بما انه عمي شعيل بدا يفلس واظن هي وابويه متفقين عمي يطلق زوجته وياخذها ابويه تدمرت عايلة آل ضبيان بإيدهم صار ماعندي صديقات ولا حد اواسي ضيجتي معاه ياخويه طلبتك خلوني اعيش معاكم واجه ابويه لو مره وحده بس
عبدالله حضنها ومسح ع شعرها :ماعليييهه انا بساعدج كم حصوصه عندي
الريم دخلت عليهم شافت الموقف ونزلت دمعتها ماقالت شي على طول روحت اما سهيل قاعد يسمع ومصدوم من الخبصه الي صايره ف عايلتهم انصدم اكثر انه فيه ناس ثانيه ف عايلتهم من صدمته تكلم بدون مايحس بنفسه: وانا كل الي ف بالي انهم بيتغيرون
خلاص البيزات لها أولوية بدال عيالهم ماعرف لين متى بيعيشون بهالطريقه مادري ليش مايتعلمون من عمومتي الباقين
حصه خازت من حضن عبدالله: ها اخويه شو بيصير فيني ؟؟
عبدالله : بتقعدين هنيه وبخليج تكملين حتى دراستج دامج ييتي عند اخوج العود اطمني حبيبتي انتي لا تخافين من اي حد حتى ابويه انا ماقولج استوي عاقه ع ابوج لا بالعكس مهما كان بعد ها ابونا لكن انسيه
حصه ابتسمت: ان شاءالله
الريم كانت ف الحجره عند محمد شافته نايم ماتكلمت راحت غرفة الملابس وطلعت الي ف خاطرها هناك كل الي ف بالها البنت الي حضنت عبدالله هي نفسها البنت الي كانت تتكلم عنها شهد تفكيرها راح وايد بعيد
أنت تقرأ
قلبي الاناني
Romanceقصة حب عبارة عن انانية القلب مثل ماتقول اذا بغينا نفترق بنفترق لكن قلوبنا تحب تتملك احياناً وصعبه اذا كان يوم من الايام القلب اناني (تم التعديل عليها في أشياء كانت غلط وعدلتها)
