جَعلتي لحياتي ربيع

مشهد

منذ عرفتك وانت لا تتوقف عن كونك افضل ما حدث في حياتي

______

گاعدة بالگاع وادية ورجلي مربوطة وعيوني ساديهة بقطعة قماش وحلگي سادي بلاسق صارلي يومين بهل حال ميتة من العطش من ايمتة انطاني شخص مي بجعب البطل شربة الي من دون ما يوخر القماشة الي على عيوني، وجوعانة احس راح افقد الوعي يا ربي انتة ارحم بحالي والله اني مالي ذنب بالدا يصير، كاعدة وحدي اني الاخاف من الوحدة والضلمة هسة اني بيهة احس گلبي راح يوگف من الخوف المكان هدوء بس صوت كلاب تنبح بعيدة وهوة عالي برة وحدي وافكر بأهلي هسة شنو حالهم من افتقدوني وما رجعت من المدرسة صارلي يومين غايبة عنهم يدرون بية مخطوفة شلون اذا ما هدوني هذولة وأهلي راح يستقبلوني يا ربي ساعدني يا الله بجاه حبييبك محمد يا رب يا اللّٰه طلعني منهة سالمة مجتمعنة تقليدي اني سامعة مرة وحدة انخطفت من رجعت ل اهلهة قتلوهة بحجة غسل عار وهية ما آلهة اي ذنب رجعت دعيت ربي ينقذني من الي اني بي احس عيوني تعبن من كد البجي ورة مدة وغفيت بين الخوف والرهبة والجوع والعطش ورة ساعات فزيت على جرة ايدي شخص دا يحاول يخليني اوگف بجيت وصرت احاول ادافع عن نفسي صار يجر بية واني امشي گوة وصيح علية
يمعودة يلة فضيني امشيييي
بس ابجي واصرخ طلعني برة ركبني بصندوك السيارة وسدة علية وحرك السيارة ومشة بية احس روحي راح تطلع عبالك بقبر ومقيدة بجيت وبجيت وينك يابة مدللتك راح تموت

________________
حابسني بالغرفة صارلة اسبوع مجايني اتهسترت رحت للباب ادك بي كل قوتي واصيح
ووووينك تعاااااال
احد يطلعننننييي منااااا
والله راح انتحررررر اذا محد اجاني
طلللللعونيييي
استمريت اصيح وادك عل باب إلى أن تعبت كعدت بالكاع حضنت نفسي وبجيت آآآآآآه حيوانة مشمورة بهاي الغرفة محد يعرف عني شي اهلي حسبالهم ميتة صارلي سنة من انخطفت رجعت ابجي وابجي هوة شعندي غير البجي ورة ساعة سمعت طكة قفل الباب رفعت راسي ودموعي تارسة خدي فتح الباب ودخل
دخل سجاني الظالم
تقرب ونزل راسة يباوعلي واني اباوع بالفراغ الگبالي

ليش اصيحين ها
عفتني

شتريدين مني

اريد ترجعني لأهلي

علمود يقتلوج

يقتلوني احسن ما اضل عايشة هنا

مستحيل اخليج ترجعين لاهلج انسيهم

شتريد مني اريد افهم شتررريد

ساكت ما ردلي

اني ادري بيهم يسألوك اسمعهم يكولولك ليش ما قتلتهة مثل البقية ليش خليتني ليش ما قتلتني

راح اعوفج و اروح

كمت ولزمتة من ايدة لا تروح وتعوفني عفية

اندارلي وصارت عينة القاسية بعيني المليانة دموع وكتلة

لا تعوفني أمانة اني احبك

________________
هلو بنات قصتي هاي قصة حقيقية ان شاء الله ابدي انزل بيهة من اخلص تنزيل قصة"وما ذنب قَلبي" ومبينة القصة من المشهد شنو نوعهة كُلش حلوة وبيهة عبرة تستفادون منها ان شاء الله

زمرد البياتي ❤️