မြောက်ပိုင်းကပန်း တောင်ပိုင်းကိုနမ်း [Season1]

Extra(4)

“ကုဋေကြွယ်..မင်းသားကိုမင်းဖျက်စီးနေတာလား”

“ဖျက်စီးစရာလား..သူကြိုက်ရင်ခေါ်ထားပေးလိုက်ရုံပေါ့ အိမ်ပေါ်တင်ထားမှာလဲမဟုတ်ပဲ”

ညားလာတဲ့တစ်လျှောက်လုံး ကုဋေကြွယ့်ဘက်ကအော်ပြောဖူးတာ ပထမဆုံးအကြိမ်ပင်။

မနက်ကနောက်ဖေးမှာ ဟင်းချက်နေတုန်း
လုံးလုံးကိုကုဋေကြွယ်နဲ့ခဏလွှတ်ထားလိုက်တာကို။ကလေးကိုမကြည့်ပဲ အိမ်သာကိုသွားတာ ကလေးကလမ်းပေါ်ထွက်သွားပြီး
ခွေးပေါက်တစ်ကောင်ကိုယူပြီးပြန်လာတော့
အဖေနှစ်ယောက်လုံးကလန့်သွားရတယ်လေ

“အဲ့ခွေးကိုလက်ထဲကအခုချ လုံးလုံး”

“ဟွန့်..ဟင့်”

“မငိုနဲ့..မင်းယောင်္ကျားမဟုတ်ဘူးလား”

“သားကိုအဲ့လိုမပြောနဲ့လို့ ကိုယ်မပြောထားဘူးလား မြတ်မောင်”

“ပြောမှာပဲ..မင်းကကောကလေးတစ်ယောက်လုံးကိုတောင်မကြည့်နိုင်ဘူးလား
အိမ်သာသွားရင်လဲ မြတ်မောင်ရေ သားကိုခဏကြည့်လို့ မပြောတတ်ဘူးလား
ပျောက်သွားရင်ဘယ်လိုလုပ်မလဲ”

“ဘယ်လောက်မှမကြာလို့မပြောတော့တာပေါ့”

“ဘယ်လောက်မှမကြာတဲ့အချိန်မှာ မင်းသားကထွက်ပြေးသွားတာလေ”

တစ်ယောက်နဲ့တစ်ယောက်အပြစ်တင်ပြောဆိုနေတော့ လုံးလုံးကလဲငိုနေတော့သည်။

“လုံးလုံး..ခွေးကိုပေး”

“ဟွန့်..ပေးဖူး”

“မင်းမြတ်‌မင်းမောင်! ဖေဖေစိတ်မတိုချင်ဘူး”

“အွန့်..ဟင့်..အူး..ဝါး!”

ကုဋေကြွယ်ကပဲ လက်ထဲကအဝါရောင်ခွေးပေါက်လေးကို အောက်သို့ချလိုက်ပြီး
လုံးလုံးကိုကောက်ချီကာ လက်ဖမိုးမျက်ရည်တွေသုတ်ပေးသည်။ခွေးကိုကောက်ယူလိုက်ပြီး ခြံပြင်မှာသွားပစ်မလို့လုပ်တော့ လုံးလုံးက ငိုယိုပြီးတားနေ၏

“ပေ..ပေ မလုပ်..ပါနဲ့ အင့်ဟင့်..အူးဝါး”

မြတ်မောင်ခြံပြင်မထွက်ရသေးခင်မှာပဲ
သတိုးနဲ့စစ်နိုင်‌ကရောက်လာခဲ့သည်။