.
.
.
في المستشفى
دخلت الدكتوره نوره مكتبها و ك العاده تجهزت لبست المريول الابيض و طلعت تاخذ لها كوفي وهي ف الطريق شافت وحده من المرضى تحاول تطلع بدون ماحد ينتبه لها
الدكتوره نوره ب استغراب :- مب كنها رحمه
نوره تقرب منها :- رحمه!!
المريضه رحمه بخوف :- بسم اللهه
الدكتوره نوره :- شو تسوين هني ع وين
رحمه وهي تحاول ترقعها :- بروح اتقهوى
الدكتوره نوره وهي فاهمه قصدها :- امم اوك بروح وياج
المريضه وهي معصبه :- مين قالج انج ربيعتي عشان تين وياي
الدكتوره نوره وهي توقف :- اممم اوك مابي معاج
بعد ما بعدت رحمه منها ب شوي دقت نوره ع الامن
الدكتوره نوره :- لو سمحتو شددو ع كل المخارج و انتبو زين اذا كان في مريضه تبا تطلع
بعد ماسكرت راحت خذت لها كوفي و توجهت لمكتبها تخلص اشغالها
في المدرسه عند ملاك
المس :- السلام عليكم
البنات :- وعليكم السلام
المس تشوف وحده نايمه ع الطاوله ولاهمها شي :- مين النايمه (وبصراخ ) ياابنت
ملاك وهي ترفع راسها من الطاولهه و بصوت شبه عالي :- مزعجيينن ماتخلون حد ينام حراام فيني نومم
المس وهي فاتحه كل عيونها تحاول تستوعب شو تقول ملاك :- هااه شو قلتي
وحده من البنات الي بيمب ملاك :- ملاك هاي المس تكلمج
ملاك بعد ماستوعبت :- اوهه مس سوري مادريت عنج
المس وهي معصبه :- طلعي برع
ملاك تقوم :- شكرا مس بروح انام برع مشكوره انج متفهمتني لانه صدق فيني نووم
المس :- عند المديرهه بسرعههه
ملاك ب ابتسامه :- ان شاءالله ( وتطلع)
فالبيت
مهره قامت و راحت غرفه امها شافتها تصلي ف تريتها لين تخلص
مزنه بعد ماخلصت شافت مهره :- هلا مهره
مهره ب ابتسامه :- كيف حالج امي
مزنه :- الحمدالله انتي اخبارج
مهره :- الحمدالله امم امي تعرفين اني احبج واايد صح
مزنه تطالعها بنضرات :- شو تبين قولي
مهره تضحك :- امم ابا اروح عند احلام و منوى
مزنه :- ممنوع
مهره :- اميي بليييز
مزنه بتسال :- شو عندج هناك
مهره :- ماعندي شي بس ابا اروح مليت فالبيت
مزنه بهدوء :- طلعي برع بنام و روحه مافي روحي غرفتج كملي نوم
مهره بتافف :- اووك
فالمستشفى
الدكتوره نوره قامت و قررت تروح تشوف المرضى
وهي فالممر صادف شافت واحد من الدكاتره الي تعرفهم ووقفت تسلم
الدكتوره نوره ب ابتسامه :- سلاام دكتور
الدكتور احمد ب ابتسامه :- هلا دكتوره وعليكم السلام
الدكتوره نوره بتسال :- وينك من زمان ماشفتك
الدكتور احمد :- ابد والله ماخذ اجازه و توني اول يوم مداوم
الدكتوره نوره :- ايواا خلاص بينا عقب بكمل شغلي
الدكتور :- بالتوفيق
لفت الدكتوره مكمله طريقها الا وتسمع صوت مب غريب عليها
،،،،،،:- ما شاء الله مطيحه الميانه ويا كل حد
الدكتوره نوره لفت و انصدمت بوجوده :- شو تسوي هني ؟؟
خالد بستهزاء :- شو يخصج؟ بعدين عشان جي كنتي تشتغلين
عشان ها ( وهو ياشر ع الدكتور احمد ) شو دكتوره تحبينه؟؟؟
الدكتوره نوره منصدمه بجرائته وكيف يتكلم وياها :- خيير خاالد شتبي
خالد وهو يقرب منها :- ابدد ييت زياره وكشفتج انتي تبين تفضحينا صح ؟
نوره عصبت :- خالد كلمتك ب احترام ف غصبا عنك تحترمني بعدين مين انت اصلا عشان تكلمني
خالد بضحكه :- مين انا ههه قريب تعرفين ( ويروح مكمل طريقه)
عند احلام
وهي يالسه فمكتبها تحل بعض القضايا الي صارت لها شوي ويدق فون المكتب
احلام وهي متنرفزه ( ياللهه فااضيهه انااا) وترد :- الوو مرحبا
المتصل :- السلام عليكم اختي
احلام بهدوء :- وعليكم السلام
المتصل :- محاميه احلام؟؟
احلام :- هيه امريني
المتصل :- اختي باجر لو فاضيه اييج ابي موعد يعني
احلام وهي تشيك ع مواعيدها :- تمام تعالي من العصر بكون فاضيه و اترياج ،،.
بعد ماسكرت المكالمه قامت و راحت تخبر المدير عقب خذت اغراضها و ردت البيت ( خلص شغلها)
عند نوره
ردت مكتبها وهيي معصبهه و اخلاقها صفرر شوي وتدخل الدكتوره شمه ب ابتسامه
الدكتوره شمه :- شفتتججج واللهه
نوره تطالعها بستغراب :- شفتيني ؟؟
الدكتوره شمه :- معاااههه هذااك الحلوو
نهايه البارت ...
ان شاء الله عجبكم ، لاتنسون تعليقاتكم تهمني ❤️
أنت تقرأ
2020
Randomهايي قايز روايتي اليديده 🥰 احداث الراويه معاصره للواقع الي يالس يصير حاليا ، 2020 ، السنه الي كل حد كرهها و منتضر تخلص بسرعهه السنهه الي ضحاياها كثرت السنهه الي انكتبت وتوثقت في تاريخنا الي راح تنحكي للاحفاد و تتعلم ف المدارس بطله روايتي اسمها (...
