احببت_متوحدا🌹

18

18
تحت سقف واحد صححوا علاها و رانية و عبير حتوا غناية ماجدة الرومي طلي بالابيض يا زهرة النيسان قلبها ولا يدق خايفة لا ميقبلش و يصيرلوا كريز حست بيد شدتها غزرتلوا فهمت من عينيه لي هوا يحب يشطح معاها شدتوا من يدوا تعلم فيه كيفاه يشطح معاها تعدات سهرية هايلة قعدوا علا طاولة العشاء يحكيوا و يضحكوا و بعد متعشاوا مشات مرام و اكرم لبسوا سبور و هزوهم للمطار باش يمشيوا لتركيا هكا مرام حبت كادوا من سي زياد و مدام خديجة
-عيش بنتي اكرم امانة عندك
-باهي طا تهنا عليه
-مرومتتي باش تخليني وحدي
-رنييوش حتى اني شنتوحشك جمعتين و نجي 😍😍
-شيخ اروحي و صورلي كوريش ههههه
-هههههه باهي يا روحي
طلعوا لطيارة ركبتلوا السبتة و ريڨلت أمورها شدتلوا يدوا بدأت تطلع الطيارة كبستلوا علا يدوا غمضت عيناها خايفة استقرت الطيارة تلفتت تلقاه راقد ناوي يهبلها بزينو تنهدت غزرت للشباك سرحت في المنضر زعما يجي نهار يحكي و يحبها يجيبوا ثمرة لحبها مزيج ليهم قعدت تخمم لين جاها نوم و رقدت فاقت كان علا صوت المضيفة الي الطيارة هبطت فيقت اكرم و خرجوا فرحانة و اخيرا حققت حلمها و زارت اسطنبول
خرجوا للمطار تلقا الشفور يستنى فاهم بعثوا سي زياد ركبوا و هوا حط الفاليزات و مشاوا الوتيل لقاوا كل شي حاضر هزوا المفتاح و مشاوا للبيت دخلت نضمت دبشها و دخلت دوشت لبست روبة خفيفة و طويلة خرجت تلقاه راقد طلعت بحذاه و رقدت اول مرة تكون مرتاحة حل عينيه بشويا يلقاها راقدة فوقوا شاف الوقت يلقاها 16h حب يبعد علاها بشوية أما فاقت بيه حلت عينيها تبسمتلوا قدم باسها قعد يغزرلها و هيا هايمة مش حاسة بشي