السلآم عليـكم ورحمة الله وبـركاته ..
اُقدم معزُوفتي وفتاة قلِبي الاولىْ ..""
" أنت كنزٍ ما يضيّع و سرٍ ما يذاع ".
.
.
أنت لا تعيش في حكايتك الخاصة فقط ٫أنت جزء من حكايات أشخاص آخرين ٫في أحدها أنت أخ وأخرى صديق وغيرها مُنافس وفي كثير منها شخص عابر أو ربما فقط خرجت في مشهد لثواني وأنت صامت وفي كُلٍ منها لك شخصية مُختلفة في نظر صاحب الحكاية وتختلف تماماً عن شخصيتك في حكايتك الخاصة.
.
في كافتريا احّدى جامعآت الرياض ' _جامعة الملك سعود بن عبدالعزيز "طيب الله ثراه "
جلست بسرعه وفتحت جهازها اللوحي تكمل مابدات بكتابته في هدوء المكان ومع اصوات الاكواب والملاعق وصوت اناملها على الكيبورد انتهى بعد ما قالت الاخرى بعد ماجلست : تدرين ؟ العلاقة الي مليانه ضحك هي أجمل العلاقات فعلا احس بفقد للعلاقه ذي ابغاها وبعدين انتي ٢٤ ساعه عع اللاب وش تسوين بالله ؟؟ كم ولد كلمتي وريني اشوف (وقمزت لتلقي نظره على شاشة الابتوب ")
قاطعتها بطلتنا ضاربه بكفها على الطاوله ومقفله شاشة الابتوب :احترمي عزلة البعض المؤقته ، ورغبتهم بالإبتعاد عن الأخرين ، ولا تكثري الظنون أو تصدري الشكوك ، فجميعنا نحتاج إلى خلوة صادقة مع النفس
ضحكتت صديقتها بسخريه: شدعووه وراكك قالبه احمد شوقي؟ ترا ماردكك الا النـور بـنت محمد لارحتي ولا جيتي !
النور رشفت رشفه بسيطه من قهوتها المفضله وقالت ساخره: فعلاا لارحت ولا جيت بس يكفيكك فخر بنفسي وانجازاتي
كوني تاركه بنات هالجامعه كلهم ومرافقتك !. هذا لحد ذاته انجاز ويحسب من صالحك ياستاذه انفال
رفعت انفال حواجبها بصدمه ؟ : ثقتكك لو اوزعها على نصف السعوديهه زادت عندك خبر ؟
النور بعوابه: ومازاندي الا عز واصرار ومهابه بعدين ويت ويت ( وحركة يدها بفلسفه ) الوقت راح ولازلتي تقرقرين على مخي يا اجلسي واكرمينا بسكوتك ! يا فارقي وقومي وسعي علي
قالت انفال بضحكه سخريه وهي تلعب بكوب عصيرها : ودي امسكك بخيزرانهه وافردها على جلدك لين تعرفين تتجاهلين كبريائك ذا الي ماوراه الا الثقه الي على قلة سنع
ودت النور بابتسامة ثقه :حبيبتي قومي قومي لا اوريك كبريائي وغروري وثقتي صحح
وفتحتت لابتوبتها واقتبست ببرنامجها المفضل بصفحه بيضاء ناصعه وبدت تلطخها بسواد احرف كلماتها قائله فيه وبابتسامه شيقه:
ليس لدي متسع من الوقت حقاً لـ أحمل بعض من ذاك الكبرياء الذي يمارسة متغطرسوا هذا الجيل الفاسد الحمقى، أمتلك نوعاً شاذاً وفريداً من الكبرياء ..نوعاً دكتاتوريآ ليس سائداً عند الجميع..فهو من صنع فكري الناضج..الناضج الذي ظل يحترق على نار هادئةٍ..لوقتٍ طوووويلٍ حتى نضج ستشعر بهالةِ كبريائي..ستشعر بحضوري الطاغي كلما مرت على عيناك إحدى حروفي..
كمن يحاول قلب الطاولة على شخص لا يأكل إلا بالأرض،
عبثاً هو كل ما تفعلونه،لإسقاطي.،
قفلت لابتوبها بعد ما ضغطت نشر لكتابتها الجديده تحت عنوان " فتاة النُور " بابتسامه داعبت ثغرها شربت قهوتها ووقفت واخذت شنطتها وكتبها وبيدها الاخرى لابتوبتها بعد ما ارسل لها السائق انه وصل :
.........
........
في احدى احياء الرياض الراقيه :
جالس على كرسي بالحديقه امام ملحق البيت ويدخن بشراسه ويكلم بالجوال قاطعهه دخول ٣ بنات جايين من جامعتهم : لحظه ي احمد برجع اتصل عليك (قفل جواله ووقف وراح يمشي للبنات بعد ماوقفهم بنظراته رفع عينه لهم وحده وحده ) اممم انفال و النور وثرى ؟
النور نزلت نظارتها باستحقار : عفوا شتبي موقفنا بعز القايله؟
ناظرها من فوق لتحت وحذف دخانه بشكل مقزز وداس عليه وضحك وبانت ثناياه الصفراء : اوقفكك بالوقت الي ابيه مالك شي عندي ولا (غمز لها وباستحقار ) يافتاه النور ؟
رفعت حاجبها بتحدي:
..
...
.
.
صلو على خير الانام!!
اذكرو الله بكرة واصيلا
اول بارت من روايتي البسيطه اتمنى تنال اعجابكم
"توقعاتكم
مين الي كلم النور؟
قرابة انفال والنور؟
كبرياء النور وعزة نفسها وين بتوديها؟؟
فمان الله نشوفكم بموعد ثاني 🤍
