- انا في محطة القطر انتي فين ؟!
- انا لسه في الطريق
- طب بسرعه متتأخريش
- حاضر حاضر
نزلت من التاكسي بسرعه وبصيت لوشوش الناس برهبه واخدت شنطتي وجريتي بسرعه عشان الحق القطر بس لاخر لحظه كان مشي ..
بصيت ليه بعد ما بعد ودموعي نزلت بعدت عن الرصيف وقعدت علي المقعد وعيط ..
ليه مبنحسش بمرارة الحلو الا لما ناكل منه كتير
مكونتش في يوم من اللي بيبعدو ابداا يا اسيبهم يبعدو وانا اتألم يا استمر ..
كان دايما بوصلة حياتي اللي بيوجهني لطريقي كان بياخد بإيدي ويمشي معايا في طريقي..
كان بمجرد ما يلمس ايدي بحس بالحنان والدفا وامان الغربة ...
........................
- صدقيني مش هتلاقي حد يحبك اد حبي ليكي
ابتسمت بخجل وبعدت عيني عن عيونه بس هو مد ايده ومسك وشي بين كفوفه وبصلي في عيوني
- مش عايزك تهربي من نظرة عيوني عايزك دايما تقرأي وتشوفي كل اللي عيوني بتقولهولك وتظهرهولك
- يعني هتفضل علي طول جمبي
ابتسم وقالي وهو بيأكد علي كل حرف
- هكون دايما بوصلة حياتك انا بس اللي هاخد بايدك
.............................
بلعت مرارة الذكري وانكمشت علي نفسي وانا ببص للناس حوليا وافتكرت دايما حسناء لما كانت تقول
- البشر هما الكائنات الوحيده المؤذية على الكوكب
هما البشر فعلا اسوء من اننا نطلق عليهم وحوش
انا اضعف من اني احط معتقدات للعالم اللي بره تفكيري انا ابسط من اني اذي حد بمجرد كلمه
- نوور
بصيت ورايا وكانت ندي جريت عليها واترميت في حضنها وعيطت عيطت من قلبي علي نفسي عيطت اني في يوم كبرت وسيبت ايد ماما او بابا وبقيت بمشي لوحدي عيطت اني اضعف من ان حد ساب ايدي ومبيحسسنيش بالامان عيطت اني لما كبرت وبقيت بمشي من غير ما امسك في ايد بابا اللي بتتحسسني بالامان لما اختلط بالبشر ولما اليوم اللي جه وساب ايدي حطتها في ايد اكتر كائن مؤذي .. حطيت ايدي في ايد بشر من بره العالم اللي انا عايشه فيه ..
- ممكن تهدي
- انا كنت خايفه اوي
- انا اهو موجوده معاكي يلا بينا نتحرك عشان نلحق الندوة
هزيت راسي ومشينا سألنا علي معاد تاني للقطر وكان بعد ساعتين وكدا هنتأخر فخرجنا من المحطه وركبنا تاكسي ومشينا
سندت براسي علي ازاز العربية وبصيت للطريق
اد اي اختلاطي بالبشر شئ صعب بمجرد انك تتكلم معاهم اصعب من انك تقول مجرد كلام ..
اوقات كتير بنحس اننا غريبين عن بعض في نفس الوقت اللي تكون فيه اقرب ما يكون من الشخص دا بس فاجأة بتتغرب عنه وبتحس نفسك اول مره تعرفه او تشوفه ...
- نور بتفكري في اي ؟!!
- مركبتيش القطر لي ؟!!
- عادي عارفه انك مش هتلحقي فقعدت برا استناكي وكذا مره ارن فونك مكنش فيه شبكه فمركبتش
- واي اللي اكدلك اني مركبتش
- شئ من جوايا قالي انك غاوية فرهده
ابتسمت ورجعت بصيت للطريق وبرد الغربة بدأ يتسلل جوايا ويحسسني بالوجع
...............................
- تعرفي مر اد اي علي معرفتي بيكي
- حوالي شهر او اقل
- شهر و خمس ايام و ١٢ ساعة
ابتسمت وانا بحتوي مج القهوة بين ايديا عشان يدفيني
- انت اذاي كدا ؟!!
- اللي هوا اذاي ؟!!
- اذاي حاسب الوقت بالتدقيق دا
- لان اللي بيحب بجد بدقق في التفاصيل مهما تكون صغيره بس بتفرق معانا بحب افتكر كل دقيقه وانتي كنتي موجوده فيها معايا وماليه بيها حياتي
ابتسمت وانا ببص لبعيد عن عيوني بس رجعت بصيتله تاني لما سحب ايدي واحتواهم بين كفوفه
- بحبك يا نور وصدقيني يا نور انا هعمل كل اللي اقدر عليه عشان اسعدك وتبقي في حضني
ابتسمتله وانا حاسه بصدق كلامه ابسط حروفه بتلمس قلبي بحس بدفا كفوفه في عز البرد هوا اذاي قدر يقلب كياني وحياتي كدا لمجرد انه دخلها
.............................
- نور يلا وصلنا
بصيت حوليا وكنا فعلا وصلنا ورجعت بصيت لندي
- احنا وصلنا بالسرعه دي اذاي
- سرعة اي يابنتي دا احنا بقالنا ساعه ونص في الطريق يلا انزلي
نزلت ونزلنا شنطتنا ودخلنا الفندق
- استني انتي وانا هخلص كل حاجه وجيالك
- ماشي
قعدت في الاستقبال وانا ببص حوليا وجود البشر وحكم التعارف والاختلاط بينا شئ مؤكد بس حكم الخداع والمكر والكدب شئ اكتر من اساسي اننا نحس بيه ..
قرأت جمله قبل كدا بتقول " احيانا يكون الانسان جاهل بأمور الدنيا الا عندما تختلط به خيبات البشر ومؤثراتهم في ترك اثار الكذب والخداع بين ثنايا روحنا فأحيانا تكون صفقة البشر مع الدنيا يعتمد علي وجود الحزن وترك ندوبه علي قلوبنا بوضوح "
- يلا نطلع ونجهز عشان نلحق الندوة
- خلصتي كل حاجه
- ااه يلا نمشي
مشيت معاها وانا حاسه بإن فيه خنقة كبيره جوا روحي وجعاني وجوده في حياتي وانه كان بيستغل ادق التفاصيل في رسم الضحكه علي وشي كان سبب اني اتوجع في بعده بعد كدا كان شبة جمله دايما بترن في ودني " بدأ بذكري جميله ... وانتهي بكابوس مرعب "
...........................
- يا ندي مش لاقيه الفون بتاعي
- تقريبا يا نور كدا موجود علي الترابيزة
خرجت بسرعه وانا بدور عليه وفعلا لقيته واخدته ومشيت بسرعه بره القاعه ورجعت البيت وبعد فتره كنت برمي نفسي براحه علي السرير وماسكه الفون وبحاول افتحه الا انه مش بيفتح وعليه باسورد وانا فوني معلهوش باسورد ودا اكتر شئ سئ فيا
حياتي بسيطه مافيهاش اسرار عشان احميها
او بمعني اصح انا اللي شيافاها بسيطه حياتي روتينيه ابسط حقوقي علي نفسي حتي مش حاطه ليها امان
سيبت للبشر ثغره في حياتي او بمعني اصح سايبه بوابة حياتي مفتوحه عشان يخشو بسهوله ويتلاعبو بيها
شوية والفون كان بيرن واستغربت انه رقمي اللي ظهر
- الو
- انا صاحب الفون اللي مع حضرتك انا اسف شكل فونتنا اتبدلت
- اه مافيش مشكله طب ارجعهولك اذاي
- كافيه **** لو عارفاه اقابلك بكري فيه
- تمم بكري الساعه ٩ هكون موجوده
تاني يوم كنت نزلت وروحت الكافيه قعدت وبصيت لوشوش الناس ..
فيه تمازج غريب اوي بين البشر كلنا كوكتيل في بعضنا اختلطنا ببعض في حاجات كتير اوي صفاتنا .. كلامنا .. حبنا ... كرهنا وووو بس فيه نقطه جوانا متحكمه في كل حاجه ليها علاقه بترابطنا ويمكن اكتر شئ بيخرج مهزوم من اي معركه بنخوضها مع البشر سواء صداقه .. حب وغيره
- الو
- اسف اني اتأخرت انا واقف قدام الكافيه ممكن بس تشاوريلي لما ادخل
- اوك
شوفت حد دخل وشاورت فهو هز راسه وجه عليا وعلي وشه ابتسامه هاديه وجميله جدا
- اهلا
- اهلا بحضرتك اتفضل
قعد قدامي وانا ابتسمت لما اخدت بالي ان عيونه ملونه ولونها بلون البحر وهدوءة
- تشرب اي
- قهوة مظبوط
شاورت للنادل وطلبت قهوة مظبوط ليه ونسكافيه ليا وبعدها بصيتله وابتسمت
- اسف جدا علي التأخير
- عادي ولا يهمك اتفضل فونك
مديت بايدي بالفون ليه وهو اخده مني وابتسم
- ممكن فوني
- ااه اتفضلي
- شكرا
- اسمي شهاب
- نور اسمي نور
- اتشرفت بمعرفتك
- انا اكتر
جه النادل حط القهوة ليه والنسكافيه ليا ومشي بصيتله وانا ساكته وهو ابتسم
- اسف علي التطفل بس ياريت بعد كدا تحطي علي فونك باسورد
للحظه قلبي اتقبض انه يكون دخل علي الفون وفتش فيه وهو تقريبا حس باللي انا فكرت فيه
- انا اسف جدا اني تطفلت علي فونك بس متقلقيش مفتشتش في خصوصيتك
- تمام
هزيت راسي وبعدها وقفت وجبت شنطتي وحطيت الحساب
- بتعملي اي
- بحط الحساب عشان امشي
- طب احترمي وجودي طيب
ابتسمت وانا ببصله
- انا اللي عزمتك
- خلاص مردوده
- ان شاء الله عن اذنك
مشيت ورجعت البيت وجوايا احساس غريب بيحببني في الكذا لحظه اللي قضيتهم معاه
فيه حاجه حلوة من جوا بتجذبني ليه هدوء ورزانته و خفيف الظل والروح فيه حاجات كتير اوي انا مشتركه معاه فيها او بينا تجاذب في الصفات دي
...............................
- نور يلا نمشي
فوقت علي صوت ندي وبصيت حوليا لقيتني في الاوضه في الفندق وقاعده
حسيت للحظه اني رجعت بالزمن وحسيت في ذكرياتي كل لحظه مريت بيها معاه
من فرح لحزن لعتاب لابتسامه لحب لكل تفصيله صغيره
" صعب اننا نرجع بالزمن
بس سهل اننا نجري بيه لقدام "
بلعت مرارة شريط الذكريات اللي برمج نفسه علي انه يعيش في دوامة الوجع علي طول وحكم علي قلبي بالاعدام الابدي انه يعيش علي الفراق والعتاب والوجع النفسي والجسدي بصيت لعيون ندي بتوهان وتقريبا حست بيا
- نور صدقيني انتي بتوجعي نفسك وبس عيشي عشان نفسك لمره عيشي ل نور مره من يوم ما بعد عنك عيشي وشوفي حياتك
ابتسمت بمراره وبعدت دموعي وانا بقول
- لو بايدي اعيش بدون وجع لنفسي تفتكري اني هقدر مختارش الوجع ؟!
- ولي لاء
- الوجع هوا اللي بيختارنا مش احنا اللي بنختاره
مشيت وخرجت من الفندق وندي مشيت جمبي بصمت و ركبنا تاكسي وكسي علي روحنا صمت اشبه بصمت الاموات بصيت لتاني مره للطريق اد اي بقيت بحس ان الفتره اللي بتمر في حياتي بقت اطول من اني اعيش فيها كست علي روحي الملل وانا في وسط حروب مع البشر شئ جوايا بيقولي اني ابسط من اني اعيش جمب ناس مكتوب علي وشوشهم الخداع
..............................
- شهاب متقولش كدا ارجوك
- لي بس ؟!!
دموعي نزلت غصب عني واتشبثت في ايدو بخوف وكإني طفله خايفه تسيب ايد ابوها لتوه في الدنيا لوحدها
- عشان بحبك متتخيلش بمجرد اني افكر انك في يوم هتسيبني بحس بأي انا روحي بتضيع مني وبتوه في الوجع لمجرد اني افكر
ضغطت علي ايدو وانا ببص لعيونو اوي
- فكر فيا فكر في حبي يا شهاب ارجوك ارجع عشاني وبس
ابتسم بحب وسحب ايدو من بين كفوفي اللي متشبثه فيه ومسح دموعي واحتوي وشي بين كفوفه وبيبصلي بحب
- صدقيني انا مستاهلش كل الدموع دي
- بجد انت شايف كدا ؟!! شايف انك فعلا متستهلهاش !!
باس كفي وضمهم لحضنو وابتسم
- لو هتعيشي في عذاب بسببي كدا واكون انا سبب نزولهم فطبعا مستهلهمش
- طب وانا !! انا فين من كل دا بتفكر في وجعي وبس ومبتفكرش في قلبي !!
- نور صدقيني حبيبي انا بعشقك بجنون بس دي مش بايدي مش انا اللي بتحكم في حياتي
بصيتله ودموعي عرفت مجارها واتحول من مجرد دموع لبكا بشهقات
- انا اسف اسف اسف ممكن متبكيش عشان خاطري
ضمني لحضنه وانا بعدت عنه بسرعه ومشيت
مشيت وانا بلم في خيباتي المتتاليه
الدنيا دايما بتفوقنا علي انها مجرد نزوة كلنا مجرد كذبة كلنا عايشين في كابوس اكتر من مرعب
...............................
- انسه
فوقت من تفكيري في كل لحظه في حياتي بستغلها اذاي واتفنن اني استرجع الذكريات واحطم نفسي بنفسي بتفكيري فيه
- نعم حضرتك بتكلمني انا
- ااه
- خير
- الكارنيه دا وقع منك
بصيت للكارنيه وكانت بطاقة التعريف بتاعتي اخدتها منه بهدوء وشكرته ومشيت
دخلت القاعه اللي هنحضر فيها الندوة وندي كانت سبقتني ودخلت
دخلت وقعدة في الصف الاول بصيت حوليا وبدور بعيوني علي ندي وملقتهاش حسيت بقلق ورعشه خوف اتملكت مني
" احيانا النزاع الداخلي لروحك بيكون اكثر صخب ودمار من اي حرب عالميه "
- نور
- حضرتك تعرفني
- طبعا انا عز كنت معاكي في الجامعه انتي فكراني
- احم لاء الصراحه انا مش واخده بالي
- ولا يهمك انتي اخبارك اي ؟!!
- تمام الحمدلله
- في.....
جه يتكلم بس الندوة بدأت وهو بصلي
- نتكلم بعدين
هزيت راسي ولسه بلتفت كل شوية حوليا ادور علي ندي الا انها مظهرتش
مر وقت الندوة وخرجت بسرعه برا القاعه ادور عليها وشوفتها خارجه من القاعه بتجري عليا
- نور كنتي فين دورت عليكي كتير جوا
عيوني دمعت لما افتكرت لحظات الخوف والرعب اللي حسيت بيها لمجرد انها سابتني
- حبيبتي خلاص ممكن تهدي
- ندي يلا نرجع انا تعبانه اوي
- يلا
رجعنا الفندق ودخلنا اوضتنا وغيرت هدومي ونمنا او بمعني اصح ندي نامت بس انا النوم هجرني
بعد فتره من الصخب اللي جوايا قومت وطلعت البلكونه و بصيت للسما واتنهدت بحزن وانا بغمض جفوني
محمد طارق كتب في مره
" المؤسف إنني لم استطع الدفاع عنك مرة أخرى، فـ كلما قلت " هو ليس بهذا السوء"، قالوا " إياك أن تنسى ما فعله بك"، لقد خذلتني وهزمتني أمام الجميع وأمام نفسي . "
فتحت عيني علي ايد حسيتها علي كتفي وكانت ندي
- اي اللي مصحيكي
- مش عارفه انام
- التفكير فيه عذاب
- بقاله سنه وخمس شهور و اسبوعين و تلت ايام و ١٥ ساعة
حسيت بضغطه قوية علي ايدي بصيت لندي وشوفت معالم الصدمه علي وشها
- ممكن تفهميني اي دا ؟!!
- اي ؟!!
- نور حبيبتي انتي لازم تروحي لدكتور نفسي
ابتسمت بمرار وبصيت قدامي
- كان دايما يقولي اللي بيحب بجد بيدقق في اقل التفاصيل اللي بتجمعنا باللي بنحبهم وكان دايما يحب يعد الثواني بينا
سمعت شهقه وبصيت لندي كانت حاطه ايديها علي بؤقها وبتبكي بشهقات
قربت مني ومسكت وشي بين كفوفها
- حبيبتي صدقيني دا اسمه عذاب عشاني انا روحي لدكتور ممكن ترتاحي
بعدت ايديها عن وشي وابتسمت ليها ورجعت بصيت قدامي
لي الكل شايف الحب جنون .. شايف ان الواحد لما يهتم بالتفاصيل جنون .. اللي بيحب فعلا بيتجنن ؟! ... انا فعلا حبي ليه جنون ..
...............................
- نور
- نعم
- بحبك
- شهااب
- يا عيونو وقلبو وكل دنيتو
- بحبك
- انا مش عارف انا اذاي لحد دلوقت مكتبتش الكتاب
ابتسمت وبصيت بعيد بس هوا خلاني ابصله ولما بصيت لعينو غرقت في موجهم بيسحبني للاعمق وانا ابسط من اني اتعمق في محيط وانا مش بعرف اعوم دا شئ يفوق قدرتي سيطر عليا بتفاصيلو
- هتفضلي تحبيني علي طول
هزيت راسي وانا بأكد علي كل حرف
- هحبك للابد وما بعد الابد
- وانا هحبك للنهايه وما بعد النهايه
- شهاب هتفضل جمبي علي طول
- علي طول
- هتاخد بايدي صح ؟!!
- انا وبس يا نور انا وبس
كابوس الذكريات مبينتهيش ولا بتنسي وبيوجعنا بس منقدرش نستغني عن جزء من الذاكره اللي هوا شاغله جوا عقولنا ...
القلب بيبقي مستعد يعيش علي مراره ووجعه بس ميقدرش اني يمحي اي ذكري خاصه بيه ..
...........................
- هنرجع بكري يا نور
- ارتاحي انتي يا ندي وانا شوية وهدخل انام
- ماشي
ابتسمت ودخلت وانا بصيت لطيفها لحد ما اختفت
ندي صاحبة سند .. جدعه .. طيبه .. حنينه .. هادية .. فيها حاجات كتير اوي تخليني اسند عليها لما اققع بس مهما يكون الصاحب قريب منك وبيفهمك عمر ابدا ما حد هيحس بوجعك الا انت .. محدش هيقدر يفهمك الا انت .. مهما نكون محتاجين بنتكلم ونشرح عن اللي جوانا الا ان اللي بنقوله وبنخرجه بيكون جزء بسيط جدا من اللي جوانا واللي حاسين بيه وفي النهايه محدش هيوصل لنقطه الوجع اللي انت وصلتلها
كنت قاعدة في الكافيه وفتحت كتاب ل محمد طارق وعيني وقعت علي جمله " لم أعد أنتظرك.
- تقصد أنك لم تعد تشتاق لي!
- لا, مازلت أفتقدك ومازلت اشتاق وأحن لك؛ لكن شيء بداخلي انطفأ نحوك، اقتنعت أخيرًا أننا لن نلتقي أبدًا "
ابتسمت علي الجمله وحبيتها بس عمري ما افتكرت في يوم اني هحس بمرارتها ولا هنول جزء منها عشان احس بيها واعنيها بجد
............................
- ارحمي يا حبيبتي انتي موراكيش غير محمد طارق غيري ياروحي
- اتأخرت لي ؟!!
- اسف حبيبي بس غصب عني
- عليك غرامة تأخير
غمزلي بعيونو وابتسم
- انت تؤمر يا جميل
ضحكت وانا بحط الكتاب علي الترابيزة قدام
- شهااب
- حياتو
ابتسمت وانا بمد ايدي وحطيت هدية قدامو
- كل سنة وانت طيب يا حبيبي
ابتسم بفرحه ومسك كفي وقربو منه وباسو وبصلي بحب
- انتي عندي بمليون هدية ويكفي وجودك في حياتي ويخليكي ليا يا حبيبتي
- طب افتح هديتك
- انا هديتي بين ايديا بدعي ربنا يخليهالي
ابتسمت وانا بضم كفي التاني لكفه
- طب ممكن تفتح هديتك بقي
- حاضر
بصيتله بحب وهو بيفتحها بحب تفاصيله الصغيره ابتسامته الهاديه كل حاجه فيه بتوقعني في غرامه
دعا ربنا يخليني ليه ونسي يخلي لنفسه نصيب من الدعوة ويخليه هوا كمان ليا ..
احيانا لما منعرفش اقدارنا بتكتبلنا اي فبندعي بجزء صغير ومنطمعش بس انا كنت طمعانه فيه هوا كمان ليا ..
فتح العلبه وخرج ساعة فضه اوريجينال
- كل سنة وانت معايا
- ربنا ميحرمنيش منك ابدا
- عجبتك !!
- انتي بتسأليني ؟! .. جداا اي حاجه منك ولو بسيطه عندي اغلي حاجه
- ثواني
- رايحه فين
- مش هتأخر
- اوك
دخلت المطبخ بتاع الكافيه وجبت السرفيز اللي حطين عليه التورته وروحت عليه
- سنة حلوة يا جميل
وقف وهو بيضحكلي وانا بضحك وبغني وفيه ناس كتير كانو موجودين وشاركونا
قرب مني وباس جبيني وضمني لحضنه
- بحبك بكل معانيها
- شهاب خلاص الناس بتبص علينا
بعد عني وبص لعيوني
- انا مش عارف كنت عايش اذاي من غير وجودك في حياتي
- طب ممكن يلا تقطع الكيك
ابتسم ومسك كفي وهو بيقطع الكيك واكلني
وانا بصيت لعيونو وابتسمت وهو بيضغط علي ايدي بحب وكإنه بيقولي مش هسيبك ابدا
.....................
حسيت بوجع في كف ايدي
فتحت عيني بشويش وقفلتها وفتحتها تاني وشوفت ندي قدامي
- ندي
- انتي كويسه حاسه بأي بيوجعك
- مافيش انا كويسه
- طب الحمد لله
اتعدلت وبصيت لايدي ولقيتهم موصللي محلول
- اي دا حصل اي ؟!!
- صحيت من النوم الصبح بدري لقيتك قاعده في البلكونه جيت اشوفك لقيتك سخنه وبترتعشي فطلبتلك الدكتور وقال عندك سخنيه وهبوط في الدورة الدموية عشان مأكلتيش فعلقلك محلول
هزيت رأسي وافتكرت الحلم الجميل اللي عشته معاه حسيت بكل حاجه انفاسه وريحته ولمساته وصوته وابتسامته وضحكته ونظره الحب اللي في عيونو عيشتها وكأنها حقيقه
- انا هروح اجيب اكل عشان تتحسني وهنسافر بكري علي ما تكوني ارتاحي
- تمام
..........................
- فاكرة اول مره كلمتك فيها
ابتسمت وانا ببص لعيونه
- كنت مسجل رقمك عندي ومسجله قلبي وجمبه قلب
ضحك وانا كمان ضحكت
- ضحكتك حلوة خليكي علي طول بتضحكي
- وخليك دايما سبب ضحكتي
- طول مانا جمبك هخليكي دايما مبسوطه
- شهاب انت اذاي بتتفنن تخليني مقدرش اعيش من غيرك
- ودا شئ وحش ولا حلو
- طبعا حلو جدا .. هترجع امتي
اتنهد وهو بيضغط علي كفي
- شهرين بالكتير
- طب وكتب الكتاب
- مضطر نأجله
دمعه نزلت مني غصب عني
- هترجع اكيد صح !!
- هرجع يا نور هرجع صدقيني
- وعد !!
- وعد
بصيت لعيونه واول مره احس بخوف ورهبه جوايا من اللي جاي وحسيت بيه بيضغط علي كفي فبصيت لعيونه وشوفته بيطمني بيهم وبهمس قالي
- بحبك يا نوري
ابتسمت للاسم المحبب اللي بيقوهولي وحاولت اطمنه
- عايز اجيبلك فستان كتب الكتاب قبل ما اسافر
- لسه بدري
- عايز اختاره بنفسي واشوفك فيه
هزيت راسي وخرجنا سوا وروحنا المول وجابلي كذا فستان اجربه
- بس يا شهاب دا مجرد كتب كتاب مش لازم فستان ابيض يعني
- عايز اشوفك بالابيض
- شهاااب بليز مش لازم علي الاقل يكون سورية
- ياستي انتي مالك انا اللي هدفع ادخلي يلا
بصيتله باستعطاف وهو لفني وذقني ذقه بسيطه يدعمني اتحرك
دخلت وخرجت كذا فستان ومعجبهوش
- لاء بجد تعبت حرام كدا واي المشكله في اللي لبستهم
قرب مني وهو بيضم وشي لحضن كفوفه
- حبيبتي مش عايزك تلبسيه ويكون مجرد فستان عايزك ملكه عشان في اليوم دا هتكوني ملكي
ابتسمت وانا ببصله اد اي بيثبتلي كل مرا اختاري الصح ليه بيحببني فيه اكتر واكتر تخطينا مراحل الحب ووصلنا للعشق والجنون لادق التفاصيل
- حاضر يا ملكي هكون ملكه ليك انت وبس
- طب يلا جربي دا
اخدته ودخلت وعجبني جدا لبسته وخرجت
بصيتله وهو للحظه شكيت انه مش واخد باله
بس لقيته بيقرب عليا من غير ما بيتكلم وباس جبيني
- جميلة يا نوري حلو اوي يا ملكتي
- عجبك
- فوق ما تتخيلي انا شايفك فيه اذاي
ابتسمت ومسكت كفه
- وخليني انا كمان اختارك بدله علي ذوقي
ابتسم وهز راسه وانا دخلت غيرت الفستان واخدناه ومشينا علي محل بدل رجالي
- دي حلوة اوي يا شهاب
- اممم فعلا
- يلا جربها
- ماشي
وقفت شوية استناه وهو خرج بالبدله كان اوسم ما يكون فيها بالجاكيت الاسود والقميص الابيض والكرافيت اللي حوليه ومش عارف يربطها
ابتسمت وانا بقرب منه وبعدت الكرافيت وعدلت القميص
- كدا احلي
- بجد !!
- جدااا
- تمام هاخدها عشانك
خرجنا وركبنا العربية وهو بيوصلني البيت
- هتسافر امتي
- الفجر ان شاء الله
- تروح وترجعلي بالسلامه
مسك كفي وباسه وهو بيبتسملي وكانت ابتسامته لاول مره احس انها اجمل من كل مره
- يخليكي ليا يا نوري
نزلت ورجعت شقتنا وانا جوايا شئ بيوجعني اوي
..........................
- يا نوووور
انتفضت بفزع وانا ببص حوليا وشوفت ندي
- خير فيه اي ؟!!
- بقالي ساعتين بصحي فيكي وانتي مش بترودي فقلقت قومي يلا عشان تاكلي حاجه
- ماشي
اتعدلت ومسكت المعلقه وبدأت اكل وحاسه بمرار الاكل في بؤقي حاسه الاكل جامد ومش راضي يتبلع ..
- هتنامي يا نور
- ايوة يا ندي هرتاح عشان اصحي بكري نمشي
- تصبحي علي خير
- وانتي بخير
الواحد ابسط حل عنده عشان يهرب من وجعه وحزنه ينام بس حتي في نومي بيطاردني ك كابوس بيعيشني كل لحظه بحس الزمن بيرجع بيا لورا هوا اذاي عشان مسيطر عليا كدا مازال مسيطر ...
وجوده في حياتي كان اكتر شئ بحبه ..
محمد طارق قال مره
"
ولقد مررت بـ ليالي كنت أقول لنفسي " غدًا ستنتهي هذه الفترة الصعبة " أكررها كل يوم حتى اكتشفت إنني تجاوزت فترات مختلفة من التعب دون أن أستريح..
