الدهان الإسود

مرض العصر

عرفت كتير في حياتي

محبتش حد فيهم

فكرت انت غير

طلعتي فرد منيهم

ع العموم القطر ماشي

و الدروس مبتنتهيش

حبك كان فيروس فاشي

بإستئصاله أكيد هعيش

مش هنسى عيونك السود

هحلمهم في كل كابوس

المشترك بين كل صاحب

المصالح و الفلوس

أبويا قالها حكمة

نفسي ثم نفسي

كنت صغير مش فاهمها

كله عشان الكرسي

مرض العصر التكنولوجيا

ادمان مالوش علاج

اعراضها اكتر من خبيثة

شافها مرة الإيدز هاج

وصفوا جيلنا بالغباء

طبعا ما هو ماسكين الألة

العصبية طبع فينا

أكمل ولا مش محتاج كمالة

"A.E"