البارت الاول
بيت هادئ اول متشوفوا مـن الخارج تحسون الهدوء و الجمال و مـن تدخلون للبيت تثبت أنــو احساسكم صحيح بـس احساس الهدوء ميطول للاسف
صوت صياح مـن الطباق الثاني
لـك حقيرررررررر
ينزل الحقير اقصد حسن مـن الدرج يركض و هـو يلهث مـن السرعه و يضحك بنفس الوقت و مـن يشوف ابو يوكع نفسه بالكاع
حسن : اخخخخخ بابا الحكلي هــاي بنتك شمرت المزهريه على رجلي
ابو حسن (عادل) كاعد ؏ الكرسي و حاط اللابتوب كباله و لابس نظارته الطبيه و يشرب القهوه الصباحيه مالته و مـا داير بال للصياح و العركه الي دتصير يمه
تنزل مـن الدرج و هـي عصبيه و منكعه و شعرها الاشكر يتطاير وراها و توكف يم الكرسي الي كاعد عليه ابوها و هـي تصيح
لينا : بابا علـيك الله كُلـه كااافي ولله مشبعانه نوم حرام عليه ولله
لكن لا حياه لمن تنادي ابو حسن ؏ كعدته مـا حرك ساكن
حسين وهو يغمز ل لينا : شفتي بعينج خو مـا دايرلج بال حتى متتلوكين بعد اله
لينا بزعل : بابا دا تسممعه انـتتتت
وفجأه يضرب عادل الميز بايده حتى يسكتون
عادل وهو يباوع ؏ اللابتوب بتركيز : عوفوا سوالف الزعاطيط هــاي و تعالوا شوفوا هــاي الحاله
حسن يكمز مـن مكانه و يركض بصف ابو و لينا توكف بصف حسن ويشوفون الحاله الي كال عليها ابوهم
لينا : هــاي المريضه رقم ١٩ مـــو
عادل وهو يباوع ؏ الشاشه : Ⴢ̤Ι هيه
حسن بجديه : بابا تـرا انـي مـن البارحه كتلك يحتاجللها عمليه
لينا وهي تباوع لحسن : لـيش مـنو كلك ؏ الفكره يالذكي
حسن وهو يجر لينا ويخليها جوه ايدها : دنجبي و خلي نسمع رئيس الاطباء شيكول
عادل بانزعاج : انتو لو بـس تسكتون حتى افكر اكون بخير
حسن وهو يخلي ايده ؏ حلك لينا وهو يباوعله ويأشر على حلكه بايده أنــو تسكت و تسكت لينا لانو يدرون ابوهم مـن يشتغل يكون انسان كُلـش جدي و ميحب احد يزعجه بشغله
عادل وهو يكوم مـن مكانه و يسد اللابتوب و يمشي لغرفته عايف حسن و لينا يباوعوله باستغراب
بعـدين يندار الهم و هـو يكول : يَــلا بدلوا بسرعه حتى نروح ورانا عمليه
يفتح حسن و لينا حلكهم بصدمه
حسن : بابا بعد ساعه ونص ؏ الدوام
لينا بتأييد لكلام اخوها : Ⴢ̤Ι بابا حباب بعد وكت
عادل : و انـي شكلت ! يَــلا بسرررعه
وفجأه يركض حسن و لينا بسرعه ليفوك كلمن لغرفته حتى يبدلون و عادل يباوع عليهم شون يركضون مثل الجهال و هـو يضحك بحب
عادل بحب : الله يخليكم اليه و يرحم امكم
اجه الوكت الي تتعرفون على عائلتي الصغيره الي متكونه مـن انـي و بابا و اخويه حسووني
انـي لينا اصغر وحده بعائلتنا اللطيفه
النسخه المصغره مـن ماما الله يرحمها ماما كرديه الاصل و هـي جانت تجنن كُلـش حلوه و بيضه كُلـش و انـي طلعت اشبها كُلـش بـس لون العيون مالاتي ؏ عيون بابا خضر كبار ورموشي كثيفات عندي شامه فوك شفتي احبها 😂♥️ وتنطي جماليه بعد اكثر لوجهي وخصوصا أنــو شفايفي ممتلئات و شعري مـــو اشكر و انما جوزي فاتح وطويل يوصل لبعد خصري احب اعتني بي طولي ١٦٤ وزني ٦٣ يعني طولي ملائم ويا جسمي كُلـش انـي مـن النوع متروسه يعني مـــو ضعيفه و لا سمينه لا جسمي كُلـش حِلـــــو ودائما يجبيلي المضايقات مـن اطلع لذلك مـا اطلع الا ويا بابا او حسون
انـي دكتوره تخرجت وهاي سنه اولى اداوم بالمستشفى ويا بابا و اخويه حسوني بـس انـي كُلـش ذكيه وشاطره بشغلي و هذا خلاني اتفوق ؏ زملائي و مـا واجهت صعوبه ابد بحكم أنــو اخويه حسن دكتور و بابا هـم وساعدوني هوايه بدراستي و يشرحون اليا شغلات مـا افهمها مرات (عائله طبيه🤣)
هسه نجي ؏ حسوني
طبعا مـا ﭑ؏ـــرُف شحجي عنه هـو روحي مـن الدنيا ابويه الثاني صح هـو عمره ٢٨ يعني اكبر مني بـس ابد مـا خلاني احتاج شي و دائما وياي كأنوا ظلي بـس ميبطل مقالبه السخيفه مثله لازم كُـل يوم كاعدين على عركه و هوسه و مي 😂
طبعا حسن يشبه بابا كُلـش بـس عيونه جوزي فاتح على عيون ماما بـس كُلـش حِلـــــو بحيث اذا امشي ويا وطلعنا لمكان اشوف البنات يباوعن عليه وميتات عليه وهو يسوي نفسه عـود ثكيل و يباوعلي و يكول حتى تشوفين اخوج شكد حِلـــــو و انـي اكوله دنجب و امشي بـس مـا انكر أنــو هـو كُلـش حِلـــــو 😂♥️
أنت تقرأ
بيت الشيخ هاشم.
Science Fictionشيخ هاشم هوة اساس القصة والاحداث الي حتصير شيخ قبيلة عندة اربع ولد او احفاد مخلصين كلش الة او عندة ابن عايش خارج العراق او غير عاداتهم عندة حفيد اسمة فهد او احفادة البقية حسن مصطفى احمد او ناصر وغيرهم او حفيداتة لينا او دينا او وردة وغيرهن...
