هلو حبايبي شلونكم ان شاءلله بخير
يلا نبدا
ـــــــــــــــــــــــــــــــــــــــــــــــــــــــــــــــ
غدر.. كعدت بغرفه بيضه وكتفي يوجعني حيل ومااكدر احركه وعطشانه اريد اخذ المي من الميز مااكدر ووكع بالكاع وانكسر شويه ودخل الشخص الي تركت العراق من وراه ابويه الي مشتاقتله حيل والدمع بطرف عيني بس لا مو اني الي تنزل دمعته بسرعه اجه حضني ويبجي ويكول ابنيتي حبيبتي مشتاقلج بس اني جاوبته بكل برود
غدر ببرود.. ممكن اتوخر شويه كال
عزام.. غدر حبيبتي كلت
غدر ببرود.. غدر ماتت من يوم الي ماقبلت تكمل حلمه وتركت البيت وانت ماعارصت اني مو غدر الي ضربته وحجيت شي اني مو غدر الي ما وكفت وياهه باصعب اوقاته وانت ياجدي انت جنت تكول انتي مدللتي شو محد سأل عليه كال جدي
الجد.. انتي تضلين مدللتي ياحبيبت جدج
كال عمر الي جان مصدوم ودموعه على خده
عمر.. غدر ليش رحتي وعفتيني ياروح اخوج
غدر.. جنت مطره اروح
علي بضحك.. ولج هاي مفاجئتج
غدر.. اي بس ماصارت مثل ماتوقعت
علي.. اهم شي انتي بخير
انفتح الباب بسرعه ودخل عباس وكيان
عباس.. غدر شلونج هسه شلون صرتي
غدر.. زينه الحمدلله انت منين تعرف اهلي
عباس.. طلعنه ولد عم يا بنت عمي
غدر.. كول والله
عباس.. والله
غدر.. وكيان هم ابن عمي
عباس.. اي
غدر.. دخلت الممرضه وكالت
الممرضه.. بلا زحمه اتفضلوا طلعو بره المريضه لازم تاكل وترتاح وراح اضل 3ايام بالمستشفى.
غدر بعصبيه.. عباس سوي ورقة الخروج بسرعه اتعرفني مااحب المستشفى
عباس.. بس لازم ترتاحين وراح تبقين اهنا عمي ماتحجي ويه بنتك
عزام.. ابنيتي لازم تبقين اهنا تمام
غدر بعصبيه.. كلت طلعوني منا وعلي احجزلي غرفه بالفندق
الجد.. ابنيتي يافندق انتي ترحين ويانه للبيت وما اكو اعتراض
غدر ببرود.. تمام بس مااريد احد يدخل بيه
الجد.. تدللين ابنيتي
غدر ببرود.. شكرا
الجد.. ذيب حضر السيارات يله
ذيب.. حاضر جدي
غدر.. انتبهت على الشخص الي حجه وياه جدي اني شايفته بس ماكاعده اتذكر المهمم راح عباس سوه اوراق الخروج ورحنه للسياره
بعد مرور الوقت
غدر.. وصلنه للبيت وناس واكفه وامي واكفه بالباب هاي امي اي هاي امي متغيره وضعفانه
رحت عليه وبست راسه هيه بسرعه حظنتني وتبجي وتكول
الام.. وين رحتي وعفتي امج وحده
غدر.. يايمه مشتاقتلج بكد رحمت الله
شفت مره جبيره بالعمر عرفته بيبيتي رحت راسه وسلمت عليه
الجده.. شلونج يابعد طوايفي نور البيت
غدر.. منور باهله.. ماكدرت اسلم على عمامي وعماتي واني أصلا ناسيتهم صحت علي
غدر.. اريد اصعد ارتاح ولحد ايكعدني تمام
علي.. تمام تعاي وياي.
غدر.. صعدني علي لغرفته دخلت للحمام بدلت ملابسي لان كلهن ريحه ديتول ولبست اتراك من علي لان ملابسي بقن بالسيارة مادري طلعوهن لا ورحت نمت.
باي حياتي اني احبكم هواي.. ❤
