اليوم الثاني//
دخل راكان عليه الغرفه وفتح الستاره وغطا يزيد وجهه بيده
قرب راكان وجلس على السرير بقوه:يزيد !! صاحي؟
يزيد لف على الجهه الثانيه وغطى راسه:
قووومم جايبلك خبر حلو
يزيد:اتركني انام
راكان:تستهبل صح؟ صارت الساعه ١٢ الظهر وللحين ماقمت
يزيد:اتركني
راكان:قوم يالله ابوي لقي البنت اللي قلتله عنها واليوم رايح تشوفها
يزيد غمض عيونه بقوه ويحاول يتجاهل اللي سمعه:خلني انام
راكان:قوومم يلا بنروح للحلاق مع بعض زبط نفسك تبغاها
تشوفك كذا ؟
يزيد:مايحتاج اشوفها قول لأبوي يخطبها لي وبس
راكان:نعم؟؟ كيف يعني مايحتاج تشوفها غبي انت قوم بسرعه
يزيد:راكان خلاص اطلع من الغرفه اتركني بحالي
راكان:يزيد؟؟؟؟
يزيد:خير
راكان:فهمني كيف يعني ماتبغا تشوفها؟ احد غاصبك؟
قول الحقيقه ؟ ابوي غاصبك من ورانا؟ امي غاصبتك؟
قول واوعدك اوقف بصفك اوعدك ان محد يجبرك على
ذا الزواج بس ارجوك قلي
يزيد شال المفرش من فوقه وطالع فيه:محد غاصبني كل شي
برضاي وروح قول لابوي اللي قلته لك
راكان:ذي العايله مافيها احد صاحي ابدا حتى الشخص اللي توقعته
صاحي طلع زيهم
يزيد:روح بس
قام راكان وطلع من الغرفه ونزل تحت وشاف ابوه جالس
يقلب في التلفزيون وقرب وجلس قدامه وابوه يطالع فيه:
خير وش فيك ؟ وش تبغا ذي المره؟
راكان:مابغا شي
الاب:اجل ؟ زعلان ليه؟
راكان:يزيد رفض يروح يشوف البنت اللي اخترتها ويقول
اخطبها له وبس
الاب ابتسم:اي هذا هو ولدي واثق بذوق ابوه مايحتاج يشوفها
راكان:ابوي؟؟؟
الاب:خير
راكان:ليه تشوفونه شي عادي؟ لازم يشوفها
الاب:لا مو لازم اهم شي هو يبغا يتزوج خلاص مايهمه الجمال
راكان:بيتزوج اي بس لازم يشوفها
الاب:المهم قوله لايخاف حتى لو يبغى الزواج الاسبوع
الجاي راح ارتب كل شي
أنت تقرأ
لستَ قدرِي
Action"الوقوع بالحُب ليس تحت سيطرتنا ، ولكن الإبتعاد عن ذلِك الحُب ، هو بسيطرتنا !"
