فى بيت فؤاد البحراوى
اوضة ياسمين
بعد ما خلصت عياط
اخدت دش ولبست ونزلت
ياسمين وهى دخله المطبخ
ياسمين: مسا مسا ي رورو
الدادة روحيه: مساء الور ي حبيبتي عامله ايه انهارده مش جيتى شفتينى يعنى
ياسمين: يوم كأيب اوى ي دادة مش عارفه ليه
الدادة روحيه: تفائلوا بالخير تجدوه ي حبيبتي
ياسمين: بس بجد مش عارفه فى ايه انهارده ي دادة
الدادة روحيه: حصل ايه ي حبيبتي
ياسمين: مفيش ي دادة نور باباها جيبلها عريس ومعتش غير شهر على الامتحانات المفروض هو اساسا مش يفكر فى الموضوع ده لان دى سنة مهمة وبعدين لسه فى كلية يعنى لسه بدرى وعايز يخلى فترة الخطوبة لو حصب نصيب من هنا لغاية ما نخلص كلية مش عارفه دى كلها هتبقا فترة خطوبة ازاى بجد المفروض هو مش يقولها حاجة زى دى دلوقتى كفاية التوتر الى هى فيه الفترة دى صعبة اوى ده اهم شهر في حياتنا ده فيه مستقبلنا كله ي دادة
كانت الدادة روحيه تستمع لها ولم تقاطعها حتى تقول كل ما يحلو لها وتمنحها بعض المساحة الفضفضه ثم تنصحها
الدادة روحيه بهدوء: ي حبيبتي ده اكيد طبعا بباها عايز يفرح بيها ويشوفها عروسه
ياسمين: يعني تعمل ايه ي دادة
الدادة روحيه بعقلانيه: خليها تعمل الى باباها قلها عليه وتقابل العريس ان كان حلو توافق عليه ازاى معجبهاش ترفضه على طول ي حبيبتى
ياسمين بخوف كبير علي صحبه طفولتها: بس يا دادة روحيه احنا ف فترة الامتحانات مينفعش تفكر فى الكلام ده دلوقتي
الدادة روحيه: عادي ي حبيبتي تشوف المعاد الى هى فاضيه فيه وتقعد معاه وتشوفه وبعد الامتحانات تقول رايها وتعمل استخارة
ياسمين: والله فكرة ي دادة وكدا مش تكون ظلمت نفسها ولا زعلت اهلها ولا ضيعت تعب السنين الى فاتت كلها
الدادة: صح ي حبيبتي وربنا يفرحك ويفرحها
ياسمين: ياسمين ي دادة
الدادة روحيه بنبره ذات مغزى: ايه الى مزعلك تانى ي سمسمه
ياسمين: ولا حاجه ي دادة تقريبا كدا انا وسميه اتخانقنا
الدادة روحيه: ليه ي بنتى؟ ايه الى حصل؟! ما انتوا كل يوم تقريبا ناقر ونقير بس عمركوا ما اتخانقتوا فى ايه؟!
ياسمين: مفيش ي دادة قلتلها انى اشترتلها طقم زى كل مرة وأنا بشترى لنفسى بس هى مش رضيت تخده ي دادة وقعدت تقولى هترد من شغلى وهبقا فى الشارع أنا بكلمه منها ممكن ميبقاليش مكان ولا اقدر اكمل تعليمى هى دى الى بتدينى فلوس عشان اكل وتعلم والبس
«من يطعمنا؟ ومن يسقينا؟! ومن يلبسنا؟ ومن يحينا؟؟؟؟! لا ننسي هذا مهما كان من بيده ان يجعلنا لا نملك شيئا ويمكن ان نترد من محل رزقنا فهذا كله من تدبيره الرحمن وله فى ذالك حكمه كبيرة ولمن صبر جزائه اكبر واضعف»
الدادة روحيه: معليش ي بنتى اصل مدام تسنيم ضغطه علينا جامد الايام دى مش عارفين مالها ومستنيه الواحدة فينا على غلطه ي حبيبتي
ياسمين: مش عارفه ي دادة هى بتعمل ليه كدا والله ربنا يهديها
الدادة روحيه: مهما عملت ي ياسمين ي بنتى هتفضل أمى ي حبيبتي ربنا يهدهالك
ياسمين: ياسمين ي دادة
ـــــــــــــــــــــــــــــــــــــــــــــــــــــــــــــــ
فى الصعيد
قسم الشرطه
فى مكتب أحمد باشا
أحمد: كان يوم عسل ي حبيبتي يلا عايزة حاجة
هى: سلامتك ي ابو حميد
أحمد بعد ما خلص المكالمه: ربنا يجمعنى بيها علي خير يارب لو كانت من نصيبى احفظهالى ومحدش يمسها بسوء ي رب
ـــــــــــــــــــــــــــــــــــــــــــــــــــــــــــــــ
فى قصر الشربينى الثانى
نعم هناك قصران لعائلة الشربينى فالاخوة متفرقون ويعتبر لا يوجد بينهم أى صله بعد ما فعله الاخ الاكبر قاطعة اخاه الصغير بل ايضا وأخواته النساء قاطعوه ولم يعد بينهم اى علاقة
قصر عبد السميع الشربينى
فى المطبخ كانت تقف بنت هادية جدا بس فى الشارع اما بداخل المنزل فمن يقول عنها مجنونه فقد اكرمها ي سادة😂😂😂
هى ليست هادئه هى من تشعل الضجه فى المنزل بأكمله وتثير حنقه اخوانها الشباب
فيروز وهى تدوق الاكل: والله ي روز انتى ملكيش حل انتى طباخه ماهرة مينفعش تقعدى فى البلد دى دقيقة أنتى تروحى المانيه بريطانيا فرنسا امريكا الحتت دى مش مصر والصعيد وحاجه خنقه
دخل شخص من بابا المطب: حاجه ايه الى خنقه وايه الى مش عجبك فى العيشه ف الصعيد ي فيروز هانم ولا فيروز هانم تحب تعيش فى انهى مكان عشان نوفر فيه جميع المستلزمات الى فى خيالها
فيروز بمرح رغم عصبيه هذا الشخص: بص استنا بريس لا نيويورك احسن جميلة والمكان بقا يكون ف اكبر وافخم فندك هناك عشان اطلع كدا من البلكونه بتاعت الاوضه ابص بس على الفندق يجيلى ازمه قلبيه من شده الجمال ويكون فيه بيسين عشان اعوم عشان فى الصعيد مش بعرف اطلع بره بيتنا اساسا عشان اعوم
هو: تعملى ايه يختى؟؟! ده فى اعلامك؟؟ 😡
مين ده بقا وايه علاقته ب فيروز
عارفه ان الاحداث عندكم بقت مشتته لاننا بننتقل من مكان ل مكان والاحداث والاشخاص بيزيده بس البارتين الى جايين هيبدأوا يجمعوا الابطال شويه لكن الأحداث نونو نونو لسه كتير انا محدش يتوقعنى 😂😂😂😂♥
رايكم وعملولى متابعه عشان الروايه تتفعل وعملوا تصويت وقولوا رايكم
صلو على الحبيب ♥
#نون محمد
