♥️وقال ربكم ادعوني استجب لكم ♥️
عشقني ولكن♥️
بقلمي :ايه عرفه 🤍
البارت دا هيبقا صغير
وعباره عن اعتراف حور انها تحب ريان
عند حور صممت انها لازم تدخل لريان
محمود....ياهانم افهميني قولتلك ممنوع
حور....انت اللي مش عايز تفهمني
محمود....واحد في غيبوبه هتدخلي عندوا تعملي اي
حور....انت مالك انت ليه محسسني أن انت المدير
علي فكر بقا المستشفي دي من ضمن أملاك الشافعي
يعني انت بتشتغل عندنا
محمود....مسمهاش كدا اسمها انا شغال فيها دكتور
مش ببيع شاي بلبن تفرق كتيير
وعمتن انا هدخل افحص المريض لو لقيت حالتوا
مستقره علي الاجهزه هخليكي تدخلي عن اذنك
سبها محمود ودخل الي غرفه العنايه
كمال....يابنتي اهدي مش ينفع اللي بتعمليه دا
حور....هو اللي دكتور حمار
كمال.....حور احنا في مستشفى فبطلي طريقتك
دي هو بيشوف شغلوا مش اكتر
حور....وانا عايزه اشوف ريان محدش لو حق
يحرمني من دا ابداااا
سليمان....خلاص ياكمال سبها
وانت يامحمد هتفضل هنا قوم خلينا نروح
دا مها ورهف جم شويه وخلتهم يروحوا
محمد....مش قادر يابابا خايف علي ابني
خايف يحصلوا حاجه
كمال....محمد لازم تبقا اقوي من كدا
انت مشفتش رهف كانت منهاره ازاي
عشان كدا خليت مها تاخدها ويروحوا
سليمان....يلا يامحمد قوم روح معايا
وكمال هيبقا يجيب حور ويجي
قعدتنا هنا ملهاش لازمه
الليل دخل علينا
محمد.... ماشي يابابا يلا
مشي محمد وسليمان ليروحوا
محمود...اتفضلي يامدام ادخلي
وياريت مطوليش معاكي5 دقايق بس اوكي
حور بغيظ....الصبر يارب
وقامت دخله الي الغرفه وقفله الباب
محمود لكمال....بنت حضرتك فظيعه ربنا يخليهالك
كمال.....نعم
محمود....مفيش ياباشا عن اذنك
اما في الغرفه عند حور
حور وهي تنظر الى ريان وحواليه الاجهزه...
ريان انا عارفه انك قوي وهتقوم وهتبقا كويس
عارفه اني غلط في حقك كتييير اوي كنت غبيه
عمري مكنت بشوف حبك ليا ابدا عالطول كنت
بحاول ابعد نفسي عنك وعن اي حاجه تخصك
معرفش أنا ليه كنت بعمل كدا وليه ببقا عايزه ابعد
بس كل اللي اعرفه ان انت حد غالي عندي اوووي
لما عرفت أن انت في المستشفي خوفت.. خوفت
لحسن اخسرك واخسر حبك ليا اللي عالطول
بيبقا باين عليك بس كنت بعمل هبله عشان مش
احسسك أن انا عارفه وبردوا معرفش ليه كنت بخبي
وبداءت تكمل كلامها بدموع....انت عارف انا فكره
وانا صغيره مره وقعت واتعورت وجريت عليك
انت وانا بعيط جريت علي حضنك
وانت قعدت تزعقلي عشان انا السبب في اللي حصلي وبعد كدا خدتني في حضنك وقعدت
تتأسف عشان زعقتلي وبعدها حتطلي مرهم
وقعدت تطبطب عليا قولتلي انك هتفضل جمبي
عشان موقعش أو اتاذي وانك هتفضل في ضهري
تحميني وتبقا اماني وسندي طول عمرك
بس انا لما كبرت بقيت ابعد عنك واكابر
واعلق نفسي بحد تاني عشان ابعد تفكيري عنك
عشان كنت بوهم نفسي بجمله غبيه زيي
ان انت ابن عمي وبس واستحالة تكون حاجه تانيه
عشان كنت بحس أن انت بتتحكم فيا
وفي شخصيتي حسيت أن انت عايز تلغيني
بس بعد مقريت اللي انت كتبه في المذكره
عرفت أن انت مش بتحبني لا
انت عديت مرحله الحب دي بكتيييير
انا عرفت أن انا بالنسبالك كل حاجه
وانت بالنسبالي كدا بردوا
لما عرفت انك في المستشفي حسيت أن روحي
بتنسحب مني من الخوف عليك
بقيت حسه اني مقدرش اعيش من غيرك
انا بعترف بدأ انا بحبك وبحبك اوي
هبطل اكابر مع نفسي واعترف بدأ
انا بعترف أن قلبي مش بينبض الا بأسمك انت بس
قوم عشان خاطري انا مش هستحمل اشوفك كدا
انا قولت الكلام دا كله عشان عارفه لما تفوق وتبقا
كويس مش هقدر ااقول حاجه من اللي انا قولتلها
دي ولا هقدر اعترفلك أن انا كمان
♥️بحبك اوووي ياابن عمي♥️
أنت تقرأ
#عشقني ولكن ( مكتمله)
Romance#جميع الحقوق محفوظة للكاتبه 🤍ايه عرفه 🤍 #عشقني ولكن 👉 #رومانسيه♥️ #دي ياقمرات فكره الروايه🥰 احبها اعشقها سارت حلمه الذي يريد أن يوصل لهو فهو ينام ويقوم ويحلم باليوم الذي ستكون فيه ملكه فهي بالنسبه حياته ونفسه وروحه ووتين قلبه فهي تسكن قلبه من...
