شاءَ_القدر

Part-6-

Part-6- والاخير

‎عيناي يبعد الراح والجاي ♥️

‎... شهد : حسيت زيد تغير ورجع مثل قبل واكثر واني حاضنتة اكلتني اكل التقلصات وعطت (هلحجي دخلت شهر الخامس بالحمل )
‎زيد : عاطت وخرت بسرعة لگيتهه لازمه بطنهه من جوة ولازمه ضهرهه
‎شهد : غمضت عيني حييل واريد نوبة التقلص تخلص النفس گوة جريته وضهري موتني موتني
‎زيد : گعدتهه وصفنت عليهه متوجعةة
‎زيد : شبيجج يروح روحي
‎شهد : اووووف اخذت نفس شوي ارتاحيت وگتلة هيج تقلص خفيف
‎زيد : عفت كلشي وانتبهت لشكلهه
‎انتبهت لبطنهه مو كبر عادي صفنت ومن گالت تقلصات گتلهه حااامل ؟؟
‎شهد : نسيت اگلة ومو ببالي اكله اصلا من الفرحة گتله ااي حامل اويلي متتت من الوجعع
‎زيد : حطيت راسي برگبتهه وگتلهه اريد بنية حته يصير عندي ثنين بنات انتي وياهه 💗  وحطيت ايدي ع بطنهه عبالك طابوگة سسالفة
‎شهد : اي مو داگلك متت من التقلصات تاذيت
‎زيد : جعل بية ولا بيج
‎شهد : يعني تحبل بمكاني ؟
‎زيد: والله لو يصير اي ليش لااا 🥺😂😂
‎شهد : هسه ديلاا ع اساس كلشش راح تتحمل تقلصات
‎زيد : اتحمل كلشي علمودج
‎شهد : باتمان البداخلك ليش ميستقر ؟
‎زيد : هاا ولججج تستهزئين
‎شهد : لا والنبي مو قصدي بس باوع يعني اني شنو قصدي
‎زيد : اي ست شهد شنو قصدجج
‎شهد : شسمة والله ماعرف شنو قصدي راح ابقة افكر من اعرف اگُلك
‎زيد : وهاي الفهاوة انتي ليش ماتبطليهه شلعتي بااب گلبييي
‎شهد : ليش گلبك عندة باب ؟
‎زيد : وتاااالييي وياااج
‎شهد : يلاا هاهية عمي سدينه حلگنة 😐😂
‎زيد : مددت واخذت نفس
‎شهد : مددت يمة على كيفي ونمت صفح وسحبني لحضنة
‎زيد : حطيت راسي برگبتهه گتلهه مننوع دگومين لحد ما اني اگوم مفهموم بوية؟
‎شهد : بست ايدة وگتله ااي مفهوم
‎فاتت الايام ودخلنة سنة جديدة وبسبب حملي مگدرت اكمل ف هماتين أجلت السادس
‎وبيوم ( 19/4/2021) بالليل بـ 2

‎شهد : زييد زيييد عزااا لك زيييد الحگلي
‎زيد : جنت نايم واسمعهه تعيط واني نومي ثگيل غلست عليهه كلت هسه ترجع تنام 😂
‎شهد : زيييد ااخخ يمعودد اگعد ميسمعني رحت وعضيته حييل
‎زيد : ماحسيت الة عضتني بكل قوتهه خلتني اگمزز خرب ان
‎شهد : لككك رحح اجيب
‎زيد : خايبة وكتجج هسة دخل يخلص الليل
‎وهذا البطنججج هسه تذكر يطلععع
‎شهد : يمعودد حجيببب خررببب دكوووم ااااخ
‎زيد : شلوون بلااا ماننام
‎شهد : من نامت على راسك طابوگةةةة دكووومم ااااه  اااااخخخخخ
‎زيد : اشو هاي ضلت تدعي عليي خليت وگمت طفرت للسيارة شغلتهه
‎شهد : ضليت اطلگ والوجععع فضيعع فضيععع ميتةة ميتةة حاطة المخدة ع وجهي واعيط بوقتهه جانت سمر بايتة يمنة
‎جابتلي صايتي ولفتلي شالي ونزلتني على كيف من الدرجج وزيد طلعع قبلنه شغل السيارة
‎زيد : رحنة للمستشفى وشهدد فضحتنة بالعياط يابوية بكل علو صوتهه
‎شهد : اصيحح بكل علو صوتي
‎زيد : امشي گدامهه واگلهه شبيجج ماشايفه صوت اول مرة هرجتينة هرجج
‎شهد : هو كاعد يحجي واني بيا حال روحي طالعة گتلةة دانجببب عاد اااخخخخخخخ اااخخخ
‎زيد : گتلهه دجيبي وكملي اني اعلمج عليهه
‎شهد : اخخخخخخ اااخخخخخ
‎زيد : يلاااا يروحي هانت هانت
‎دخلت للصالة مال الولادة ورة عشر دقايق وسمعت اختي سمر هلهلت
‎زيد : لجج اسكتي بوية فضحتينة العالم نايمة
‎سمر : خاب شو دطير غير فرحانة اليوووم 😂♥️
‎شهد : ولدت الحمدلله بس روحي طلعت بين ماولدت شدولي مغذي بقيت ساعتين بالمستشفى اخذت علاجي وبعدين طلعنة ورجعنة للبيت
‎شهد : طول فترة حملي ماسويت سونار زيد ماقبل گلي شيجي من الله خير اهم شي الصحة والعافية وتمام الخلقة
‎والحمدلله جبت بنية وسميناهه " ود " من بعد معاناة وي الاسم چنة گاعدين كلنة بالصالة اني وسمر وعمتي وخوات زيد وناس تجر طول وناس تجر عرض وكل واحد يريد يسمي بكيفة
‎شهد : والله البنية بنتي واني تعبت بيهه واني ٩ اشهر اصارع وياهه واني اكلت الدفرات منهه واني طلگت بيهه واكلت طن ابر من وراهه تزرفت تزرف يلا ثبت حملي وانتو تردون تسموهه حتة اشمر روحي من فوگ 😭😂
‎زيد : لااااا يلاااا يلااا اسكتو
‎زيد:ل تفضلي ست شوشة غردي شتردين تسميهه
‎شهد : بس توافقون خوووش ؟
‎زيد : اااي اااي بوية بس احجي فضيهه
‎شهد : جاسمية
‎زيد : طخيت گصتهه گتلهه شبيج بوية مصخنة
‎شهد : عندي اقتراح ثااني نسميهه مَكّية
‎زيد : يمة مرتي تخبلت يبو فااااضل صبرني عليهه
‎شهد : اهووو هاي شبيك شگد حقنة
‎زيد : منو حقنة ولجج
‎شهد : اااني اااني دسمعني صدگ خل احجي
‎زيد : اليشوفج يگول ساد حلگجج متحجين بوية فضيهه
‎شهد : نسميهه " ود " وقفلت والنبي ماغيرة حلفت
‎زيد : هاهية هاهية لتحلفين حلووو
‎عمتي : اي حلوو لايگلهه
‎وفاتت على ولادتي اشهر وعمتي كلشش تحسنت الحمدلله وطايرة بـ ود وتموت عليهه ومرات تاخذهة تنومهه يمهه وصارت من يطلعع زيد متعوفني وحدي وتبقة يمنة وتجي العصريات تشوفني انضف تساعدني وتسولف وياي وتغيرت حيييل هي وبناتهه الثنين بس حوراء بقت مثل ماهيه ماتحجي هواي وياي ع كد السؤال والتنضيف
‎وكبرت " ود " والبيت كله يسميهه وداية وصار عمرهه سنة وشهرين تقريباً وهسه اني حامل من جديد بشهر الخامس وگاضيهة عرك اني وزييد ماردت احبل من جديد اريد وداية تكبر يعني يصير عمرهه فد ٣ سنوات يلاا احبل من جديد بس الحمدلله ع كل حال حبلت
‎وزيد تخرجج من الجامعة بس ميداوم بالمتسشفى لان هو راد الصيدلة بس شهادة يعني مو كـ مهنة لان هو وعمامة واهلة يشتغلون بالعقارات وعمي عندة معرض مال سيارات والحمدلله يعني ميحتاج الوضيفة وادعولي اجيب بسلامة هماتين حيل تعبانة بحملي وتزرفت تزرف من الابر والادوية يلا ثبت حملي الثاني
‎وحالياً تركت الدراسة وشلتهه من راسي لان حيل داتعب وي وداية وحملي منا وان شاءلله شوي جهال يكبرون يشيلون نفسهم وارجعع اكمل خارجي بحيل الله
‎ { ولهنا نگدر نگول ختمنة قصة #شاءَ_القدر }
‎وحرفياً تنطبق عليهه جملة " ربُ ضارةً نافعة "
‎و (( وعسى ان تكرهوا شيئا وهو خيرٌ لكم ))
‎مجنت رايدة اتزوجج ولا مفكرة بهلشي بس تهددت بصوري وهلشي الي خوفني وسببلي رعب جابلي حب حياتي ورزقني ببنوتة والطفل الثاني بالطريق وعايشة ملكة من صدگ بفضل زيد طبعاً ورب العالمين
‎والنصيحة والعبرة من هلقصة مو كلشي نبتلي بي معناه مو زين او انو مسوين غلط بحياتنه ودنتعاقب علي او او او .... ممكن المصيبه الي ضجنه منهه ممكن تغير حياتنه وتسلك غير طريق وطريق حلوو وبي مستقبل احلى من الچنة متخيلي ولازم نقبل بقدرنه مهما كان

🔆🔆🔆" The End ♥️ " 🔆🔆🔆
------------••••••••••••••••••••••••---------
" 🔴 انتظروني بالرواية الجديدة 🔴 "

‎تعالو 🏃🏻‍♀️ ندردش بالتلي رابط القناة ⬇️
https://t.me/lujin5_lujin

‎اسم القناة ( 𝒍𝒖𝒋𝒊𝒏 𝒂𝒍_𝒔𝒉𝒂𝒎𝒂𝒓 🕊♥️؛ )