احتللت قلبي ايها الضابط

البارت الآۆلْ

بسم الله الرحمن الرحيم

هلاو حبايبي وياكم
الكاتبه نور اسماعيل ...........

----------------------------------------------------
هي ك النجمه الساطعه في
السماء المظلمه ذات عيون
بلون البحر

هي جسدها أنثى و روحها ك
طفله ذات اربعه أعوام تحب
اللهو تحب تجربه كل شيء

هو السماء المظلمه في احد
الليالي قلبه ك سواد الليل
لقب ب الذئب الأبيض لمكره.

ذات سلطه قويه و ملامح
ك السيف لا يثق بحواء لمكرها

فيقول :
كن منصفاً يا سيدي القاضي
ذنبي انا رجل لهُ ماضي
تلك التي أمامك الان
كانت لدي اعز انسانه
احببتها و هي احبتني
صدقاً جميعاً همي انستني

ف كيف سينجمعان السماء
و النجمه معاً؟ و ماذا عانوا
النجمه و السماء من الماضي؟
و ماذا سيعانون من الحاضر؟.

مياس: جنت نايمه و ماحس اله و امي
تكعد بيه

ام مياس: ولج كومي يمه لتعبيني راح
تتأخرين على دوامج

مياس: ماما بس خمس دقايق حبابه

ام مياس: راح تكومين لْـو اصيح ادم

مياس: ساعه بيش

ام مياس: الساعه سبعه ونص مضل وكت
مياس: صدككك غير تكعديني

ام مياس: صار من ساعه اندهلچ انتِ
ماكو ثلث مرات اني صاعدتلج كومي
كومي عجل خفي ايدج الخط مالج
بلباب

مياس: تمام تمام

كمت بسرعه فائقه و اني احجي بيني
وبين روحي هي مال مسلسل صوجي
اني اسهر شوكت اتوب م̷ـــِْن هل طبع
بس والله البطل يسحر اخذت شور
سريع ولبست قميص ماروني و تنوره
سوده و توربون اسود لان اني مو
محجبه بس احب البسه حطيت تنت
وماسكاره وكحلت عيني و شلت الجنطه
و كتبي ونزلت اركض

ادم: على كيفج راح تدعبلين شيخلصنه

مياس:مضل و كتتت عِنـديّ متحان
افففف يلا باييي

طلعت لكيت ابو احمد ينتضرني و يباوع
للساعه اني كلت حنعلس اول مصعدت
صحت صباحححح الخيررر حبيبي عمو
عساك بخير

ابو احمد: هلا بيج بنيتي اففف منج و
من السانج ردت احجي علـّۓ. تأخير بس
اكلتيني بلسانج يلأ. نتوكل

زينب: ولج شوكت جوزين من التأخر مالج

مياس: بلاول صباح الخير بعدين تأخرت
بسبب المسلسل سهرت زايد و محسيت