احتللت قلبي ايها الضابط

البارت التاسع

بسم الله الرحمن الرحيم

فكادَ صوته أن يغلبَ قلبي
فنظرتُ إلى عينيه فغلِبتُ كُلّي.

نبدي بلبارت التاسع

................................

مياس : بلشت اصحه واني اتخايل هذه الحقير اوس ديتصارع وياي واني اعيط واكله اله اكتلككم وللوح بيدي حسيت على شخص لازم ايدي حيللل واني كل ضني اوس عطت عوفنييي ونكتم حلكي بيد غركت وجهي فتحت عيني توجعني مره مرتين وضحت الصوره طلع هذه المغرور بس ريحه الديتول والمكان عرفت اني بلمستشفه

ايسر : هديت عمتي ورحت طبيت للغرفه بين ميجي الدكتور لشوفها اشو اباوع هاي تلوح بيدها وقابضه ايدها عينن تريد تتصارع الصراحه شكلها يضحك ونوب اصيح اله اكتلكم رحت لزمت ايدها لان المغذي معلك راح تطفر الكانونه اشو هاي عاطت عوفنييي جان لنه اسد حلكها او بلاحره وجها كامت تفتح وتغمض مثل الي يستوعب الوضع وانه الضحكه مرسومه على وجهي من منضرها حبيت استفزها

ايسر : ها تكتلينهم وانتِ نايمه هنا جا ما طلعتي عضلاتج هناك. عقدت حواجبها الكثيفات وعيونها الزرق  وعضت ايدي مهتميت عضتها اقوه مهتميت كتلها حوخر ايدي صيري عاقله ولضبين تحركين بيدج مثل المنتوله مخيطه هزت برلسها

مياس :ياررررربي شكدد انسان مستفزززز ويلعب على للاعصاب.

انتَ شجابك هنا ومنو سمحلك تطب للغرفه ومنو سمحلك تسد حلكي وتلزم ايدي واني ممنتوله واهلي وين واني مسكتت شكيتله عينه للخايس والثاني اخذ حصته من النفط انته شدخلك هااا وشجابك هناا

ايسر :ضحكتني من كالت اخذ حصته من النفط واني اذكر من كلي زيد عليه كتلها اول شي اخذي نفس لا تختنكين ثاني شي انتَ مدري انتِ حرت يا صنف شنو من السان رشاشش للخاطر الله ولا مبين عليج مريضه اباوع عليها عفصت وجها وعقدت حواجبها ولزمت ايدها. بوجع باوعت الدم طالع من الضماد كمت ورفعت القميص للمكان الجرح طاك الخيط  كتلها شوفي احتمال انفتح الخياط من وره الحركه مالتج انتضري هزت راسها
بأثناء الكلام اجه الدكتور

د.غسان : مرحبا الحمد الله على سلامتج معافايه

ايسر :احم الله يسلمك دكتور بس ماكو مضمده تجي تخيط الجرح لان طاك الخيط

د.غسان :اكيد موجود بس خل افحصها وبعدها انخيطه يلا ست مياس ممكن تفتحين عينج دشوفها

مياس :اباوع على المغرور يتأفأف واجه الدكتور بلش بلفحوصات وكال كلشي مابيها كلهن عشره على عشره فقط عدها فقر دم بسبب للدم الي خسرته واكتبلها علاج وتاكل مشويات وترجع مثل الاسد بس بقه الجرح اشلون طك الخياط
ايسر:جانت تتحلم ومحركه ايدها وميحتاج تفحصه اني شفته طاك ف بس تخيطه الها واتمنه تستعجلون ورايه تحقيق وياها واكيد اهلها يردون يشوفونها