البارات السابع
الدكتوره والمغرور
زين راح مسك ايد نيره وقال: دي هتبقا مراتي
نيره وحسام بصلو بصدمه
حسام بعصبيه: اي الي انت بتقولو ده ازاي يعني ده انت لسه عرفها من اسبوع فجأه كده قررت تتجوزها
زين ببرود: والله دي حاجه تخصني نا واتفضل بقا غور من وشي
حسام: تمام يا زين بس نا هدفعك حق البوكس الي ضربتهولي ده
وسبهم وركب عربيتو ومشي
نيره بعصبيه وزعيق: انت اي الي قولتلو ده يا زين انت مجنون انت ازاي تقولو كده
زين بصلها بغضب: امال كنتي عاوزاني اعمل ايه وهو بيقول كده نا مقدرتش استحمل ان واحد وس.. خ زي ده يقول عليكي كدا انتي في مكان اختي
نيره بدموع: تقدر تقولي هنحل الي انت عملتو ده ازاي
زين ببرود: نا هحل كل حاجه
نيره: ازااي بس انت واخد الموضوع ببساطه كده ازاي
زين: بصي يا ستي انا هقولك هنعمل ايه احنا هنكتب الكتاب عادي خاالص وانتي مراتي وحبيبتي طبعا قدام الناس بس بيني وبينك انتي اختي تمام وكام شهر وهطلقك وهنقول محصلش نصيب عشان لو معملناش كده هيبقا شكلي وشكلك وحش اوي وحسام صدقيني هيطلع علينا كلام زي الزفت ونا وضعي حساس جدا وانتي كمان وضعك برضو حساس جدا انتي دكتوره وليكي وضعك زيي بظبط
نيره بصدمه: نعم انت بتقول اييه وبعدين هيبقا اي مصلحت حسام من الي هيعملو ده
زين بسخريه: يااااه كتيرر طبعاً اول حاجه هيأذيني في شغلي لم يروح يقول ان انا علي علاقه مش كويسه مع الدكتوره بتاعتوو الموضوع طبعا هيتشهر لم النقيب زين الدين بينو وبين الدكتوره بتاعتو علاقه مش كويسه انتي هتتأذي ونا كمان يبقا كده ادينا فرصه كبيره جداا لحسام وضرب عصفورين بحجر واحد
نيره بدموع: ااخ يااربي طب ما هوا ممكن ميعملش كل ده يا زين ووممكن يبقا كويس يعني وميأذناش
زين بضحك: انتي بتقولي اي يا نيره ده حسام قعد سنين وسنين علشان يوقعني ويخلي في الملف بتاعي نقطه سودا بس طبعا مقدرش بس لو معملناش الي قولتلك عليه ده صدقيني هنخسر كتيرر اوي
نيره بعصبيه: انا اي بس الي خلاني ااقابلك كان يوم اسود نا جيت اعمل خيرر اتقلب عليا لييه
زين ببرود: والله يعني مش هموت واتجوزك نا بعمل كده علشان مصلحتي ومصلحتك
نيره بدموع: تمام يا زين حدد كل حاجه وكلمني عن اذنك
زين: استني حد هيجي معاكي من الحراس
نيره ضحكت بسخريه وقالت: انت شايفني طفله صغيره علشان تبعت معايا حراس
زين بهدوء: لا بس علشان الوقت متاخرر والفيلا هنا بعيده عن بيتك
نيره بستغراب: وانت عارف منين ان بيتي بعيد عن هناا
زين بتوتر: لا نا معرفش ولا يهمني اعرف يعني بيتك فين انا خمنت بس
نيره: تمام
زين: احمدد يا احمددد
جيه الحارس بجري وقال
نعم يا زين بيه
زين: اركب العربيه وروح ورا الهانم واتاكد انها وصلت وكلو تمام
الحارس: تحت امرك يا زين بيه
نيره: ياريت تحدد كل حاجه بسرعه علشان عاوزه اخلص من الكابوس ده
زين بصلها ببرود وقال: تمام يا دكتوره متقلقيش
نيره ركبت عربيتها ومشيت وزين دخل الجنينه
زين: انا ازاي عملت كده مع اني عارف ان حسام مش هيقدر يعمل حاجه انا لي عاوزها مراتي معقوله اكون حبيتها لا طبعا حبيتها ايه مش معقوله هحب واحده من اسبوع لا حبيتها يا زين بس غرورك منعك انك تقول كده نا مش عارف حاجه خلاص معتش عارف حاجه
عارفين الصراع الي يببقا بين قلبك وعقلك ده اهو نا كده دلوقتي
قام من مكانو وطلع جناحو واخد شاور ونام
عند نيره في بيتها
نيره بدموع وهي واقفه قدام مرايتها وقالت
نيره: نا ليه بيحصلي كل ده ليييه انا معملتش حاجه وحشه في حد نا طول عمري عايشه في حالي وفضلت تعيط وتصرخ بصوت عالي وتكسر في كل حاجه حواليهاا لغايت ما ايديها اتعورت من غير قصد من ازازه مكسوره
نيره بوجع: ااه اهو ده بقا الي كان نقصني
ودخلت عالجت ايديها واخدت شاور ونامت
تاني يوم:
زين صحا علي صوت اختو
زين بنوم: ايه يا ياسمين في اييه
ياسمين بدموع: حسام راجع البيت وش الصبح وكمان متعور في وشو
زين غمض عينو بعصبيه وقام ونفخ
زين: انتي بتعيطي ليه يا ياسمين هتلاقيه اتخانق مع اي حد وخلاص
ياسمين: ماشي يا زين
زين: اعملي حسابك هكتب كتابي انهارده بليل
ياسمين بصدمه: انت بتقول اييه يا زين انت بتهزر ولا اييه
زين ببرود: ووههزر في حاجه زي كده يعني هكتب الكتاب علي الدكتوره نيره
ياسمين بصدمه اكبر: لا والله بتهزر بجد ازاي ده وحصل امته
زين: في ايه يا ياسمين انا لقيتها بنت كويسه قولت ليه متبقاش مراتي يعني
ياسمين: ايوا بس يعني فجاه كده
زين: مخلاص بقا يا ياسمين
ياسمين بفرحه: طيب انتو هتكتبو الكتاب الاول وبعد كده تعملو الفرح ولا ايه
زين: لا مفيش فرح احنا هنكتب الكتاب وهتيجي تعيش معايا علطول
ياسمين بستغراب: ليه يا زين كده دنا كان نفسي في اليوم ده اوي وكلنا منتظرينو
زين: اسمعي الي بقولك عليه يا ياسمين مش عاوز نقاش كتير
ياسمين بزعل: ماشي يا زين الي انت شايفو وياله علشان نفطر
زين: طيب انزلي انتي ونا هاخد شاور واعمل مكالمه وانزل
ياسمين: ماشي تمام
عند نيره صحيت علي صوت تلفونها
نيره بنوم: اممم مين
زين بسخريه: جرا اي يا عروسه احنا هنقضي يومنا كلو نوم ولا ايه
نيره قامت بسرعه
نيره: زين
زين: اه زين قومي ياله علشان كتب الكتاب النهارده
نيره بصدمه: اييه بسرعه كده
زين: اه علشان نخلص من الكابوس ده بسرعه مش ده كلامك
نيره: خلاص خلاص يا زين ماشي
زين: ياله باي
نيره: باي يااارب خليك معايا نا مش عارفه نا داخله علي ايه ساعدني يارب نا لوحدي بس نا عارفه انك جنبي ياارب
وقامت تاخد شاور
وبعد ساعه عند نيره لقيت باب بيتها بيخبط
نيره راحت فتحت ولقيت بنتين في سنها او اصغر منها
نيره: ايوا عاوزين مين
البنت: مش حضرتك نيره هانم
نيره: اه
البنت: طب زين بيه الي بعتنا علشان ناخد مقاساتك للفستان ونظبطلك كل حاجه لكتب الكتاب
نيره بستغراب: بجد زين الي بعتكو
البنت: ايوا يا هانم
نيره: طب اتفضلو
ودخلت اتصلت بي زين
زين: ايوا يا مراتي العزيزه
نيره: انت الي بعت البنات دي
زين: اه ليه في حاجه الفستان معجبكيش
نيره بعصبيه: انت مصدق نفسك ولا ايه يا زين انا وانت عارفين ان الجوازه دي كلها لعبه اصلا
زين ببرود: وهو نا قولت غير كده يا دكتوره بس متنسيش ان احنا لازم نعمل كل حاجه مظبوطه قدام ياسمين وحسام تمام
نيره: تمام سلام
زين: سلام
وطلعت للبنات وبدأو يجهزوها
وبعد ساعتين لقت خبط علي الباب جامد جداا
نيره بعصبيه: مين الي بيخبط كده ده
وراحت فتحت وبصيت بصدمه وقالت بعصبيه
نيره: انت بتعمل اي هنااااا
