بسم الله الرحمن الرحيم♥️
الكاتبة:فاطمة الموسوي
_____
حـزنـي الـمبيـن بيش إسـتره
مفضوح چن دم اعلى غـتـرا.
...
يا حزن يا ريت اعرفك؟
جنت اسويلك حديقة
ومبنى من جيد الفرح
جدام بيتك
يا حزن وحياة حزنك ماعرفتك
جنك مغير مشيتك
.....
مثل كل بيت عراقي الصبح الساعة 7:30 يوم الجمعه كعدت على صوت الحنينه ماما
*لج ماما كومي تريكي ساعه بـ 7 كومي عاد
*اوف ماما ماريد اريد انام هسه حتى الجمعه ما ارتاح
*صوجي اجيت اكعدج اروح احسلي
بعد فتره...
بين ما تخلص الفتره اعرفكم عني احم هلو انا اسمي وداع عمري 17 اكتفي بهل تعريف وهسه اعرفكم ع عائلتي متكونه من أب وأم واخ انا اخر العنقود طبعا😂😭.
هسه اعرفكم ع ماما اسمها حرير عمر ماما 44 سنه تشتغل خياطه
وبابا اسمه محمد عمره 56 يشتغل سايق تكسي بس ما مقصر ويانه ابد بمكان *** عصبي حيل ومو كلش يتقرب النه مخلص وقتها بلدوام
هسه نروح لعلوشتي المقرب الي بلبيت😂🥺
يهلا وياكم الشخصية المرحه والفرفوشه طبعا انا الوحيد الي مونس البيت مسوي جوو اله😂 احم انا علي عمري 18 طولي 170 بس عصبي كلش وادرس سادس علمي
..
دك المنبه الساعه بـ 11:50 نزيت مفتحه نص عيني اتلمس ادور المنبه طفيته كمت وكلت اوف ياربي وعلي بعدني نعسانه
رحت غسلت وبدلت ونزلت جوه صباح الخير يا أهل الدار
حرير:يا صباح هذا ولج وهسه الساعه بـ 12
وداع:يا حبيبتي انا هسه كعدت عندي صبح صدك اكلج حريري لعد بابا وعلوش وين؟
حرير: ولج بكدج اني دكليلي حريري شون ميانه ع كلن ابوج بدوامه واخوج راح ويا
وداع بتعجب:تمام
كعدت طبعا ما اكل الصبح ابد كاعده ع الفون وماما دسوي غده وانا كاعده احجي ويا صديقتي طبعا بس هيه قريبه إليه ماعندي اختلاط هواي ويا احد منعزله
.. هلو انا زينب صديقه وداع عمري 16 وياها صار 4 سنين سويه واكتفي بهذا التعريف♥️.
وداع :اكلج زنيبه هوا الأحد عدنا امتحان يا ماده ولج
*طبعا وداع صف خامس*
زينب:ولج نسيتي شبسرعه مو كتلج كردي😂.
وداع:ياع وشون انا احب الكوردي خربب اكلج مشي نروح نقرأ شويه منه
زينب:خوش عمري باي
وداع:باي
وداع:رحت اقرأ من ال1 لحد 2:30 نزلت لماما لكيتها تقرأ قرآن عفتها ما قاطعتها رحت للمطبخ واشم الريحه ترد الروح ليوم الغده دولمة وكلت افيششش بويهه جعتت
طبعا كل بيت عراقي يحب الدولمة قليل الي ما يحبوها
صارت الساعه بـ 2:39وننتضر يجون متت جوع ياا ماما جعتتتتتت وين صاروو
حرير:ولج يمه ولله مادري يمكن يودي الناس هسه اخابر ابوچ
َوداع:تمام انتضر تتصل عاد رد عليها بابا وحجت ويا وسدته
كلتها ها بشري اجه الفرج
حرير:انطي مجال شبيج كالو ع جيه وتعرفين مكان ابوج بعيد فه يطول
وداع:تمام تمام
وداع:كاعده انا وماما ننتضر فجأة اتصلو علينه شفت الرقم غريب فكرت انا ما منطيه رقمي ل احد بس اهلي وصديقتي مارديت بس كلبي وجعني كلت خ ارد واشوف منو احسن
َوداع:الو منو
طلع رجال مبين من صوته كبير بلعمر وجان يكول الخبر الصدمني وكسرني كال....💔
___________
وَيَلُفُّنِي وَجَعُ الحَنِينِ وَأدَّعِي
صَبرًا، وَجَوفِي بِالأَسَى يَتَقَطَّعُ
وَأَذُوبُ مِن شَوقِي لَهُم لَكِنَّنِي
مِن فَرطِ حُزنِي أَعيُنِي لَا تَدمَعُ
يَا لَيتَ مَن غَابُوا سَلَونَا بَعدَهُم
أو لَيتَ مَن نَبكِيه يَومًا يَرجِعُ
ياترا شنو كال الرجال؟
شنو مصير وداع؟
ولهنا يخلص البارت انتضرونا ادري قصير بس ك بدايه عمري انتو🤎
تفاعلو تعليقاتكم لايكات صوتو حبايبي ♥️
