بين الماضي والحاضر ذكريات لا تنسى

البارت الاول

ليش التريده الروح يبعد عليه
ولما تريده يصير محبس بديه
.
.
.
.
...خليت رأسي بين رجليه وبقيت ابجي بدون صوت وبدأ صوت شهكاتي يعلى لحد ماا سمعت عباس كام يصيح اجه علي " هنا انا أنتهيت معرفت شنو اسوي خليت اديناتي على اذاني حتى مسمع شي ثواني والباب اندفر ودخل عليه !!

--------------------
في عام 1993
.
.
.
.
.... كل عاده كاعد ادرس وماحس الأ الباب ندفر ونشمرت عليه أغراض !!

.... كومي امسحي البيت وجهزي روحج جايينج خطابه والله اذا سويتي مثل كل مره مارحمج مفهوم يله كومي مامليتي من كتب 24 ساعه ؟

..... اووف منخلص من هاي السالفه كل يوم تنعاد

.... شنو عيني جنه ماعاجبج !!

.... لا عاجبني " كمت منها وانا دموعي بطرف عيني ياريت لو اهلي عايشين جان مصار هذا  شي بيه "

الجو حار كلش وانا انضف متت نتهيت مع انهُ البيت نضيف بس لازم ارجع انضف كملت تنضيف وصعدت اجهز روحي شويه وسمعت صوت حبيبي جوه"

رحت اركض نزلت ولكيته جايب النتيجه واكف يباوع على عمو شلون يحضن بجهاله لان ناجحين مع انو ياسر ابن عمي بس ميحبه بكثر جهاله "

امي الله يرحمها من توفه ابوي تزوجت عمي وبالولاده توفت وانا ربيت اخوي بس ابد محسسته بنقص وعمو ابد مايوم اعتبره ابنه دائماً يفرق بينه وبين جهاله

أريج.... ياسر حبيبي بله نتيجتك ناجح ؟؟

ياسر .... أريج انا ناجح الاول.

أريج .... يروحي مبروك ان شاءالله دكتور حبيبي

خديجه .... انتي شنو تسوين هناا نسوان راح يجنه

أريج ... انتي تعرفين انو حتى لو اجن نسوان انا مراح اوافق

خديجه.... يي حقج منو يصرف عليج اخوج دايح

أريج .... كافي اصلاً ناصر شرد من وراج

خديجه.... من وراي شنو تسمعهه جبار شتكول من وراي انا ناصر شرده من وراي  يمه(  تذب على بت الله ولد )  انا بعد مابقه بلبيت هسه اروح لهلي خاف انتي ما عندج اهل انا عندي امي وابوي

جبار صاح ... كافي شنو هذا الحجي خديجه شنو ماعدهه اهل غير احنه اهلهه !!

خديجه.... توكف وياا بت اخوك ضدي مو والله بعد ساعه مابقه هنااا واريد اشوف الي يمنعني !!

جبار ...خديجه شبيج قابل البنيه شكالت ماتريد تزوج
وين عايفه بيتج ورايحه .

خديجه..... خليها تفيدك انا رايحه !!

أريج... نقهرت كلش من حجي عمتي خديجه رحت الغرفتي وانا احاول مابجي بس ماكو فايده دموعي تنزل بوحدهه "

مليت الله ياخذني وارتاح كل يوم مشكله كل يوم مطلعتلي سالفه مليت ليش بس انا "

ياسر اندك الباب.... اكدر ادخل ؟