بالسادس ابتدائي صچمت بنت المعلمة سامية، سامية ولاعبالك طالبة رابع ابتدائي!
اصلا ولاعبالك بنية ، رگبتها من السمن صاير سودة ومشگگه!!
طويلة وسمينة وضخينة ، كلشي بيها سمين ، وعدها ملامح الانوثة بدت تتوضح، حتى اتذكر چانت لابسه أتگ اخضر!!
گتلها : ولچ انت شگد سمينة يمكن فسوتچ طولها نص ساعة يلا تخلص على هذا الكرش؟!
واني رايح للصف ، وصارت هوسة گلولي ولك احمد اشرد لهلك المعلمة جاية عليك تريدك، اني خفت وشردت، مارحت للبيت بقيت بالشارع واگف، وره شوية اجتي المعلمة السمينة ويه بتها السمينة على بيتنا، اني گبل دخلت للبيت وگمت اصلي ، اني بالركوع وچان تجيني كفخه على علباي، صحت بنص الصلاة: الله اكبر؟!!
ومن گمت هفتني راجدي بوجهي ..
اريد افتهم شكو؟!
امي گالت: ولك شلون تگول لبت المعلمة فسوتچ طولها نص ساعة انت ماتستحي ولك انت ماتخاف عليه، امها حزبية وابوها بعثي ؟!
گتلها : يمه هاي اتچذب عليچ ، اني اصلا مارايح للمدرسة ، اصلا چنت اصلي..
گالت: ولك ياصلاة هاي اللي لابس بيها الحذاء والجنطة بظهرك، عندك حرب خوما حرب منعول؟!!
اليوم اتذكرت هاي السالفة وگتلها لامي تتذكرين من جنت اصلي واجيتي كتلتيني؟!
گالت: هنيالك يمه ، گبل اللي يصلي چان ينكتل هسه شو اليصلون گاموا يكتلون بينه، شجاهم تفرهدوا مااعرف، بس مو تروح وتشوف وحدة من نسوانهم سمينة وتسويلي مصيبة
