"" الموت الاحمر ""
ـــــــــــــــــــــــــــــــــ
،، بقلم الكاتبة،،،
.. الاء بنت الشيخ محمد..
ـــــــــــــــــــــــــــــــــــــــــ
موصل/ ساعه ٥ صباح
ــــــــــــــــــــــــــــــــــــــــــ
ريمان: من يوم الي انفصلت بي عن سيف حياتي صارت زفت كل ناس يكول اي طلقها اكيد عندها شي اتهموني بشرفي بس ما سكت رحت بيت جدي وكعدت كدامهم كلهم جانو زلم ونسوان كرايبنا موجودين وكتلهم منو الي كال عني اني مو شريفة خلي يجي يسولف كدامي جان اباوع عل وحده من كرايبي كتلها اكو جماعه كالو انو انتي الي طلعتني السالفه
فطيم: اني اش الي دخل لا تكعدين تحجين من عندج
ريمان: دحكي بعيني واحجي واذا تريدين وداعت ابوي عندي بصمه تشهد عل كلام
فطيم: ارتبكت وما تعرف شنو تحجي عرفتها هي الي اتهمتني بشرفي
ريمان: شوف عمو ترضاها يعني لو بابا موجود جان ما يسكت وبعدين شنو اطلقت ترا اني لا اول وحده اطلقت ولا اخر وحده شنو هل شي ترا تعبت من تفكيركم هاذ عمو ما تصدكني براحتك اني عندي اهم شي اهلي مصدكين هاي تكفي واخر مره اكول والقران وداعت ابوي الي اسمعو يحجي عل شرفي راح يصير غير حجي لان اني اشرف من الشرف كافي بزعت وهنا فعلا فقدت السيطره وكمت ابجي
ريمان: ليش ال اني هيج حياتي ليش اشو ازوجت اصغيره وشفت الضيم هناك ولحد هس ما مرتاحه وانتو تجون تحجون عليا اشو من توفه ابوي كضيت حياتي كلها بل علاجات ما شفت سند منكم ابد تذكر من رجعنا عل بيت واحنا لكمة اكل ما عدنا لو ما خال امي جاب اكل جان احنا ضلينا بلا اكل محد بيكم وكف ويانا حربتونا اي لا تباوعون هيج عليا اني عل احجي الصدك ومستعده احلف عل قران انو محد بيكم وكف النا ابد بكلشي حربتونا عل لبس وعل مكياج وعل فلوس وعل درسه ما مر علينا يوم وما كعدنا نبجي بي كافي عاد كل واحد وحياتو هس اخواني صارو كبار واحنا كبارنا ونعرف نتصرف وماراح اكطع صلت الرحم راح اجي عليكم كل فتره وهاهيه وهس اترخص من عندكم في امان الله وطلعت من البيت ورحت عل بيتنا
ماما: تعالي اكعدي يمي ليش هل بجي عفيه عليج والله تربية ابوج ما ضاعت بيج هس اطلع بل شارع وافتخر عندي هيج بنت رفعتي راسي طلع كل الحجي ال جان بكلبي اكولو من زمان ولا تهتمين بنتي تعالي نامي بحضني
ريمان: اسمع كلام ماما وبجيت فعلا ماما تعبت علينا والله اتحملت كلشي من حجي ومن هواي شغلات لخاطرنا وهاذ شي قليل الي اسوي اني بس ابد ما اعوف حقنا وان شالله راح يجي يوم وراح اطلب بل ورث مال ابوي وال اخذ حق ابوي واني وزمان طويل عاد نمت
وكعدت عل صوت اخواني
احمد: كومي ترا اذن يلا صلي وامشي نطلع عل مدينه
ريمان: ترا مالي خلك والله اخذ اهلي وروح اني اضل بلبيت
احمد: انجبي يلا كومي بسرعه ترا هس ماما تزعل يلا كدامي
ريمان: امري ال الله كمت اتوضيت وصليت ورحت سبحت وجيت بدلت لبست فستان اسود طويل وشيله حمره وخليت مكياج خفيف وبدلنا واختي المزوجه هي وعيالها اجو هم وطلعنا عل مدينة واتونست هناك وما خليت لعبه وما ركبت بيها جان كتلها ال ماما
ريمان: ماما راح اروح عل حمام وجي بس اعدل المكياج مالتي
ماما: يلا لا تتاخير حتا نتعشا
ريمان: ماشي ماما ورحت عل حمام وعدلت المكياج مالتي وطلعت كلت خلي اشتري جبس ورحت عل المحل اشتريت جبس وجان امشي وانطخت ويا شخص عاد اني كبل كمت كلت شني انتي ما تشوفين وجان ارفع راسي واشوف سيف كدامي
سيف: اسفين ريمان خانوم
ريمان: اتجاهلوت ومشيت بس شنو كلبي وجعني رحت كعدت يم اختي
ديم :شبيج ريمان اخذي نفس يمعوده راح يطلع كلبج خر.. تعال احمد جيب الباخ مال ربوو استعجلل
ريمان: احنا اختنكت اريد اخذ نفس بعد ما اكدر
احمد: ولي شبيج امسكي راح تموتين
ديم: احمد روح بسرعه صيح مروان خلي ناخذها عل مستشفئ يلا اركض
ريمان: اجا مروان واخذوني عل مستشفئ وحطولي اوكسجين يلا شوي ارتحيت ورها طلعنا ورجعنا عل بيت وكبل نمت
من التعب لان فعلا انغثيت
وكعدت ساعه 3 بليل نايمين كلهم يمي عاد فتحت الجهاز وحذفت اشكو شي قديمه وطلعت السيمكارت وكسرتو والصور حذفتهن وسويت حسابات جديده و من هنا بدايت اعيش حياتي وصار ماضيي
بيوم جنت كاعده وجان يدخلون بكروب عل فيس وجان اشوف
يتبععع....
بنات ان شالله ورا العيد اختماها وابدي بقصة جديدة وهاي اخره مره اجوبكم هاي قصتي اني والقصه واقعيه وكل اهلي شجعوني انو اكتبها واتمنا تعجبكم وارجع واكول الاسامي غيرتهم تمام...
أنت تقرأ
الموت الاحمر
Poetryفتاة عاشت في حضن والدها معززة ومكرمة لكن دارة الايام وحدث امور لم تكن بالحسبان فقد استشهد والدها وتغيرت حياتها للاسوء ما بين صغوط الحياة واقاربها ومشاكلهم وعمها الذي كان يعذبها ويستغلها لخدمتة وما الحرب التي كانت قائمة في المدينة انا ذاك فتزوجت لكي...
