العُــــقَــــابُ الأســــطــــوري🌼🦅|🇲🇦

🦅الحاكم الغامض و عروسه المغرورة🦅|2

▪︎فالصباح الباكر - مملكة كينتاريا▪︎

بدات تحل أسمهان فعويناتها و ناضت تتحك فيهم من فاش طلعات للعربة مابقات عاقلة على والو داها النعاس فيها..ضورات راسها فالغرفة كانت مثل غرف العصر الفيكتوري بكاع لي غتحتاجو..وقفات مقابلة مع المرايا باقة حالتها كيفما هي مزوقة بذهب و مجوهرات ناجية و باقة بديك الفراشة..ضورات راسها تما لقات اغراضها محطوطين فوق كرسي مشات ديريكت هزات شاكوش و خدات منو واحد السروال بيج بالفوق ديالو على شكل قاميجة غير هو تتجمع بسمطة من نفس الثوب فالخصر ماشي الصداف..حييدات كاع دوك المجوهرات خباتهم فالصاك خلات غير داك الخاتم حيت عجبها و جاها بنوتي و لايق على عمرها ماشي بحال داك الذهب الثقيل كولو..و بكل فضول بقات تتضور فالبيت و تفتشها حتى كتاشفات باب آخر ديال الحمام..قضات حاجتها و غسلات حالتها و وجهها عاد جلسات عند الكوافوز و مشطات شعرها..كحلات عينيها و قاداتهم هوما و حجبانها تتبقا هادي هي الحاجة المفضلة عندها فالتوجاد لأنه تعلمات من أخواتها أنه الكحل لونو الحقيقي هو نيت الأسود لي تتشوفو بيه...

أسمهان تتشوف فإنعكاسها بإبتسامة: ماعرفتش كيفاش غنشوف الأمير ولكن تنظن هكا مناسب

ناضت خرجاات من تما و هي تلقا حدا باب غرفتها بزااف د البيبان خرين..بقات غادية مع الممر حتى بانت ليها قاعة كبيييرة بزاااف مجموعين فيها بنات شابات من مختلف الأعراق و العائلات ها السمرة ها البيضة ها لي بين و بين عيون فألوان و أجسام فمختلف الأشكال و الطول بقات غير تترمش فيهم بعيوناتها بواحد الدهشة حتى وقفات عليها وحدة تطلعها و تهبطها بإستغراب...

البنت: نتي من البنات لي عاد جاو ياكي؟

أسمهان بتوتر: ا ااه

البنت: زيدي تفضلي تفطري

داتها حتال فين كاين واحد البوفي مكلفين بيه جوج عيالات تيقادو ليهم فصواني الماكلة كلشي مقاد و متول و جودتو عالية و أطباق مصنوعة بعناية..خدات أسمهان صينيتها بريوك سايلة من كترة الجوع و النعمة لي ماذاقتها من الغداء د البارح و جلسات فواحد القنت بوحدها كيف موالفة..تاكل دغمة بيدها و الثانية بعينيها (التبركيك) لأول مرة فحياتها تختالط مع مشعوذات من غير خواتاتها و امها تيبانو عليهم بنات شكون و شكون خصوصا لي تهزو من المملكة..بينما البعض منهم كانو تيوشوشو و يبرككو فيها و فلباسها حتى سالات و ناضت خلات الصينية تما و بدات تستكشف فالمكان فضولها قاتلها بغات تعرف قداش هاد القصر و كيف داير و هي لي بينها و بين القصورا غير فالأفلام و المسلسلات....

فنفس الوقت فجناح جوهر...

كانت أميرتنا المغرورة جالسة بكل تعالي تتراقب فالخادمات لي تيستفو ليها فالفساتين الجديدة لي تخييطو خصيصا و فقط ليها هي و معاها بنت خالها الأميرة غزلان لي كانت جالسة حاطة رجل على رجل تتسمع فتعاويدها...