فصلية الضابط همام

البارت الثالث

ما احس الة انضرب شي بالسيارة نزلت اركض وشفت ولد طايح والدم تارس الكاع ياربي هسة شسوي اخذتة وكبل ركضت للمستشفى وخابرت ع ابوي
: الو بوية أنة ضربت واحد بالسيارة ما اعرف كبل طلع كدامي

: شجاي تكول انتة وين انتة هسة بيا مستشفى

:بمستشفى ال .......

:ها خوش يلا جايك...

وداد: ها حسن شبيك وين رايح اوكف

: حمزة ضرب واحد بالسيارة وانة رايحلة

: يمة ابني اوكف جاية وياك
:وين جاية ضلي يم عشق محد يمهة

عشق: أنة كاعدة جاي ادرس واسمع صوت ماما وبابا يصيحون نزلت اركض ماما بابا شصاير شبيكم تصيحون

حسن : حمزة ضرب واحد بالسيارة وانة رايح اشوفة بالمستشفى

: من بابا كال هيج حسيت ضربة واجت ع راسي راح وانا وماما ضيلنة نبجي وانة اكول اليوم ليش مامرتاحة وضايجة اباوع ع ماما اشوفهة تبجي

حمزة : بعد مادخلو الولد بالعمليات لكيت تلفونة لأن من اندعم طاح تلفونة لكيت اخر رقم متصل علي اخو اتصلت علي

همام : اني بالشغل واتصل اخوي شيريد مو قبل شوي حجينة الوو

: الو أنة جاي اسوق وأخوك طلع كبالي فجأة ومادري ودعمتة

همام : شنو وين انتة هسة شوف اذا صار شي لخوي اموتك وين انتة بيا مستشفى
:بمستشفى ال ....
:يلا جاي رحت مثل المخبل للمستشفى وصلت لكيت واحد واكف والدم ع ملابسة رحت علي لزمتة من ياختة وين اخوي شلون دعمتة ضربتة بوكس

حمزة : اوكف اهدة شوي خل احجيلك

: شتحجي ولك وين اخوي

: اخوك هسة بالعمليات مادري طلع كدامي وضربتة

شفت ابوي من بعيد اجة يركض

حسن : اهدة بوية صلي ع محمد اوكف عوف ابني خل نعرف نحجي

: شتحجي ابنك دعم اخوي

: واللة مادري جنت اسوق وأخوك كبل طلع كبال السيارة

: امشي من وجهي ادعي ربك اخوي مايصير بي شي

شلت التلفون وخابرت ع ابوي الووو بوية محمد اندعم وهسة بالعمليات

ناهض : شنووو شتكول وين انتة .... يلا جاي

همام : بوية جيب عمامي وياك

: يلا سدة جايين وينج اياتت

: ها ناهض شبيك تصيح شصاير

: ولج محمد اندعم وهسة بالعمليات

: شنووو يمة ابني أخذني وياك ما أضل هنا

: يلا بسرعة امشي

همام : ضليت انتضر باب غرفة العمليات ع ما يجي ابوي وعمامي ماطولو دقايق واجو