فهد: مريم احجي شبيج رحمة الربج لتسكتين الوو مريممم سديتة من مريم خابرت ع علي راح يركض ع امي
سعاد: يمة بنيتيي صخام بعينك فهيداان شسويتلهة
سميرة: يااا سعاد شبيج ع الولد هوة شعلي موو بدوام خلي ناخذهاا للمستشفى شوفو لبنية راح تموت
علي: لبسناهاا شال وعباية وشلتهة اخذناهاا للمستشفى كبلل للطوارئ الخاص اي دكتور يشوفهة يكول ماكدر اتحمل مسؤلية المريضة
سيف: اذااا مافحصتهة احرك المسشفى عليك فتهمت
الدكتور: طببوهاا
وديناهاا ننتضر ننتضر وماكوو ماطلع الدكتور وفهد خبلني صار مثلل الطفلل حتة ع موت ابوو موهيج كام يهلوس ب كلمة اسف يارب لتحرمة منهة ورجعهاا النة بسلامة ساعة ونص لوو اكثرر وطلعع الدكتور
فهد: افتح المايك بسرعةة فتحو المايك واني مابطلت دعاء وضليت اسمع للدكتور ودموعي تنزل
الدكتور: انتوو اهلهاا للمريضة
علي: ايي دكتور
الدكتور: تدرون لوماا متلاحكيهة جان وكف كلبهاا
سيف: بس دكتور المريضة نامت مابيهة شيي جانت كاعدة ويانة ماجنة متوقعين هيج شيي واحنة ندري عدهة فتحة ب القلب
الدكتور: الحمدلله كدرنة نسيطر ع الوضع
سعاد: يعني دكتور وضعهاا موزين
الدكتور: اي نعم موزين ونبضهاا كللش ضعيف وحالتهة تعبانة
سعاد: صخام بوجهج سعاد شتكولين ل اهلهة يبعد عمري اخذناج وردة وذبلناج الله لاا ينطي الجان السبب تعبوهاا ودمروهاا وهية بعدهي بعمرر الورد موحملل هلتعب كلة منيي اني الاخذتهاا عبالي راح يصير براسة خيير ويحبهاا راح يموتهاا شكول ل امهة اني
سميرة: اهدي سعاد احنة موبلبيت
سعاد: ولج خية شلون اهدئ جان راحت شمعة بيتي جان راحت الوردة
علي: دكتور تحتاج عملية
الدكتور: متحتاج عملية بس اذاا انتو صدك رايديهاا خلوهاا تبتعد عن ايشي يقهرهاا وعن البجي هم هاي الفترة كلبهاا كللش تعبان خلوهاا تصحى وتكدرون تشوفوهاا
علي :شكراا دكتور تعبناك
الدكتور: هاذة واجبي
علي: فهد تسمعني
فهد: ديرو بالكم عليهاا بغلاتي اني راح احاول اجي
علي: لدير بال خوية مريم اختي
فهد: ونعم منك
*******************************
مريم: كعدت اباوع اني موبغرفتي اذكرت من خابرت فهد اكيد هوة كللهم اختنكت من ريحة المستشفى حاولت اتنفس بهدوء وانضم دكات كلبي دخلت خالة سعاد وخالة سميرة
أنت تقرأ
الـ فهد ومريم
Teen Fiction( واقعية) تدور احداث الرواية عن انسانة صبورة تحملت ضياع مستقبلهة بسبب الجهلل جانت امنيتهة تتخلص من ضياعهاا. شلون حيصير كل هذاا نعرفة داخلل الرواية، ونشالله تعجبكم ياا ترى شنوو قصتهاا وية الضابط فهد وشنو الصعوبات الي راح تواجهة ؟
