"အရှင့်ထံပါး၌ ခစားခွင့်ရခဲ့သည်ရှိသော်✨"
Part (1)
------------
------------
"မင်း ဘာပြောလိုက်တယ် ဌာန်ဗဟိုလ်!!"
ကြားလိုက်ရတဲ့စကားကြောင့် ဒေါ်ဆောင်းဟေမန်တစ်ယောက် ထိုင်နေတဲ့နေရာကနေ ဒေါသတကြီး မတ်တပ်ပင်ရပ်မိသွားရသည်....
သူမ အခုကြားလိုက်ရတဲ့စကားက
သူမ ဘဝမှာ တစ်ခုမှမမျှော်လင့်ခဲ့ဖူးတဲ့ စကားပင်မဟုတ်လား....
"အဟက်!!အမကြီးကလဲ ဆေးအေးပေါ့...ကျုပ်က အမကြီးကိုအေးဆေး လာကမ်းလှမ်းနေတာပါ!!"
ဘယ်ဘက်လက်ညိုးမှာဝတ်ဆင်ထားတဲ့ နဂါးတစ်ကောင်မာန်ဖီရင်းရစ်ပတ်ထားတဲ့ပုံစံ လက်စွပ်ကို သူ့ရဲ့ညာဘယ်လက်နဲ့လှည့်ရင်း မထီမဲ့မြင့် ခပ်လှောင်လှောင်အပြုံးနဲ့ ဌာန်ဗဟိုလ်....
ဧည့်ခန်းက ခုံပေါ်မှာ ခြေထောက်နှစ်ချောင်းချိတ်ကာဒေါသအရှိန်ကြောင့် မျက်နှာပင် ရဲတက်လာတဲ့ဒေါ်ဆောင်းဟေမန်ကိုမကြည့်ပဲ သူ့ရဲ့လက်စွပ်ကိုသာစိတ်ဝင်တစားကြည့်နေလေသည်...
"မင်းပြန်လိုက်တော့...."
"အမကြီးက ကျုပ်စကားလက်မခံဘူးလို့ပြောချင်တာလား!!"
"မင်း တန်ရာတန်ရာ တောင်းလေ!!နွားအိုမြက်နုကြိုက်ပုံစံနဲ့ အမဲရိုးဟင်းအိုးမှ အားမနာ!! တောက်!!"
"အော်...."
ဒေါ်ဆောင်းဟေမန် သူ့မျက်နှာကိုစေ့စေ့ကြည့်ကာ အပြတ်ပင်ပြောချလိုက်သည်...
"ကျုပ်ဘက်က လိုချင်နေတာမို့အမကြီးဆီမှာ ရိုကျိုးပြီး လာတောင်းတာပါ...အမကြီးက မပေးချင်ဘူးဆိုတော့လဲ ဘယ်တတ်နိုင်ပါ့မလဲ...အဟက်!!နောက်မှ ကျုပ်အဆိုးမဆိုနဲ့ပေါ့!!"
"ဌာန်ဗဟိုလ်!!"
"ကျုပ်သွားပြီ!!"
အနက်ရောင်အနောက်တိုင်းဝတ်စုံကိုဝတ်ဆင်ကာ အပေါ်ကနေ အနက်ရောင် long coatကိုထပ်ဝတ်ထားတဲ့ ဌာန်ဗဟိုလ်တစ်ယောက် ဒေါ်ဆောင်းဟေမာန်ကို မဲ့ပြုံးပြုံးလိုက်ကာ
ထိုင်ခုံကနေ ထပြီး
အိမ်ကနေထွက်လာသည်နှင့် အိမ်ရဲ့ပေါ်ကီအရှေ့မှာ အဆင်သင့်ရပ်ထားတဲ့ အနက်ရောင် မာစီဒီးကားက တံခါးဖွင့်ထားပြီးသားပင်...
YOU ARE READING
အရှင့်ထံပါး၌ ခစားခွင့်ရခဲ့သည်ရှိသော်(Complete)(Unicode)
Romanceအရှင်.... မြတ်နိုးချစ်ခွင့် ရှိမလား.... မော်ဖူးကြည့်ခွင့် ပေးပါ အရှင်ရယ်... (ဆောင်းနသာန်) #Author-နွေ
